ەلباسى تاپسىرما بەرسە دە ءالى دە جەدەل تۇردە ىسكە اسپاي جاتقان بىرنەشە جوسپارلار بار دەپ جازادى Qamshy.kz اقپارات اگەنتتىگى.  ارينە كوش جۇرە كەلە تۇزەلەدى دەمەكشى اراعا ءبىراز ۋاقىت سالىپ بىرنەشە ماسەلەلەردىڭ شەشىلىپ كەتەتىنىنە سەنەمىز. الەمدىك ىشكى ءونىمنىڭ 70 پايىزىنان استامى قالالاردىڭ ۇلەسىندە بولساع ءبىزدىڭ ەلدەگى ىشكى جاپى ءونىمنىڭ 30 پايىزىن استانا مەن الماتى قالاسى عانا قامتاماسىز ەتىپ وتىر. نەلىكتەن وزگە وڭىرلەردىڭ ۇلەسى تىم از بولىپ وتىر؟ بيىلعى جىلى عانا ەلباسى ەلىمىزدەگى باسقا دا قالالاردىڭ ىشكى جالپى ءونىمىنىڭ ۇلەسىن كوبەيتۋ تۋرالى تاپسىرما بەرگەن بولاتىن. 

اتا-بابامىز اڭساعان تاۋەلسىزدىككە قول جەتكىزگەننەن باستاپ اتالمىش ەكى قالانىڭ تۇرعىندار سانى ميلليوننان اسىپ، مەگاپوليستەردىڭ سانى ۇشەۋگە جەتكەن بولاتىن. حالىق سانى كۇن ساناپ ارتىپ كەلەدى. الايدا ءبىر وكىنىشتىسى قالالارداعى ينفراقۇرىلىمدىق جاعداي جاقسى ەمەس. ەلىمىزدەگى باسقا قالالاردىڭ ينفراقۇرىلىمى سۇرانىسقا ساي جەدەل دامي الماي جاتىرعانى جاسىرىن ەمەس. اتالمىش ولقىلىقتاردىڭ ورنىن تولتىرۋ ماقساتىندا «نۇرلى جول»، «نۇرلى جەر» باعدارلامالارى قولعا الىنعان بولاتىن. بيىلعى جىلى جەرگىلىكتى ماڭىزى بار جولدارعا 150 ملرد تەڭگەگە، اۋىلدى اۋىزسۋمەن قامتاماسىز ەتۋ ماقساتىندا 100 ملرد تەڭگە قاراجات بولىنگەن بولاتىن. ەلباسىنىڭ بيىلعى جولداۋىندا وڭىرلەردى بۇقارالىق سپورتتى دامىتۋعا باسا ءمان بەرگەنىن دە ەسكەرگەن ءجون.

ەلباسى بيىلعى جولداۋىندا وڭىرلەردە بۇقارالىق سپورتتى دامىتۋعا دا باسا ءمان بەردى. ول ءۇشىن ۇكىمەت پەن اكىمدەرگە كەم دەگەندە 100 دەنەشىنىقتىرۋ-ساۋىقتىرۋ كەشەنىن سالۋدى تاپسىردى. «بۇل – دەنى ساۋ قوعام قالىپتاستىرۋ ءۇشىن وتە ماڭىزدى باستاما»، – دەيدى سالا ماماندارى. سادىق مۇستافايەۆ، ق ر بعم «ۇلتتىق عىلىمي-پراكتيكالىق دەنە تاربيەسى ورتالىعى» مك باس ديرەكتورى: – بولاشاق ازيا، وليمپيادا جۇلدەگەرلەرى اۋىلدا ءجۇر. ولاردىڭ سپورتتىق زالدارى، جاتتىعاتىن جەرلەرى بولماعاننان كەيىن ونداي مۇمكىندىك جوق. ەلباسى وسكەلەڭ جاس ۇرپاقتىڭ دەنساۋلىعىن نىعايتۋ ءۇشىن تاپسىرمالار بەرىپ جاتىر. وسىعان ارنايى ءبىلىم مينيسترلىگىنىڭ بۇيرىعىمەن قازاقستاننىڭ مىڭ مەكتەبىندە ءۇشىنشى ساباق فۋتبول ساباعى دەپ كىرگىزدى. بۇل قازىرگى تاڭداعى مەكتەپ قابىرعاسىنداعى وقۋشىلاردىڭ سپورتقا دەگەن تالپىنىسىن وزگەرتەدى.

وڭىرلەردى دامىتۋدا مەديسينا سالاسى دا نازاردان تىس قالعان جوق. كەلەر جىلدان باستاپ ەلىمىزدەگى ەمحانالاردىڭ بارلىعى قۇجاتتاردى ەلەكتروندى جۇيەمەن جۇرگىزەدى. تيىسىنشە دارىگەرلەر قاعازباستىلىقتان قۇتىلادى. سونداي-اق ەلباسى ەڭ الدىمەن اۋىلداردا العاشقى مەديسينالىق سانيتارلىق كومەكتى قولجەتىمدى ەتۋدىڭ ماڭىزىدىلىعىن اتاپ ءوتتى. روزا ابزالوۆا، مساك سالاسىنىڭ ساراپشىسى: – پرەزيدەنتتىڭ العاشقى كومەك كورسەتەتىن دارىگەرلەرگە نازار اۋدارىپ، ولارعا قولداۋ كورسەتكەنى قۋانتتى. وسى سالا ءۇشىن ارنايى 5 ميلليارد تەڭگە ءبولىندى. بۇل از اقشا ەمەس. ياعني مەدبيكەلەردىڭ ايلىعىنا شامامەن 15 مىڭ، ال دارىگەرلەرگە 20 مىڭ كولەمىندە اقشا قوسىلادى. وڭىرلەردى دامىتۋ ماقساتىندا ەلباسى 2019 جىلدىڭ 1 قىركۇيەگىنە دەيىن ەلىمىزدىڭ 2030 جىلعا دەيىنگى اۋماقتىق-كەڭىستىكتىك دامۋىنىڭ بولجامدى سحەماسىن ازىرلەۋدى تاپسىردى. سونىمەن قاتار وڭىرلەردى دامىتۋدىڭ 2025 جىلعا دەيىنگى پراگماتيكالىق باعدارلاماسىن ازىرلەۋدى جۇكتەدى.

حاديشا حان قىزى