ەلىمىزدىڭ ەڭبەك سىڭىرگەن قايراتكەرى ءجۇرسىن ەرمان «كوكجايلاۋ» جوباسىنا قارسىلىق بىلدىرۋشىلەردى وزدەرىن جارنامالاۋشىلار مەن ارزان ۇپاي جيناۋشىلار دەپ باتىل سىنادى.
«مەنىڭ ويىمشا، «كوكجايلاۋ» جوباسىنا قارسى جاندار جەڭىل جول ىزەپ، وزدەرىن جارنامالاپ، ارزان ۇپاي جيناۋدا. بىزگە بىرەۋ ەمەس، وسىنداي بىرنەشە جوبا قاجەت. الپىنە جاقىن ورنالاسقان ەۋروپا ەلدەرى تاۋشاڭعىسى تۋريزمىندە جاقسى تابىسقا قول جەتكىزىۋدە. ءبىزدىڭ تاۋلارىمىز قانداي كەرەمەت، ءبىز تابيعاتتىڭ بار بايلىعىن بارىنشا ۇتىمدى پايدالانۋىمىز قاجەت»، - دەپ اتاپ ءوتتى ءجۇرسىن ەرمان.
ءوز كەزەگىندە «بولاشاق» رەسپۋبليكالىق قوزعالىسىنىڭ ءتوراعاسى داۋرەن بابامۇراتوۆ جەكەلەگەن قازاقستاندىقتاردىڭ اۆستريا مەن فرانسيا كۋرورتتارىنا بارۋلارىنا مۇمكىندىكتەرى جوق ەكەنىن ايتتى.
«سوندا جاستار قايدا سىرعاناۋلارى ءتيىس؟ كەيبىرەۋلەرىنىڭ ەۋروپادا، فرانسيا مەن اۆستريادا شاڭعى تەبۋلەرىنە جاعدايلارى كوتەرمەيدى. ەگەر «كوكجايلاۋدىڭ» ورنىنا زاۋىت سالىنسا، ول قورشاعان ورتاعا زيانىن تيگىزەدى عوي»، - دەدى داۋرەن بابامۇراتوۆ.
