الماتى قالاسى پد ۇيىمداسقان قىلمىسقا قارسى كۇرەس باسقارماسىنىڭ مالىمەتى بويىنشا اعىمداعى جىلدىڭ 9 ايىندا قالادا ادام ساۋداسىنا بايلانىستى 30 قىلمىس اشىلدى.

«سونىمەن، جىل باسىنان بەرى ق ر قك-نىڭ 309 بابىنا سايكەس جەزوكشەلىكپەن اينالىسۋدى ۇيىمداستىرۋعا جانە ۇستاۋعا قاتىستى 23 سوتقا دەيىنگى تەرگەۋ جۇرگىزىلدى جانە ق ر قك-نىڭ 308 بابىنا سايكەس جەزوكشەلىكپەن اينالىسۋعا بايلانىستى 5 قىلمىستىق ءىس جانە ق ر قك-نىڭ 128 بابىنا سايكەس ادام ساۋداسىنا قاتىستى 1 قىلمىستىق ءىس قوزعالدى»، - دەپ ايتتى الماتى قالاسى پد ۇققكب ادام ساۋداسىنا قارسى كۇرەس ءبولىمىنىڭ باستىعى، پوليسيا پودپولكوۆنيگى ايدىنبەك كوكامبەكوۆ.

سونداي-اق، سپيكەردىڭ مالىمەتىنشە، جەزوكشەلىكپەن اينالىساتىن ادامداردى، قوناق ۇيلەردى، پاتەرلەردى انىقتاۋ ماقساتىندا تۇراقتى نەگىزدە جەدەل-ىزدەستىرۋ ءىس-شارالارى جۇرگىزىلەدى. وسىنداي عيماراتتاردىڭ يەلەرى ق ر  اقبك-نىڭ 450 بابىنا سايكەس جاۋاپكەرشىلىككە تارتىلاتىن بولادى. بارلىق ماتەريالدار الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جىبەرىلەدى.

«اۋداندىق پوليسيا بولىمشەلەرىنىڭ جەرگىلىكتى پوليسيا قىزمەتكەرلەرىمەن بىرلەسە وتىرىپ، وسى جىلى 121 ادام ق ر اقبك-نىڭ 450-بابى – جەزوكشەلىكپەن اينالىساتىندارعا ءۇي-جاي بەرۋ، 449 بابى – قوعامدىق ورىنداردا ينتيمدىك قىزمەت كورسەتكەن 313 ادام اتالعان باپتار بويىنشا جاۋاپقا تارتىلدى»، - دەپ تۇيىندەدى ءوز ءسوزىن پودپولكوۆنيك كوكامبايەۆ.