باتىس قازاقستان وبلىسىندا «نۇر وتان» پارتياسىنىڭ قولداۋىمەن، مادەنيەت مينيسترلىگىمەن بىرلەسە وتىرىپ ونلاين-كىتاپحانا اىلاىن بولادى دەپ جازادى Qamshy.kz اقپارات اگەنتتىگى.  بۇل تۋرالى «نۇر وتان» پارتياسىنىڭ حاتشىسى قانىبەك جۇماشيەۆ وبلىستىق ءماسليحاتتىڭ ءماجىلىس زالىندا «نۇر وتان» پارتياسى باتىس قازاقستان وبلىستىق فيليالىنىڭ كەزەكتى XXءىى ەسەپ-بەرۋ سايلاۋ كونفەرەنسياسىندا مالىمدەدى.

اتالمىش كونفەرەنسياعا «نۇر وتان» پارتياسىنىڭ حاتشىسىنان بولەك، ساياسي كەڭەستىڭ مۇشەلەرى، پارتيا ارداگەرلەرى، وبلىستىق ماسليحاتتىڭ دەپۋتاتتىق فراكسيا مۇشەلەرى، اتقارۋشى ورگان باسشىلارى، باستاۋشى پارتيا ۇيىمدارىنىڭ ءتوراعالارى مەن اۋداندىق فيليالدار ءتوراعالارى قاتىستى.

ەسەپ بەرۋ سايلاۋ كونفەرەنسياسىندا وبلىس اكىمى التاي كولگىنوۆ ءسوز باستاپ، بايانداما جاسادى. كەيىن التاي كولگىنوۆ پارتيانىڭ وبلىستىق فيلالى ءتوراعاسىنىڭ ءبىرىشى ورىنباسارى سەرىك سۇلەيمەنگە ءسوز كەزەگىن بەردى. سەرىك سۇلەيمەنوۆ بانداما بارىسىندا كۇن تارتىبىندە تۇرعان وزەكتى ماسەلەلەىمەن قاتار حالىقتىق ۇيىمعا اينالعان  «نۇر وتان» پارتياسى باياندى باستامالارعا قولداۋ كورسەتىپ، ءاردايىم ەكونوميكالىق، الەۋمەتتىك جانە ساياسي سالالارداعى ەلباسى ساياساتىن ىلگەرىلەتۋدەگى ىستەردىڭ ۇيىتقىسى بولىپ جۇرگەنىن اتاپ ءوتتى.

ول بايانداما بارىسىندا، «نۇر وتان» پارتياسى وبلىستىق فيليالى بويىنشا پارتيا قاتارىندا 34 128 مۇشە بار ەكەنىن ايتتى.

