ماڭعىستاۋ وبلىسى اكىمىنىڭ ءبىرىنشى ورىنباسارى سەرىك امانعالييەۆتىڭ قالاي ۇستالعانى كورسەتىلگەن ۆيدەو تارالدى، دەپ جازادى Qamshy.kz اقپارات اگەنتتىگى.
مەملەكەتتىك قىزمەت جانە جەمقورلىققا قارسى اگەنتتىكتىڭ رەسمي وكىلى جاننا باستاروۆانىڭ حابارلاۋىنشا، ول 115 مىڭ ەۋرو كولەمىندە پارا الدى دەپ ايىپتالىپ وتىر.
«ول مەملەكەتتىك-جەكەشەلىك ارىپتەستىك اياسىندا ىسكە اسىرىلىپ جاتقان قۇنى 4،5 ميلليارد تەڭگەنى قۇرايتىن ينۆەستيسيالىق جوبا بويىنشا جالپى قامقورلىعى ءۇشىن قۇرىلىس كومپانياسى وكىلىنەن كەلىسىلگەن 400 مىڭ ەۋرو پارا سوماسى بولىگىنىڭ 115 مىڭ ەۋروسىن الدى دەپ كۇدىكتەلدى»، - دەدى جاننا باستاروۆا.
بۇعان دەيىن سەرىك امانعاليەتىڭ 2 ايعا قاماۋعا الىنعانى جايىندا حابارلانعان. وبلىستىق سوت مالىمدەگەندەي، امانعالييەۆ مەملەكەتتىك قىزمەت جانە مەملەكەتتىك باسقارۋ مۇددەسىنە قارسى ارەكەت جاساپ، ءىرى كولەمدە پارا العانى ءۇشىن ايتىپتالدى.
«2018 جىلدىڭ 3 قاراشاسىندا سەرىك امانعالييەۆ اقياۋدىڭ حالىقارالىق اۋەجايى ماڭىندا سىبايلاس جەمقورلىققا قارسى ءىس-قيمىل ۇلتتىق بيۋروسىمەن جەدەل ىزدەستىرۋ شارالارىن جۇزەگە اسىرۋ بارىسىندا ۇستالدى»، - دەپ جازىلعان ەدى ۆەدومستۆودا.
