الماتى اكىمى اپپاراتىنىڭ باسشىسى تاعايىندالدى. 

"پرەزيدەنتى اكىمشىلىگىنىڭ كەلىسىمىمەن الماتى قالاسىنىڭ اكىمى دارحان ساتىبالدىنىڭ وكىمىمەن الماتى قالاسى اكىمى اپپاراتىنىڭ باسشىسى قىزمەتىنە ەرلان يسابەكوۆ تاعايىندالدى"، - دەلىنگەن حابارلامادا.

ەرلان شوي ۇلى يسابەكوۆ ءال-فارابي اتىنداعى قازاق ۇلتتىق ۋنيۆەرسيتەتىن، «بولاشاق» باعدارلاماسىمەن دجوردجتاۋن ۋنيۆەرسيتەتىن (اقش) بىتىرگەن. قولدانبالى ماتەماتيكا جانە ەكونوميكا ماماندىقتارى بويىنشا ماگيستر دارەجەسى بار.

ەڭبەك جولىن الماتى قالاسىنداعى № 131 مەكتەپ-ليسەيىندە ماتەماتيكا ءپانىنىڭ ءمۇعالىمى بولىپ باستاعان.

2000-2002 جىلدارى مەملەكەتتىك كىرىستەر مينيسترلىگىندە قىزمەت اتقاردى. 2002-2008 جىلدارى - قارجى مينيسترلىگىنىڭ كەدەندىك باقىلاۋ كوميتەتىندە جۇمىس ىستەدى.

2008-2009 جىلدارى پرەمەر-مينيستردىڭ كەنسەسىندە قىزمەت اتقاردى.

2009-2015 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا قىزمەت ەتتى.

2015-2018 جىلدارى پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ ينسپەكتورى قىزمەتىن اتقاردى.

2018-2023 جىلدارى اقمولا وبلىسى ەگىندىكول اۋدانىنىڭ جانە جەتىسۋ وبلىسى قاراتال اۋدانىنىڭ اكىمى بولدى.

وسى تاعايىنداۋعا دەيىن پرەزيدەنت اكىمشىلىگى مەملەكەتتىك باقىلاۋ ءبولىمىنىڭ مەملەكەتتىك ينسپەكتورى بولىپ جۇمىس ىستەگەن.