«ولار 275 باستاۋىش پارتيا ۇيىمىنا بىرىكتىرىلگەن. 3354 مۇشە پارتيا قاتارىنا قابىلدانعان. پارتيانىڭ سايلاۋالدى باعدارلاماسىنىڭ باعىتتارى بويىنشا شارالار جوسپارعا ساي جۇرگىزىلىپ كەلەدى. ەسەپتى كەزەڭنەن بەرى بارلىعى 68 كوميسسيا وتىرىسى وتكىزىلىپ، وندا 122 ۇسىنبا قابىلدانىپ، ءتيىستى مەملەكەتتىك ورگاندارعا جولدانعان. ەكى باستاۋىش پارتيا ۇيىمى رەسپۋبليكالىق كونكۋرستارىنىڭ جۇلدەگەرى اتانعان. اتاپ ايتساق، 2016 جىلى «اكسايگازسەرۆيس» بپۇ 2-ورىن السا، 2017 جىلى «باتىسەنەرگورەسۋرسى» بپۇ رەسپۋبليكالىق بايقاۋدىڭ باس جۇلدەسىنە يە بولعان. – اعىمداعى جىلدىڭ 14-15 قاراشاسىندا «ۇزدىك» بپۇ رەسپۋبليكالىق بايقاۋىنا ورال قالاسىنان «يۋنيسەرۆ» جانە بوكەيورداسى اۋدانىنان «تايىر جاروكوۆ» باستاۋىش پارتيا ۇيىمدارى قاتىسادى. «رۋحاني جاڭعىرۋ» باعدارلاماسىنىڭ ايماقتىق جوبالىق كەڭسەسىمەن بىرلەسە «تۋعان جەر»، «كيەلى جەرلەر گەوگرافياسى»، «100 جاڭا ەسىم»، قازاق ءتىلى ءالىپبيىن لاتىن الىپبيىنە كوشىرۋ باعىتىنداعى جۇمىستار ءوز رەتىمەن جۇزەگە اسىرىلۋدا. بەس باستامانى باقىلاۋ بويىنشا وبلىسىمىزدا ارنايى قوعامدىق كەڭەس قۇرىلدى. بۇگىندە «7-20-25»  باعدارلاماسى بويىنشا تۇرعىن ءۇي الۋعا 134 ءوتىنىم ءتۇسىپ، 104ء-ى ماقۇلدانسا، 81  وبلىس تۇرعىنى باسپانالى بولدى. بيىلعى جىلدان باستاپ، پارتيانىڭ قىزمەتىن جاڭعىرتۋ اياسىندا «رۋحاني جاڭعىرۋ»، «سيفرلى قازاقستان» باعدارلامالارىن جۇزەگە اسىرۋعا، شاعىن جانە ورتا بيزنەستى قولداۋعا باعىتتالعان جاڭا 20 پارتيالىق جوبا ىسكە اسىرىلۋدا. پارتيانىڭ «زاماناۋي ءبىلىم ورتالىقتارى» جوباسى اياسىندا كىتاپحانالاردى قازىرگى زامانعى كوۆوركينگ جانە ءبىلىم ورتالىقتارىنا اينالدىرۋدى قولعا الدىق. بۇگىندە وبلىسىمىزدا جاستارعا ارنالعان 7 كوۆوركينگ ورتالىق جۇمىس جاساۋدا. ەسەپتى جىلدىڭ قورىتىندىسى بويىنشا، دەپۋتاتتار، مەملەكەتتىك جانە قۇقىق قورعاۋ ورگاندارىنىڭ باسشىلارى 3841 قوعامدىق قابىلداۋ وتكىزىپ، قابىلداۋعا 6038 ادام كەلدى. وندا 2143 ازاماتتىڭ ماسەلەسىنىڭ 35،5%-ى وڭتايلى شەشىلدى»، – دەيدى سەرىك كەنجەبەك ۇلى.

كەيىنگى ءسوز تىزگىنىن پارتيانىڭ وبلىستىق فيليالىنىڭ باقىلاۋ تەكسەرۋ كوميسسياسىنىڭ مۇشەسى اسەل قارتقوجاقوۆا الدى. ول ءوز بايانداماسىندا پارتياسىنىڭ وبلىستىق فيليالىنداعى باقىلاۋ تەكسەرۋ كوميسسياسىنىڭ 2017-2018 جىلدار ارالىعىنا اتقارعان جۇمىستارىنىڭ ەسەبىمەن تانىستىرىپ، جەتكىزە ءبىلدى.

ال «نۇر وتان» پارتياسىنىڭ حاتشىسى قانىبەك جۇماشيەۆ ءوز كەزەگىندە پارتيا تاراپىنان جاسالىپ جاتقان ىرگەلى ىستەرگە توقتالىپ، ماڭىزدىلىعىن ايقىنداپ ءوتتى. ءسوز بارىسىندا، جاقىن ارادا مادەنيەت مينيسترلىگىمەن بىرلەسە وتىرىس ونلاين-كىتاپحانا اشىلاتىنىن ايتىپ، جيىنداعىلاردى قۋانتىپ تاستادى.

