مەملەكەت باسشىسى رەسەي فەدەراسياسىنىڭ پرەزيدەنتى ۆلاديمير پۋتينمەن كەزدەسكەندە وعان التىن قامشى سىيلادى. ونىڭ سابى التىن جانە قىمبات تاستارمەن كومكەرىلگەن، دەپ حابارلايدى Qamshy.kz اقپارات اگەنتتىگى. 

sputniknews.kzء-تىڭ مالىمەتىنشە، قامشىنىڭ باعاسى 8،5 مىڭ دوللار تۇرادى  (3 ميلليون 160 مىڭ تەڭگەدەن استام).

ايتا كەتەيىك، ەكى ەل پرەزيدەنتتەرنىڭ پەتروپاۆلداعى كەزدەسۋ بارىسىندا تاراپتار ىنتىماقتاستىقتىڭ ماڭىزدى ماسەلەلەرى مەن تۋريزم سالاسىنداعى قاتىناستاردى ودان ءارى دامىتۋ پەرسپەكتيۆالارىن تالقىلادى.

مەملەكەت باسشىسى رەسەي فەدەراسياسىنىڭ پرەزيدەنتىمەن جۇزدەسكەندە ۇجىمدىق قاۋىپسىزدىك شارت ۇيىمى ۇجىمدىق قاۋىپسىزدىك كەڭەسىنىڭ سەسسياسى تابىستى وتكەنىن ايتتى.

قازاقستان پرەزيدەنتى بۇگىنگى ءوڭىرارالىق ىنتىماقتاستىق فورۋمى تاقىرىبىنىڭ وزەكتىلىگىن اتاپ ءوتىپ، مادەني جانە ەكونوميكالىق ىقپالداستىق اياسىندا تۋريزم سالاسىنداعى ىنتىماقتاستىقتى وركەندەتۋدىڭ ماڭىزدىلىعىنا ارنايى توقتالدى.

ۆ.پۋتين قازاقستاننىڭ ساۋدا-ەكونوميكا سالاسىنداعى نەگىزگى سەرىكتەستەردىڭ ءبىرى ەكەنىن اتاپ ءوتىپ، ەكى جاقتى قارىم-قاتىناستاردىڭ جوعارى دامۋ قارقىنىنا نازار اۋداردى.

سونىمەن قاتار، رەسەي فەدەراسياسىنىڭ پرەزيدەنتى تۋريزم سالاسىنداعى ەكى ەلدىڭ ىنتىماقتاستىعىن ودان ءارى نىعايتۋدىڭ الەۋەتى زور ەكەنىن ايتتى.

كەلىسسوزدەر سوڭىندا مەملەكەتتەر باسشىلارىنا «بايقوڭىر» عارىش كەشەنىن دامىتۋعا ارنالعان جوبا تانىستىرىلدى. سونىمەن قاتار، پرەزيدەنتتەرگە الەۋمەتتىك نىسانداردىڭ سالىنۋ بارىسى، ينفراقۇرىلىم جەلىلەرىنىڭ جوندەلۋ ناتيجەلەرى جانە بايقوڭىر قالاسىنداعى تۇرعىن ءۇي الاپتارىنىڭ گازبەن قامتاماسىز ەتىلۋى جونىندە مالىمەت بەرىلدى.