الداعى ۋاقىتتا قورعاستا 10 مىڭ جۇمىس ورنى اشىلادى دەپ جازادى Qamshy.kz اقپارات اگەنتتىگى. بۇل تۋرالى اماندىق باتالوۆ شەتەلدىك ديپلوماتتارعا قورعاستاعى حابتىڭ جۇمىسىن تانىستىرۋ بارىسىندا مالىمدەدى.

شەتەلدىك ديپلوماتتار الماتى-2 تەمىرجول ۆوكزالىنان جولعا شىعىپ، التىنكول ستانسياسىنا دەيىن باردى. كەيىن  «قورعاس-شىعىس قاقپاسى» ارنايى ەكونوميكالىق ايماعىنا بارىپ، كولىك لوگيستيكالىق مۇمكىندىكتەرىمەن تانىستى. اتالمىش شاراعا ق ر سىرتقى ىستەر ءمينيسترى قايرات ءابدىراحمانوۆ، الماتى وبلىسىنىڭ اكىمى اماندىق باتالوۆ جانە «قازاقستان تەمىر جول» كومپانياسىنىڭ باسشىلارى قاتىستى.

ەسكە سالا كەتسەك، بۇل شارانى ق ر سىرتقى ىستەر مينيسترلىگى مەن «قازاقستان تەمىر جولى» ۇك اكسيونەرلىك قوعامىمەن بىرگە وتكىزىپ جاتىر.

اماندىق باتالوۆ ءسوزىن مينسترگە العىس ايتۋمەن باستادى.

«ءبىز كەشەگى، رەسپۋبليكا ومىرىندەگى ماڭىزدى وقيعادان سوڭ كەزدەسىپ وتىرمىز. وزدەرىڭىز بىلەسىزدەر، كەشە بارشامىز مەملەكەت باسشىسىنىڭ قازاقستان حالقىنا جولداۋ ارناعانىن كوردىك، وندا ءبىزدىڭ مەملەكەتىمىزدىڭ ەكونوميكاعا ينۆەستيسيالاردى تارتۋ ارقىلى دامۋ ماسەلەسى ايتىلدى. ءبىزدىڭ وبلىسىمىز اۋماعىنداعى ەكونوميكالىق ءوسىمنىڭ جاڭا نۇكتەسىن كورسەتۋ ماقساتىندا سىزدەردى شاقىرعانى ءۇشىن مينيستر مىرزاعا راقمەت»، - دەدى اماندىق باتالوۆ.

شاراعا قاتىسۋشى ديپلوماتتار «قورعاس» ەەا كولىك لوگيستيكالىق مۇمكىندىكتەرىمەن تانىسىپ، ينفراقۇرىلىم نىساندارىن ارالادى.

ق ر سىرتقى ىستەر ءمينيسترى قايرات ءابدىراحمانوۆتىڭ ايتۋى بويىنشا، ديپلوماتيالىق كورپۋس ساپار اياسىندا شاراعا قاتىسۋشىلار وسى ءوڭىردىڭ جاڭا قىرىمەن تانىسادى ەكەن.

سونىمەن بىرگە مينيستر بۇگىنگى تاڭدا ەركىن ەكونوميكالىق ايماققا اسەان، ەۋروپا، افريكا جانە  لاتىن امەريكا ەلدەرىنىڭ وكىلدەرى كەلگەنىن اتاپ ءوتتى.

ونىڭ سوزىنشە، وسىن شاراعا قاتىسقان ديپلوماتتار مەن ەلشىلەردىڭ ءارقايسىسى ەكونوميكالىق، ساۋدا-ينۆەستيسيالىق ىنتىماقتاستى دامىتۋعا كۇش سالاتىن بولادى.

سىرتقى ىستەر ءمينيسترى قايرات ءابدىراحمانوۆ شەتەلدىك ديپلوماتتاردىڭ الدىندا سويلەگەن سوزىندە «نۇرلى جول» باعدارلاماسىن جۇزەگە اسىرۋ قىتايدىڭ شىعىس جاعالاۋى – ليانيۋنگان پورتىنان قازاقستان مەن جۇڭگو شەكاراسىنداعى قۇرعاق پورت ارقىلى تەمىرجول جانە اۆتوكولىك جولدارى جۇيەسى ارقىلى كاسپيي تەڭىزىنەن ەۋروپاعا اپاراتىن وڭتايلى لوگيستيكالىق تىزبەكپەن قامتاماسىز ەتكەنىن اتاپ ءوتتى. اتالعان لوگيستيكالىق تىزبەك ترانسكاسپييلىك حالىقارالىق ءدالىزدىڭ كونتەينەرلىك مۋلتيمودالدى باعىتتارىن بايلانىستىراتىندىقتان ورتالىق ازيا، جۇڭگو، كاۆكاز، تۇركيا جانە ەۋروپا ەلدەرىنىڭ سەرىكتەستەرى ءۇشىن اسا تارتىمدى بولىپ تابىلادى.

«مەملەكەت باسشىسى قازاقستاندى ەۋرازيانىڭ اسا ماڭىزدى كولىكتىك-لوگيستيكالىق حابىنا اينالدىرۋ بويىنشا ۇلكەن مىندەت قويدى، وسى ماقساتتا ءبىز «سولتۇستىك - وڭتۇستىك»، «شىعىس - باتىس»، «باتىس ەۋروپا - باتىس جۇڭگو» دالىزدەرىنىڭ تولىققاندى جۇمىس ىستەۋىن قامتاماسىز ەتۋدى، «نۇرلى جول» اياسىنداعى جاڭا ەكونوميكالىق ساياساتتى قىتايلىق «بەلبەۋ جانە جول» باستاماسىمەن ۇيلەستىرۋدى، سونداي-اق قازاقستاننىڭ وڭىرلەرىن «جۇڭگو – يران» كونتينەنتارالىق ماگيسترالدارىمەن جانە كاۆكاز بەن رەسەي ارقىلى وتەتىن دالىزىمەن بايلانىستىرۋدى كوزدەيمىز»، - دەدى مينيستر.