«نۇر وتان» پارتياسى پارتيا ءتوراعاسى، ەلباسىنىڭ تاپسىرماسىنا سايكەس، ەلدەگى الەۋمەتتىك جاڭعىرۋ جۇمىستارىنا بەلسەنە قاتىسۋدا. وسى باعىتتا جاڭا باستامالاردى قولعا الدى. بۇل باستامالار پارتيانىڭ سيفرلاندىرۋ ساياساتىنا قوسقان ۇلەسى بولماق. اشىقتىقتى قامتاماسىز ەتۋ، ءبىلىمپازدىقتى ناسيحاتتاۋ ماقساتىندا ىسكە اسىپ جاتقان جوبالار كوپ. كىتاپحانالاردى ءبىلىم تاراتۋ ورتالىقتارىنا اينالدىرۋ جوسپارلاندى. شىنى كەرەك، كوپتەگەن كىتاپحانالار بوس تۇر، كوپ ەشكىم بارمايدى. سونى كوۆوركينگ، ءبىلىم ورتالىقتارىنا اينالدىرۋدى كوزدەيمىز. ءقازىر مۇنداي ورتالىقتار ون وڭىردە اشىلسا، بۇگىندە وسى وڭىردە جاستارعا ارنالعان 7 كوۆوركينگ ورتالىق جۇمىس جاساۋدا. پارتيانىڭ «زاماناۋي ءبىلىم ورتالىقتارى» جوباسى اياسىندا كىتاپحانالاردى قازىرگى زامانعى كوۆوركينگ جانە ءبىلىم ورتالىقتارىنا اينالدىرۋ قولعا الىنۋدا. وسى ورايدا جاقىندا قازاقستان جازۋشىلار وداعىمەن كەلىسىمشارتقا تۇردىق. زيالى قاۋىم وكىلدەرىن وسى ورتالىققا تارتامىز. كوۆوركينگ ورتالىقتارىندا قاراشا ايىنىڭ 5-ىنەن كەيىن زيالى قاۋىم وكىلدەرىمەن كەزدەسۋ وتكىزەتىن بولامىز. ماقسات ومىرلىك تاجىريبەسىن، جەتكەن جەتىستىكتەرىن، جازعان كىتاپتارىن، شىعارمالارىن كورسەتۋ، ناسيحاتتاۋ. بۇل پارتيانىڭ  ۇلكەن الەۋەتتەرىنىڭ ءبىرى. ق ر مادەنيەت مينيسترلىگىمەن بىرلەسە وتىرىپ، ونلاين كىتاپحانا اشامىز. جىل سوڭىنا دەيىن 10 مىڭ كىتاپ سيفرلى فورماتقا اۋدارامىز. باتىس قازاقستاندا 5 ملن. 697 مىڭ كىتاپ قورى بار، 385 كىتاپحانا جۇمىس جاساۋدا ەكەن. ونىڭ 83ء-ى ونلاين كىتاپحانا جۇيەسىنە قوسىلعان. بۇگىندە سيفرلاندىرۋعا جاتاتىن 5 290 كىتاپتىڭ 3 259 كىتاپ سيفرلى فورماتقا اۋدارىلدى. قالعان 2 200 كىتاپ بىرتىندەپ اۋدارىلادى.  مىسالى، سيفرلاندىرۋدى ناسيحاتتاۋ اياسىندا اقىسىز ءىت سىنىپتار جانە ءىت ورتالىق جوبالارىن قولعا الدىق. بۇل جەردەگى ماقساتىمىز – ءبىلىم بەرۋ ۇردىسىنە ارالاسىپ، ءبىلىم بەرۋ باعدارلامالارىنا وزگەرىستەر ەنگىزۋ ەمەس، فاكۋلتاتيۆتىك سىنىپتار ەسەبىنەن اقىسىز بالالاردىڭ كومپيۋتەرلىك ساۋاتتىلىعىن، داعدىلارىن دامىتۋعا ءمان بەرگىمىز كەلدى. شىن مانىسىندە، بولاشاقتا باعدارلاماشى بولماۋى مۇمكىن، باسقا ماماندىقتى تاڭدار، ءبىراق جاستايىنان اقپاراتتى ويلاۋ دارىستەرىن ۇيرەتۋ كەرەك. كەز كەلگەن جاڭا تەحنولوگيانى مەڭگەرۋى كەرەك.  بالانىڭ ساناسىندا اقپاراتتىق تەحنولوگيالارعا دەگەن جاقسى كوزقاراس، سۇيىسپەنشىلىك قالىپتاسقانى ءجون.  ءسويتىپ وزدەرى تاڭداعان ماماندىققا اقپاراتتىق تەحنولوگيالار ارقىلى كەلۋگە داعدىلانادى. ال ءىت ورتالىقتار جۇمىسسىز جاستارعا ارنالعان جوبا. جاستاردىڭ كومپيۋتەرلىك ساۋاتتىلىعىن اشۋعا قوسىمشا مۇمكىندىك تۋعىزادى. ءوندىرىس ورتالىقتارى وسىنداي ورتالىقتار اشىپ، جۇمىسشىلارىن ساۋاتتاندىرادى.  ويتكەنى جاڭا تەحنولوگيالار ۇنەمى وزگەرۋدە. بۇل پروسەسكە كەز كەلگەن مەكەمە دايىن بولۋى كەرەك. ءقازىر پارتيا مۇشەلەرىنىڭ سانى 1 ملن. 7 مىڭنان استى. باستىسى، سانعا ەمەس، ساپاعا كوڭىل بولەمىز. پارتيادا مەملەكەتتىك قىزمەتشىلەر كوپ دەگەن تەرىس پىكىر بار. شىندىعىندا مەملەكەتتىك قىزمەتكەرلەردىڭ ۇلەسى 5 پايىز، – دەيدى  «نۇر وتان» پارتياسىنىڭ حاتشىسى قانىبەك جۇماشيەۆ.

