بۇگىن ق ر پارلامەنتى سەناتىنىڭ جالپى وتىرىسىندا جوعارعى سوت سۋديالارى گەرمان نۇربايەۆ پەن دوسجان ءامىروۆ قىزمەتتەرىنەن بوساتىلدى.
وتىرىستا جوعارى سوت كەڭەسىنىڭ ءتوراعاسى دميتريي مالاحوۆ مەملەكەت باسشىسىنىڭ اتالعان سۋديالاردى قىزمەتتەن بوساتۋ تۋرالى ۇسىنىسىن سەناتتىڭ قاراۋىنا ەنگىزدى.
– مەملەكەت باسشىسىنىڭ ۇسىنىسىنا سايكەس، جوعارعى سوت سۋدياسى دوسجان ءامىروۆ زەينەت جاسىنا جەتۋىنە بايلانىستى وتستاۆكاعا كەتىپ وتىر. ول بۇعان دەيىن بىرنەشە وبلىستىق سوتتارعا ءتوراعالىق ەتكەن، سۋديالار قاۋىمىندا زور بەدەلگە يە، سونداي-اق قازاقستان سۋديالار وداعىنىڭ ءتوراعاسى بولىپ تابىلادى، – دەدى مالاحوۆ.
سونداي-اق ول جوعارعى سوتتىڭ تاعى ءبىر سۋدياسى گەرمان نۇربايەۆتىڭ جاڭا لاۋازىمعا تاعايىندالعانىن حابارلادى.
– تمد ەكونوميكالىق سوتىنىڭ 2025 جىلعى 10 ماۋسىمداعى پلەنۋم قاۋلىسىمەن گەرمان كاريم ۇلى نۇربايەۆ تمد ەكونوميكالىق سوتىنىڭ ءتوراعاسى بولىپ سايلاندى، – دەدى ول.
سەنات دەپۋتاتتارى ۇسىنىستى ءبىراۋىزدان قولداپ، سۋديالاردى قىزمەتىنەن بوساتۋ تۋرالى شەشىمدى ماقۇلدادى.
