شەرزات بولات ءىسى بويىنشا سوتتالعانداردىڭ مەرزىمىنەن بۇرىن شارتتى بوساۋى تۋرالى سۇراققا جابىرلەنۋشى تاراپتىڭ قۇقىعىن قورعاعان ادۆوكات مەيىرمان شەكەيەۆ جاۋاپ بەردى.
ايتۋىنشا، قىلمىستىق كودەكستە اسا اۋىر باپ بويىنشا مەرزىمىنەن بۇرىن شارتتى بوساۋ وزگەشە قاراستىرىلعان.
ولار (سوتتالۋشىلار – رەد.) ونداي وتىنىشحاتپەن (سوتقا – رەد.) جۇگىنۋى مۇمكىن. ولار مەرزىمىنىڭ جارتىسىن وتەۋى قاجەت. سەبەبى بۇل – اسا اۋىر قىلمىس. سونىمەن قاتار ازاماتتىق تالاپتى قاناعاتتاندىرۋلارى ءتيىس. قارجاۋباي (مارقۇم شەرزات بولاتتىڭ اكەسى – رەد.) "ماعان اقشا قاجەت ەمەس، ولار تولىقتاي جازاسىن وتەپ شىققانى كەرەك" دەدى. ءبىز ازاماتتىق تالاپتى بىردەي تارتىپپەن ءوندىرىپ الۋ تۋرالى ءوتىنىش بىلدىردىك. ياعني ءبىر تاراپتىڭ اقشاسى بولىپ، مورالدىق وتەماقىنى قاناعاتتاندىرعانىمەن ەكىنشى تاراپتىڭ ونداي مۇمكىندىگى بولماسا، ولار شىعا المايدى، - دەپ ءتۇسىندىردى ادۆوكات.
سونداي-اق ايىپتالۋشىلار جابىرلەنۋشى تاراپتان رۇقسات سۇراۋى قاجەت.
اۋىر قىلمىس بولعاندىقتان ولار جابىرلەنۋشى تاراپتان (مەرزىمىنەن بۇرىن شارتتى تۇردە بوساپ شىعۋ ءۇشىن – رەد.) رۇقسات سۇراۋلارى كەرەك. سوڭعى شەشىمدى سوت قابىلدايدى. ماتەريالداردى زەرتتەپ، ءبارىن قارايدى، - دەدى مەيىرمان شەكەيەۆ.
