اۋىلداعى قاراپايىم حالىقتىڭ نەگىزگى پروبلەمالارىنىڭ ءبىرى اۋىز سۋ ماسەلەسى. جىل سايىن بۇل پروبلەمانى شەشۋ ءۇشىن مەملەكەت تاراپىنان ءتيىستى قاراجات ءبولىنىپ، باعدارلامالار مەن جوسپارلار جاسالىپ جاتىر. وسىعان ۇقساس يگى ءىستىڭ ءبىرى جامبىل وڭىرىندە اتقارىلدى. اكىمدىك تۇرعىنداردىڭ تىلەگىن جەرگە قالدىرماي، ماسەلەنى شەشتى دەپ جازادى Qamshy.kz اقپارات اگەنتتىگى.  ءوڭىردىڭ تۇرعىندارى دا ءدان ريزا.

وبلىس اكىمدىگىندە وبلىس تۇرعىندارىن اۋىز سۋمەن جانە تابيعي گازبەن قامتاماسىز ەتۋ بويىنشا جيىن ءوتتى. وندا كۇن تارتىبىندەگى ماسەلەلەر بويىنشا وبلىس اكىمدىگى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى نۇرلان الدامجاروۆ بايانداما جاسادى. الدىمەن اۋىز سۋ ماسەلەسىنە توقتالعان ول 2018 جىلدىڭ 1 قاڭتارىندا وڭىرىمىزدەگى 4 قالا بويىنشا ورتالىقتاندىرىلعان اۋىز سۋمەن قامتىلعانى 84،7 پايىزدى قۇراعانىن جەتكىزدى. باسقارما باسشىسىنىڭ ايتۋىنشا وبلىس قالالارى بويىنشا كورسەتكىشتى اعىمداعى جىلدىڭ سوڭىنا دەيىن 86،0 پايىزعا جەتكىزۋ كوزدەلگەن. كورسەتكىشكە قول جەتكىزۋ ءۇشىن تاراز قالاسىندا «بۋرىل ا،ب،ۆ» تۇرعىن سەرۆيستىك جەلىلەردىڭ قۇرىلىسىنا بيىل رەسپۋبليكالىق جانە وبلىستىق بيۋدجەتتەن 334،6 ملن.تەڭگە ءبولىنىپ، ۇزىندىعى 46،2 شاقىرىم بولاتىن قۇبىر جۇيەلەرى جۇرگىزىلۋدە ەكەن. سونىمەن قاتار، وسى القاپتىڭ 12،3 شاقىرىم سۋ قۇبىرى جەلىلەرىن كەڭەيتۋگە ارنالعان قۇنى 183،5 ملن.تەڭگە بولاتىن جوباعا وبلىستىق بيۋدجەتتەن قارجى قاراستىرىلعان. قازىرگى تاڭدا وسى ەكى جوبانىڭ مەردىگەر كومپانيالارى جوباداعى جۇمىستاردى جۇرگىزۋدە.
بۇدان باسقا، «تاراز سۋ» مكك قانت زاۋىت پوسەلكاسى اۋماعىندا قۇنى 205،6 ميلليون تەڭگە تۇراتىن جوبا بويىنشا 8 كوشەگە 7،2 شاقىرىم سۋ قۇبىرلارىن تارتۋ جۇمىستارىمەن اينالىسۋدا، قالا بيۋدجەتىنەن بولىنگەن قارجىعا 2017 جىلى جۇمىستار باستالعان، وسى جىلى اياقتالۋى جوسپارلانعان.