قاراشا ايىندا سينوپتيكالىق پروسەسستەردىڭ ءجيى الماسۋىنا بايلانىستى كۇن-رايى قۇبىلمالى بولادى، دەپ حابارلايدى Qamshy.kz اقپارات اگەنتتىگى رمك "قازگيدرومەتكە" سىلتەمە جاساپ.

ايازدى جانە جىلى كۇندەر الما كەزەك اۋىسىپ جاۋىن-شاشىندى، ۇيىتقىمالى جەل سوعىپ، كوكتايعاق بولادى، تۇندە جانە تانەرتەن تۇمان كۇتىلەدى.

العاشقى ون كۇندە اياز بولادى.

سولتۇستىكتە تۇندە 5...15 اياز، كۇندىز 0...8 اياز بولادى؛

وڭتۇستىكتە تۇندە 0...7 اياز، كۇندىز 0...5 اياز بولادى.

كەلەسى ون كۇندە اياز قاتتىراق سەزىلەدى

اۋا تەمپەراتۋراسى تەك پاۆلودار مەن شىعىس قازاقستان وبلىستارىندا  1°س تومەن بولادى دەپ كۇتىلەدى.

ايلىق جاۋىن-شاشىن مولشەرى قىزىلوردا وبلىسىندا، وڭتۇستىك قازاقستان، جامبىل وبلىستارىنىڭ سولتۇستىك جارتىسىندا مولشەردەن از، سولتۇستىك قازاقستان، اقمولا، پاۆلودار وبلىستارىندا، قوستاناي وبلىسىنىڭ سولتۇستىگىندە، شىعىس قازاقستان وبلىسىنىڭ كەي جەرلەرىندە، الماتى، جامبىل جانە وڭتۇستىك قازاقستان وبلىستارىنىڭ تاۋلى جانە تاۋ بوكتەرى اۋماقتارىندا مولشەردەن كوپ، قالعان ايماقتاردا – قالىپتى مقلشەردە جاۋادى.