قازاقستاننىڭ ەكونوميكاسىن كوتەرۋىپ، باسەكەگە قابىلەتتىگىن ارتتىرۋ ماقساتىندا «سيفرلى قازاقستان» باعدارلاماسى جاڭا جوبالاردى ۇسىنىپ وتىر دەپ جازادى Qamshy.kz اقپارات اگەنتتىگى. اتالمىش باعدارلاما ۇسىنعان جوبالاردىڭ ءبىرى «EgovKzBot» تەلەگرامم-بوتى. «ۇلتتىق اقپاراتتىق تەحنولوگيالار» اق ىسكە قوسقان بوت ارقىلى بۇعان دەيىن 13 مەمقىزمەت پەن سەرۆيس كورسەتىلگەن.

انىقتاما، الەۋمەتتىك مارتەبەنى تەكسەرۋ مەن بازالىق زەينەتاقى تولەمىنىڭ كولەمى تۋرالى اقپارات الۋ، ەمحاناعا تىركەلۋ، دارىگەرگە جازىلۋ جانە دارىگەردى ۇيگە شاقىرتۋ، سونداي-اق حالىققا قىزمەت كورسەتۋ ورتالىعىندا (حقو) كەزەكتى برونداۋ قىزمەتتەرى سىندى قىزمەتتەر قولجەتىمدى ەدى. ەندى بوت ارقىلى وزىڭىزگە جاقىن جەردە ورنالاسقان حقو تۋرالى ءبىلىپ، سونداي-اق بالا تۋۋعا بايلانىستى پرواكتيۆتى قىزمەتتەردى الۋ مۇمكىندىگى تۋدى. ياعني،  تۋۋ تۋرالى كۋالىككە تاپسىرىس بەرۋ، بالا تۋۋ بويىنشا جاردەم­اقىلاردى راسىمدەۋ جانە ءسابيدى بالاباقشاعا كەزەككە قويۋ ءتىپتى جەڭىلدەي ءتۇستى. ءبىر ارتىقشىلىعى بارلىق اقپاراتتى قولدانۋشىنىڭ ەلەكتروندىق پوشتاسىنا جولداۋ مۇمكىندىگى دە قاراستىرىلعان. Egov.kz پورتالىنىڭ مامىردا ىسكە قوسىلعان تەلەگرام-بوتى ارقىلى قازاقستاندىقتار شامامەن 14 مىڭداي مەملەكەتتىك قىزمەت الدى.

قازاقستاندىقتار بۇل بوت ارقىلى جۇمىس ىزدەي دە الادى.

"ۇلتتىق اقپاراتتىق تەحنولوگيالار" اق ق ر ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ، جۇمىسسىزدار مەن جۇمىس بەرۋشىلەر ءۇشىن ازىرلەنگەن @EgovKzBot (Telegram-بوت) ارقىلى ەكى قوسىمشا قىزمەتتى ىسكە قوستى، دەپ حابارلايدى BNews.kz كومپانيانىڭ باسپا ءسوز قىزمەتىنە سىلتەمە جاساپ.

"ءاربىر مۇددەلى تۇلعا (جۇمىس بەرۋشى نەمەسە ىزدەنۋشى) "جۇمىس تابۋ" نەمەسە "مامان تابۋ" دەگەن قاجەتتى كوماندانى تاڭداۋ قاجەت. "جۇمىس تابۋ" قىزمەتىن تاڭداۋ كەزىندە پايدالانۋشى جۇمىسقا ورنالاسقىسى كەلەتىن ايماقتى كورسەتۋ، سونداي-اق قالاعان پوزيسيانى (تالداۋشى، ءمۇعالىم جانە ت.ب.) كورسەتۋ قاجەت"، - دەلىنگەن حابارلامادا.

ناتيجەسىندە، @EgovKzBot پايدالانۋشىسى ەلەكتروندىق ەڭبەك بيرجاسىنىڭ enbek.kz سايتىنان تارتىلاتىن جالپى تۇيىندەمەلەردىڭ سانىن الادى، سونىمەن قاتار، كوتەرىلىپ وتىرعان ماسەلەلەر بويىنشا ناقتى ءبىر قورىتىندى بەرۋ ءۇشىن مەكەمەدە تەكسەرىس وتكىزۋ قاجەت ەكەنىن حابارلايمىز.

جۇمىس بەرۋشىلەرگە "ماماندى تابۋ" قىزمەتى قاجەتتى بوس جۇمىس ورنى (ەركىن تولتىرۋ) بويىنشا قىزمەتكەردى ىزدەستىرۋگە مۇمكىندىك بەرەدى. ول ءۇشىن ءتيىستى ايماقتى كورسەتىپ، سۇرالعان دەرەكتەردى كورسەتۋ قاجەت.

ناتيجەسىندە مامانداردىڭ بارلىق تىزىمىنەن جەكە كارتوچكالارىن قاراپ، ءتيىستى كانديداتۋرانى سۇحباتقا/سۇحباتتاسۋعا شاقىرۋعا بولادى.