الماتى قالالىق ىشكى ىستەر دەپارتامەنتى Kaspi Bankء-تىڭ بانكروت بولعانىن ايتىپ Whatsapp الەۋمەتتىك جەلىسى ارقىلى حابار تاراتقان ادامدى ۇستادى، دەپ حابارلايدى Qamshy.kz اقپارات اگەنتتىگى.
الماتى پوليسياسىنىڭ مالىمەتىنشە، جالعان اقپارات تاراتقان باسقا دا ادامدار ىزدەستىرىلۋدە.
Kaspi Bank تۋرالى حابارلاما تاراتقان ادامنىڭ ەسىمى اتالماي وتىر. ونىڭ 35 جاستاعى استانا تۇرعىنى ەكەنى بەلگىلى.
ەستەرىڭىزگە سالا كەتەيىك، Whatsapp الەۋمەتتىك جەلىسى ارقىلى مىناداي اقپارات تاراعان: "Kaspi بانك رەسمي تۇردە بانكروت بولعانىن حابارلادى. ءبىراق ازىرگە جاريالاعان جوق. باسشىلاردىڭ بارلىعى ەلدەن قاشىپ كەتتى. اقشالارىڭىزدى 2 ساعاتتىڭ ىشىندە شەشىپ الىڭىزدار".
