«BizBirgemiz Qazaqstan» قورىنىڭ جەتەكشىسى پەريزات قايراتتىڭ سوت پروسەسى تىكەلەي ەفيردە ءوتۋى مۇمكىن. بۇل تۋرالى جوعارعى سوت قازاقپارات اگەنتتىگىنىڭ رەسمي سۇرانىسىنا بەرگەن جاۋابىندا مالىمدەدى.
«ەگەر پەريزات قايراتتىڭ ءىسى سوتقا كەلىپ ءتۇسىپ، قوعام مەن زاڭگەرلەر تاراپىنان ءتيىستى سۇرانىس بولسا، سوت وتىرىستارىن تىكەلەي ەفيردە كورسەتۋ ماسەلەسى قارالۋى مۇمكىن»، — دەلىنگەن جوعارعى سوتتىڭ جاۋابىندا.
ايتا كەتەيىك، پەريزات قايرات پەن ونىڭ اناسى عايني الاشبايەۆاعا قاتىستى قىلمىستىق ءىس بويىنشا تەرگەۋ اياقتالىپ، ءىس ايىپتاۋ اكتىسىمەن بىرگە باس پروكۋراتۋراعا جولداندى.
تەرگەۋ دەرەكتەرىنە سايكەس، پەريزات قايرات مەملەكەتكە 3،5 ملرد تەڭگە كولەمىندە ماتەريالدىق زالال كەلتىرگەن. سونداي-اق، ۇرلانعان قارجىعا ساتىپ الىنعان قۇنى 865 ملن تەڭگەگە باعالانعان مۇلىككە تىيىم سالىنعان.
