ەل نازارىن اۋدارعان ءىستىڭ نۇكتەسىن كىم قويادى؟ ەرجان باباقۇماروۆتىڭ ءولىمى بويىنشا تەرگەۋ اياقتالدى، قىلمىستىق ءىس سوتقا جىبەرىلدى.

رەزونانستى ماتەريالداردى بيشىمبايەۆقا ۇكىم وقىعان سۋديا ايجان قۇلبايەۆا قارايدى.

ءىس سوتقا ءوتتى

استانا پروكۋراتۋراسى قىلمىستىق ءىستى ق ر قك 99-بابىنىڭ 1-بولىگىمەن (ادام ءولتىرۋ) تەرگەدى.

كۇدىكتى بۇلتارتپاۋ شاراسى رەتىندە قاماۋدا وتىر.

ءىس ق ر قپك-نىڭ 300–305-باپتارى تالاپتارىنا ساي سوتقا جولداندى.

ق ر قپك-نىڭ 201-بابىنا سايكەس وزگە مالىمەتتەر جاريا ەتىلمەيدى.

سۋديا كىم بولادى؟

ستوليچنىي سوتتىڭ باسپا ءسوز قىزمەتى ءىستىڭ ارنايى مامانداندىرىلعان اۋدانارالىق قىلمىستىق سوتقا تۇسكەنىن حابارلادى.

ءىستى سۋديا ايجان قۇلبايەۆا قارايدى.

ول بۇعان دەيىن سالتانات نۇكەنوۆانىڭ ءولىمى ءىسى بويىنشا ەكس-مينيستر قۋاندىق بيشىمبايەۆقا ۇكىم وقىعان ەدى.

الدىن الا تىڭداۋ 19 قاڭتارعا بەلگىلەندى.

نە بولعان ەدى؟

30 قازانعا قاراعان ءتۇنى ەرجان باباقۇماروۆ تانىسىمەن جانجال كەزىندە قازا تاپتى.

ەرجان باباقۇماروۆ تۋرالى قىسقاشا

ەرجان باباقۇماروۆ 1969 جىلدىڭ 2 ناۋرىزىندا تالدىقورعان وبلىسىندا تۋعان.

ساياسي عىلىمدار كانديداتى بولعان.

1996 جىلدان مەملەكەتتىك قىزمەتتە ەڭبەك ەتكەن.

پرەزيدەنت اكىمشىلىگىنىڭ ىشكى ساياسات باعىتى مەن اقپاراتتىق-تالداۋ ورتالىعىندا باسشىلىق قىزمەتتەر اتقارعان.

مادەنيەت جانە اقپارات مينيسترلىگىندە جاۋاپتى حاتشى جانە ۆيسە-مينيستر بولىپ ىستەگەن.

پرەمەر-مينيستر كەڭسەسى باسشىسىنىڭ ورىنباسارى بولىپ جۇمىس ىستەگەن.

ورتالىق كوممۋنيكاسيالار قىزمەتىن باسقارعان.

پرەزيدەنتتىڭ كەڭەسشىسى، اكىمشىلىك جانىنداعى تالداۋ جانە بولجاۋ ورتالىعىن باسقارعان.

2019 جىلدىڭ شىلدەسىنەن 2022 جىلدىڭ اقپانىنا دەيىن الماتى قالاسى اكىمىنىڭ ورىنباسارى بولىپ قىزمەت ەتكەن.

بۇل تۋرالى Qamshy.kz اقپارات اگەنتتىگى حابارلايدى.