مەملەكەت باسشىسىنىڭ «ءتورتىنشى يندۋستريالدى ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنا سايكەس، ۇكىمەت 2020 جىلى ترانزيتتىك تاسىمالدان تۇسەتىن جىل سايىنعى تابىستى 5 ميلليارد اقش دوللارىنا دەيىن ۇلعايتۋدى، كونتەينەرلىك تاسىمالدى 2 ميلليون جفم-گە (جيىرما فۋتتىق مولشەر – جۇك تاسىمالى قۇرالدارىنىڭ سىيىمدىلىعى ولشەمىنىڭ شارتتى بىرلىگى) جەتكىزۋدى، اۋە قاتىناسى ارقىلى جولاۋشىلار تاسىمالىن 4 ەسەگە ۇلعايتۋدى جانە ترانزيتتىك جولاۋشىلار اعىنىن 1،6 ميلليونعا جەتكىزۋ جوسپارلاۋدا.

ق. ءابدىراحمانوۆ بىلتىرعى جىلى قازاقستان ارقىلى جۇك تاسىمالى 17%-عا ءوسىپ، 17 ميلليونعا جۋىق توننا قۇراعانىن جانە 2015 جىلدان باستاپ جىو-دەگى كولىكتىك سالانىڭ ۇلەسى ورتا ەسەپپەن 8%-دان تومەن بولماعانىن اتاپ ءوتتى. «قورعاس» شىحو-نىڭ ءساتتى جۇزەگە اسىرىلۋىنىڭ ارقاسىندا قازىرگى كەزدە قازاق-وزبەك شەكاراسىندا وسى ىسپەتتەس شىحو قۇرۋ ماسەلەسى قاراستىرىلۋدا.

«قورعاستاعى» ترانسشەكارالىق سەرىكتەستىكتى دامىتۋ قازاقستان-قىتاي قارىم-قاتىناستارىنىڭ نەگىزگى جوبالارىنىڭ ءبىرى بولىپ تابىلادى. شىحو ءوز اۋماعىندا قازاقستان جانە جۇڭگو ازاماتتارىنىڭ، سونداي-اق بولۋ ەلىنە رەسمي ساپارمەن ىسكەرلىك كەزدەسۋلەرگە، قازاقستاندا، قىتايدا جانە تمد ەلدەرىندە وندىرىلەتىن ونەركاسىپتىك ونىمدەرمەن تانىسۋعا، ساۋدا-ساتتىق جانە ساۋدا كەلىسىمدەرىن جاساۋعا، دەمالىسقا كەلگەن ءۇشىنشى ەلدىڭ ازاماتتارىنىڭ ەركىن قوزعالۋىن ءجۇرىپ-تۇرۋىن قامتاماسىز ەتەدى.

ەركىن ەكونوميكالىق ايماقتىڭ جالپى اۋماعى 4951،5 گەكتاردى قۇراپ وتىر. سونىمەن بىرگە مۇندا لوگيستيكالىق، يندۋستريالىق ايماقتار جانە «قۇرلىقتاعى پورت» ۋولىك لوگيستيكالىق كەشەنى سەكىلدى ءۇش نەگىزگى ايماق بار.

قۇرلىقتاعى پورت ەەا-نىڭ تىرەك بۋىنى ءارى التىنكول ستانسياسىمەن بايلانىستى قامتاماسىز ەتىپ، تەڭىز پورتىنىڭ پرينسيپتەرى بويىنشا جۇمىس ىستەيدى. يۋار ايىرماشىلىعى بۇل جەردە جۇكتەر مەن كەمەلەردىڭ ورنىنا پويىزداردى تاسىمالدايتىن بولادى.

كەيىن وبلىس اكىمى اماندىق باتالوۆ «قورعاس» اەا ماڭىندا سالىنىپ جاتقان جاڭا نۇركەنت قالاسىنىڭ دامۋى تۋرالى ايتتى.

وبلىس اكىمىنىڭ ايتۋى بويىنشا، جاڭا قالانىڭ ناقتى جوسپارلانعان جوباسى جاسالىپ قويعان. جوبا 2030 جىلعا دەيىن 100 مىڭ تۇرعىنى بار ۇلكەن قالا قۇرىلادى ەكەن.

سونىمەن بىرگە اكىم جەرگىلىكتى بيلىك وكىلدەرىنىڭ جاڭا ءوندىرىس ورىندارىن جۇمىسشىلارمەن قامتاماسى ەتۋ بويىنشا جۇمىس اتقارىپ جاتىر. الداعى ۋاقىتتا «قورعاستا» 10 مىڭ جۇمىس ورنى اشىلادى دەپ جوسپارلانۋدا. ەگەر ولار وتباسىن قۇرعان جاعدايدا 50 مىڭ تۇرعىنى بار قالاعا اينالاتىن بولادى. سونىمەن قاتار اتالمىش قالادا قازاقستاندىق جوعارى وقۋ ورىندارى مەن كوللەدجدەر «قورعاستا» جۇمىس ىستەۋ ءۇشىن جاڭا مامانداردى دايىنداپ شىعاراتىن بولادى.

حاديشا حان قىزى