Kaspi Bankء-تىڭ باسپا ءسوز حاتشىسى ەربول ازانبەك ءوزىنىڭ Facebook پاراقشاسىندا كرەديت پەن Kaspi Gold كارتاسىن راسىمدەۋدى، دەپوزيت اشۋدى ەندى ونلاين جۇزەگە اسىرۋعا بولاتىنىن حابارلادى.
«بانك بولىمشەسىنە بارۋدىڭ كەرەگى جوق. كرەديتتى ونلاين راسىمدەگەن سوڭ، ارنايى كودپەن بانكوماتتان بارىپ الا بەرەسىز. كود بولماسا بانكومات بەتىڭىزدى سكانەرلەپ، ءسىز ەكەنىڭىزگە كوز جەتكىزگەن سوڭ، قاراجاتتى بەرەدى»، - دەپ جازدى ەربول ازانبەك.
ايتا كەتەيىك، بۇرىن Kaspi.kz ارقىلى قاراجاتتى كارتا، تەلەفون ءنومىرى ارقىلى اۋدارىلسا، ەندى QR كود ارقىلى اۋدارۋعا بولادى.
«دۇكەندەردە ەندى QR كود ارقىلى تولەم جاساۋعا بولادى. مىسالى: تەلەديدار العىڭىز كەلدى. دۇكەندە تەلەديداردىڭ جانىندا QR كود تۇرادى. ءسىز كودتى Kaspi.kz ارقىلى سكانەرلەپ، تولەم جاساي بەرەسىز. كارتانىڭ كەرەگى جوق. تەلەفون، Kaspi.kz قوسىمشاسى بولسا جەتكىلىكتى»، - دەپ ءتۇسىندىرىپ ءوتتى ەربول ازانبەك.
كساپىەرلەر QR كود ارقىلى تولەم قابىلداي الاتىن بولدى. سەبەبى بيزنەس ءۇشىن Kaspi Business قوسىمشاسى ىسكە قوسىلدى. بۇرىن Kaspi.kz ارقىلى جەكە تۇلعالار اۋدارىم، تولەم سياقتى قىزمەتتى جاساسا، ەندى Kaspi Business بيزنەس ءۇشىن تۋرا سونداي قىزمەتتەردى ۇسىنادى.
سالىق، الەۋمەتتىك تولەم، جالاقىنى ونلاين اۋدارۋ، شوتتى ونلاين باسقارۋ، شوتتان ونلاين قارجى اۋدارۋ ت.ب قىزمەتتەر بار. Kaspi Business كارتاسى ىسكە قوسىلدى. Kaspi Gold-ىڭ بيزنەسكە ارنالعان ءتۇرى. شارتتارى، قىزمەتى تۋرا Kaspi Gold-تاعىداي.
ەربول ازانبەك Kaspi.kz-تەگى حابارلاما قىزمەتى حابارلاما 2.0-گە اۋىسقانىن دا حابارلادى.
«بۇرىن تولەنگەن قىزمەت، الىنعان قاراجات بويىنشا قوسىمشاعا حابارلاما كەلەتىن. ەندى سول حابارلاماعا ءماتىن، سمايليكپەن جاۋاپ بەرۋگە بولادى.
كوممۋنالدىق تولەم تۋرالى حابارلاما كەلسە، بىردەن سول جەردەن جاۋاپ رەتىندە تولەم جاساي الاسىز.
سوسىن، ءبىزدىڭ بانكوماتتارىمىز "اقىلدى" بانكوماتتارعا اۋىسۋدا. ءقازىر دەپوزيتتەن نەمەسە ونلاين راسىمدەگەن اقشاڭىزدى العىڭىز كەلسە، بانكومات بەت-الپەتىڭىزدى سكانەرلەپ، سىزبەن اتىڭىزدى ايتىپ، امانداسىپ، سۇراعان قاراجاتىڭىزدى بەرەدى. بۇگىن تانىستىرىلىمدا ميحايل بانكوماتقا باس كيىم، كوزىلدىرىك كيىپ جاقىنداپ ەدى، "كەشىرىڭىز، باس كيىم، كوزىلدىرىگىڭىزدى شەشىڭىز"، دەپ شەشكىزىپ، سوسىن قولىنا كازپراۆدانى ۇستاۋدى سۇرادى. سوسىن بارىپ، تانىعانىن ايتىپ، سۇراعان اقشاسىن بەردى)
بۇرىن بونۋستاردى تەك ىشكى تولەمدەر ءۇشىن تولەۋگە بولاتىن. ەندى بونۋستار ارقىلى دۇكەندەردە تولەم جاساۋعا بولادى.
تاعى ءبىر جاڭالىق، Forbes ءىرى جاڭالىق دەپ باعالاپ ۇلگەردى - Kaspi كەلەسى جىلى لوندون قور بيرجاسىندا ءىرو-عا شىعادى» دەپ جازدى ەربول ازانبەك.