ال كونفەرەنسيا جۇمىسىن قورىتىندىلاپ، بايانداما جاساعان وبلىس اكىمى التاي كولگىنوۆ مەملەكەتتىك باعدارلامالاردى جۇزەگە اسىرۋدا الدىڭعى شەپتە پارتيا مۇشەلەرى تۇرۋ كەرەكتىگىن تىلگە تيەك ەتتى.  سونىمەن بىرگە ول ءسوز بارىسىندا بايانداما تىڭداۋعا ۇزاق ۋاقىت جۇمساعاندارىن، اتالمىش باياندامالاردى ونلاين تاراتقاندا الدەقايدا ىڭعايلى بولاتىنىن دا اتاپ ءوتتى.

"پارتيانىڭ سيفرلاندىرۋ باعدارلاماسى قابىلداندى. ءبىز ونى جۇزەگە اسىرۋعا كىرىستىك. سونى الدىمەن وزىمىزدەن باستاۋىمىز كەرەك. بۇگىن بايانداما تىڭداۋعا ءبىراز ۋاقىت جۇمسادىق. سول باياندامالاردى ونلاين تاراتىپ، ونلاين داۋىس بەرۋىمىزگە بولار ەدى. وسى جۇمىستاردى قولعا الۋ كەرەك. سوندا جيىندا وزەكتى ماسەلەلەردى تالقىلاعان بولار ەدىك. ەلباسى جولداۋىنىڭ ماقساتى – حالىقتىڭ تۇرمىس ساپاسىن جاقسارتۋعا، ايماقتاعى ماسەلەلەردى شەشۋگە باعىتتالدى. پرەزيدەنت وڭىرگە ساپارىندا شالعايداعى بوكەي وردا، جانىبەك، قازتالوۆ اۋداندارىنىڭ جول ماسەلەسىنە كوڭىل اۋدارىپ، ۇكىمەتكە ناقتى تاپسىرما بەرگەن بولاتىن. كەلەر جىلدان باستاپ جۇمىستار باستالادى. مىنە، بۇل تۇرعىنداردىڭ جاقسى ءومىر ءسۇرۋى ءۇشىن ماڭىزدى ماسەلە. جولداۋىندا ەلباسى اۋىزسۋ ماسەلەسىنە باسا نازار اۋداردى. ايماقتاردا تازا اۋىز سۋ ماسەلەسى كۇن تارتىبىندە تۇر. كەلەر جىلى الىس اۋىلداردى ورتالىقتاندىرىلعان اۋىز سۋمەن قامتاماسىز ەتۋگە 100 ملرد. تەڭگە بولىنەدى. ۇستازدار مارتەبەسىنە كەلسەك، ەلباسى ءمۇعالىمنىڭ ميسسياسى  تەك بالانى وقىتۋ، دارىگەردىكى ەمدەۋ ەكەنىن ايتتى. قوسىمشا جۇمىستار بولماۋى ءتيىس. سوندىقتان ولارعا قولايلى جاعداي جاسالادى. بۇگىن ماڭىزدى ماسەلەلەر تالقىلاندى. الدا ۇلكەن جوسپارلار تۇر، – دەپ ءسوزىن اياقتادى باتىس قازاقستان وبلىسىنىڭ اكىمى التاي سەيدىر ۇلى.

سۇلتان ءابىش