بۇگىن  ەلباسى نۇرسۇلتان ءابىش ۇلى نازاربايەۆ تمد ەلدەرى باسشىلارى كەڭەسىنىڭ كەزەكتى وتىرىسىنان كەيىن  شىمكەنت  قالاسىنا جۇمىس ساپارىمەن باردى دەپ جازادى Qamshy.kz اقپارات اگەنتتىگى. مەملەكەت باسشىسىنىڭ شىمكەنتكە جۇمىس ساپارى «پكوپ» جشس-نىڭ شىمكەنت مۇناي زاۋىتىنان باستاۋ الدى. نۇرسۇلتان نازاربايەۆ اتالمىش زاۋىتتىڭ جۇمىسىمەن تانىسىپ، باعا بەردى.

شىمكەنت مۇناي وڭدەۋ زاۋىتىنىڭ جاڭعىرتۋ جوباسىنى نەگىزىنەن 2011 جىلى جاڭا يندۋستريالاندىرۋ باعدارلاماسى اياسىندا باستالعان بولاتىن. جوبانىڭ قۋاتتىلىعى جىلىنا 6 ملن توننا مۇناي وڭدەۋگە جەتەدى ەكەن. ال ينۆەستيسيا كولەمى 580 ملرد تەڭگەنى قۇرايدى.

ايتا كەتەتىن بولساق، شىمكەنت مۇناي وڭدەۋ زاۋىتىن جاڭعىرتۋ جانە قايتا قۇرۋ جوباسى نەگىزگى ەكى كەزەڭدە جۇزەگە اسىرىلعان بولاتىن. العاشقى كەزەڭدە كومپانيا كەدەن وداعىندا قابىلدانعان ك4 جانە ك5 ەكولوگيالىق كلاستى بەنزين مەن ديزەل وتىنىنىڭ ءوندىرىسىن قۇراعان. 15 تامىزدا زاۋىتتا ساپالى ءونىم شىعارىا باستادى. جىلىنا قۋاتتىلىعى شامامەن العاندا 2 ملن توننا شيكىزات وندىرەتىن RFCC كاتاليتيكالىق كرەكينگ قوندىرعىسىن ورناتۋ جوسپارلانىپ، UOP امەريكاندىق كومپانيانىڭ تەحنولوگياسىمەن جۇزەگە اسىرىلدى. تىكەلەي ايدالاتىن مازۋتتى قابىلداعانعا دەيىن ەنەرگيا رەسۋرستارىن – وتىن گازىن، ەلەكتر ەنەرگياسىن، سالقىنداتقىش سۋدى، ءبوپ اۋاسىن، ازوت جانە سۋ بۋىندارىن تۇراقتى قابىلداۋ قامتاماسىز ەتىلگەن، ەنەرگەتيكالىق جابدىقتار، دالا اسپاپتارى، تەحنولوگيالىق پروسەستى باسقارۋدىڭ جانە اۆارياعا قارسى قورعانۋدىڭ بولىنگەن جۇيەسى، مازۋت سيركۋلياسياسى قوسىلعان.

«Shymkent» اكك ءتوراعاسى راشيد ايۋپوۆ مەملەكەت باسشىسىنا ءۇشىنشى مەگاپوليستى سيفرلاندىرۋ جوبالارى تۋرالى باياندادى.

باياندامادا ءبىلىم بەرۋ ساپاسىن جاقسارتۋ جانە اشىقتىق قاعيداتىن قامتاماسىز ەتۋ ماقساتىندا 4 نەگىزگى جوبانىڭ ىسكە اسىرىلىپ جاتقاندىعى ايتىلىپ ءوتتى. ولار: Indigo جوباسى، “Damumed”، ”ءقاۋىپسىز قالا” جانە “قوعامدىق كولىك” جوباسى. جوبالار تۋرالى تولىعىراق مالىمەت كەلتىرەتىن بولساق:

Indigo جوباسى. Blockchain باعدارلاماسىن پايدالانا وتىرىپ، بۇلدىرشىندەردى بالاباقشالارعا اۆتوماتتى تۇردە قابىلداۋعا مۇمكىندىك بەرەدى.

“Damumed” جوباسى.  بۇل جوبا ءموبيلدى قوسىمشا دارىگەردى ۇيگە شاقىرۋعا، دارىگەردىڭ قابىلداۋىنا جازىلۋعا جانە ەمدەۋ مەكەمەسىندە ەسەپكە تۇرۋعا مۇمكىندىك بەرەدى.

“ءقاۋىپسىز قالا”جوباسى. اتالمىش جوبا بارىسىندا زياتكەرلىك قيىلىستار سانى 21-گە دەيىن ارتقان. بۇل جوبا بويىنشا قالادا 479 بەينەكامەرا ورناتىلدى.

“قوعامدىق كولىك” جوباسى. بۇل جوبانىڭ اياسىندا 2019 جىلى 30 اۆتوبۋس ەلەكتروندى بيلەت جۇيەسىمەن جابدىقتالادى. سونىمەن قاتار 2019 جىلدىڭ ءبىرىنشى توقسانىندا 300 جاڭا اۆتوبۋس، 2019 جىلدىڭ سوڭىنا دەيىن تاعى 700 اۆتوبۋس ساتىپ الۋ جوسپارلانۋدا.

تۇكش جانە اوك سالاسىندا دا جوبالار بار. سونداي-اق، قالانى باسقارۋ جۇيەسىنە جاساندى ينتەللەكتتى ەنگىزۋ جونىندەگى جوبا جاسالعان. ءقازىر ءۇش باعىتتا جۇمىس جۇرگىزىلۋدە: اقىلدى ەكونوميكا، الەۋمەتتىك سەنىم جانە اوك باعالاۋ بويىنشا مودۋل قۇرۋ.

Start Up جوبالاردى جۇزەگە اسىراتىن “Shymkent TechGarden” سيفرلىق ورتالىعىن قۇرۋ جوسپاردا تۇر.

سۇلتان ءابىش ۇلى