قاراعاندىدا «نۇر وتان» پارتياسىنىڭ وبلىستىق فيليالىنىڭ XXX ەسەپتىك-سايلاۋ كونفەرەنسياسى ءوتتى، دەپ حابارلايدى Qamshy.kz اقپارات اگەنتتىگى.

كونفەرەنسيا بارىسىندا قاراعاندى وبلىسىنىڭ اكىمى ءارى پارتيانىڭ وبلىستىق فيليالىنىڭ باسشىسى ەرلان قوشانوۆ «نۇر وتان» پارتياسىنىڭ باستى كۇشىن اتادى.

«نۇر وتان» پارتياسى جاڭا وزگەرىستەر كەزەڭىنە تاپ كەلدى. وزدەرىڭىز دە بايقاعان بولارسىزدار، سوڭعى ۋاقىتتاردا پارتيا ءار ىستە، ءار جوبادا اسا بەلسەندىلىك تانىتىپ كەلەدى، حالىقتى وڭتايلى ناتيجەلەرىمەن قۋانتىپ جاتىر، ەڭ باستىسى، تۇرعىنداردىڭ پارتياعا دەگەن كوزقاراسى جاقسارعان. بىلە بىلسەڭىزدەر، «نۇر وتان» - بيلىكتىڭ ەمەس، ناعىز ءىستىڭ پارتياسى. ءبارىن تولعاندىراتىن سۇراق مىناۋ: «نۇر وتاننىڭ» باستى كۇشى نەدە؟ پارتيانى العا جەتەلەپ وتىراتىن – باستاپقى پارتيالىق ۇيىمدار»، - دەدى ەرلان قوشانوۆ.

قاراعاندى – «نۇروتاندىقتاردىڭ» مەكەنى دەسەك تە قاتەلەسپەيتىن شىعارمىز. سەبەبى رەسپۋبليكا بويىنشا «نۇر وتانعا» مۇشە تۇرعىنداردىڭ ماكسيمالدى كورسەتكىشى وسى قاراعاندى وڭىرىندە. ستاتيستيكاعا سايكەس، پارتيا قۇرامىندا 110 مىڭعا جۋىق قاراعاندىلىق بار دەپ بولجانادى.

«بۇل ازاماتتاردىڭ ءاتى-جونى عانا جازىلعان قاراپايىم ءتىزىم ەمەس. بۇل – بەرىك، ىرگەسى مىقتى رەسۋرس. پارتياعا جاڭادان ەنىپ جاتقان جاستارىمىزدى ودان ءارى جىگەرلەندىرىپ، بەلسەندى بولۋىنا كۇش سالۋ – ءبىزدىڭ مىندەت»، – دەدى وبلىس اكىمى جۋرناليستەردىڭ سۇراقتارىنا جاۋاپ بەرە وتىرىپ.

ايتا كەتەيىك، «نۇر وتان» پارتياسى 1999 جىلدان بەرى حالىققا قىزمەت ەتىپ كەلەدى. ونىڭ قالىپتاسۋ تاريحى قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەسىمىمەن تىعىز بايلانىستى. نازاربايەۆ – پارتيانىڭ يدەيالىق قولداۋشىسى، قالىپتاسقان كۇننەن بەرى باسى-قاسىندا.

1999 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاماسى بويىنشا «وتان» پارتياسى قۇرىلىپ، كەيىن ول قازاقستاننىڭ پرەزيدەنتتىك ءىرى پارتياسىنا اينالدى.

2006 جىلى «وتان» پارتياسىنىڭ كەزەكتى سەزىندە «وتان» رسپ اتالۋى «نۇر وتان» حالىقتىق-دەموكراتيالىق پارتياسى» بولىپ، ال 2013 جىلى «نۇر وتان» حالىقتىق-دەموكراتيالىق پارتياسى» اتالۋى «نۇر وتان» پارتياسى بولىپ وزگەرتىلدى.

«نۇر وتان» پارتياسىنىڭ ساياسي كۇشى بار بولعاندىقتان، ونى حالىقتىڭ پارتياسى دەپ اتاۋعا بولادى. وسىلايشا قوعامدىق وزات پارتيالار قۇرىلعان. وعان ءار قازاقستاندىق تۇرعىلىقتى ورنىنا قاراماستان ءوزى ءۇشىن ماڭىزدى ماسەلەلەر بويىنشا جۇگىنە الادى.

استاناداعى مەملەكەتتىك ورگانداردىڭ باسشىلارى مەن پارلامەنت دەپۋتاتتارىن قابىلدايتىن رەسپۋبليكالىق قوعامدىق قابىلداۋ بولمەسىنە استانا تۇرعىندارىنان باسقا ءار ازامات ەلەكتروندىق قوعامدىق قابىلداۋ ارقىلى جۇگىنە الادى.

پارتيا كەلەسى جوبالارعا باستاماشىلىق ەتتى:

1) «كەدەرگىسىز كەلەشەك» - دەنساۋلىقتارىنا بايلانىستى مۇمكىندىگى شەكتەۋلى تۇلعالاردىڭ ءومىر ءسۇرۋ ساپاسىن ارتتىرۋعا باعىتتالعان جوباسىنىڭ اياسىندا ءبىر اي ىشىندە 500 مۇگەدەك، ال 2014 جىلى 9،9 مىڭ مۇگەدەك جۇمىسقا ورنالاستىرىلدى، الەۋمەتتىك ينفراقۇرىلىمنىڭ 870 استام وبەكتىسى قولجەتىمدى بولدى.

2) «باقىتتى وتباسى» – وتباسىلىق قۇندىلىقتاردى دارىپتەي وتىرىپ وتباسى، ادامگەرشىلىك، رۋحاني ينستيتۋتتارىن بەكىتۋگە باعىتتالعان جوباسىنىڭ اياسىندا 2014 جىلى 2 مىڭنان استام وتباسىنا كومەك كورسەتىلدى، 180 مىڭ وتباسىنا قاجەتتى كەڭەستەر، پسيحولوگيالىق جانە قۇقىقتىق كومەكتەر بەرىلدى.

حالىقتىق پارتيا ءارقاشان مەملەكەتىمىزدىڭ، ونىمەن قوسا بارشا قازاقستاندىقتىڭ گۇلدەنۋىنە جاعداي جاسايتىن بولادى.