شىعىس قازاقستاندا وتكەن جىل مەن بيىلعى جىلدى قوسقاندا 25 ادام پارتيالىق جاۋاپكەرشىلىككە تارتىلىپ، 12 ادام پارتيادان شىعارىلدى. نەگە دەيسىز بە؟ سەبەبى بۇل ادامدار پارتيا جارعىسى مەن ادەپ كودەكسىن بۇزعانى ءۇشىن جازالانعان. سونىمەن قاتىستى پارتيا مۇشەسىنىڭ ادەپ كودەكسىن بۇزعانى ءۇشىن قالا اكىمى ورىنباسارى مەن ەكى باسقارما باسشىسى، اۋماقتىق پارتيا فيليالىنىڭ جەتەكشىسى جاۋاپكەرشىلىككە تارتىلىپ سوگىس الدى.

بيىلعى جىلدىڭ 9 ايىندا شىعىس قازاقستان وبلىسىندا پارتيالىق باقىلاۋ كوميسسياسى اعىمداعى جىلدىڭ 9 ايىندا 6 وتىرىس وتكىزدى. اتالمىش وتىرىستار مەن جيىنداردا 2015-2025 جىلدارعا ارنالعان ق ر جەمقورلىققا قارسى ستراتەگياسى، سونداي-اق، مەملەكەتتىك ورگاندار مەن مەكەمەلەرمەن «نۇر وتان» پارتياسىنىڭ 2015-2025 جىلدارعا ارنالعان سىبايلاس جەمقورلىققا  قارسى ىس-ارەكەت» باعدارلاماسىن جۇزەگە اسىرۋ اياسىندا وبلىستىق ادىلەت جانە مەملەكەتتىك كىرىس دەپارتامەنتتەرى مەن ونىڭ بولىمدەرىندە، اۋىل شارۋاشىلىعى سالالارىندا ارنايى جۇمىستار جۇرگىزىلدى.

نەگىزىنەن قازاقستان رەسپۋبيكاسىنىڭ پرەزيدەنتى، پارتيا ءتوراعاسى نۇرسۇلتان ءابىش ۇلى نازاربايەۆ تىلگە تيەك ەتىپ، اتاپ وتكەن نەگىزگى باعىتتاردىڭ ءبىرى دە بىرەگەيى – پارتيالىق جاۋاپكەرشىلىكتى ارتتىرۋ، قاراپايىم حالىقتىڭ مۇڭ-مۇقتاىنا مۇقيات قاراپ، ولاردىڭ ۇسىنىستارى مەن تالاپ-ارىزدارىن ەسكەرۋسىز قالدىرماۋ، مەملەكەتتىك قىزمەتكەرلەردىڭ جاۋاپسىزدىعى مەن تاكاپپارلىعىمەن كۇرەسۋ بولىپ تابىلادى.

«نۇر وتان» – مينيسترلىك تە، اتقارۋشى بيلىك تە ەمەس. ول كەلەشەكتىڭ مۇمكىندىگىن ەسكەرە وتىرىپ ارەكەت ەتەتىن، جالپىۇلتتىق ءتارتىپتى بەلگىلەيتىن ستراتەگيالىق كۇش»، – دەگەن ەدى ەلباسى.

وسكەمەن قالاسى اكىمدىگىنىڭ قىزمەتىنە قاتىستى قارالعان كەزەكتى ماسەلەگە توقتالعان ءجون. 2018 جىلدىڭ 17 قاڭتارىندا «جەتىم بالالار مەن اتا-انا قامقورلىعىنسىز قالعان بالالار» ساناتى بويىنشا باسپانا الۋعا كەزەكتىڭ ساقتالۋىنا وراي وبلىستىق فيليالدىڭ قوعامدىق قابىلداۋىنا ارىز ءتۇستى. باقىلاۋ كوميسسيا مۇشەلەرى ماسەلەنى انىقتاۋ ءۇشىن وسكەمەن قالاسىنىڭ تۇكش ءبولىمىنىڭ جۇمىسىنا مونيتورينگ جۇرگىزدى. الدىمەن 2014 جانە 2017 جىلدار ارالىعىندا اتالعان سانات بويىنشا مەملەكەتتىك تۇرعىن ءۇي قورىنان باسپانا الۋعا مۇقتاج جانە باسپانالى بولعان جانداردىڭ تىزىمىمەن تانىستى. انىقتالعانى، رەسمي سايتتا ەسكى ءتىزىم وزگەرۋسىز قالىپ قويعان. قۇزىرلى ورىن تاراپىنان ەسكەرىلمەگەن ماسەلە وسى كەزەكتە تۇرعانداردىڭ ءتىزىمى جىل سايىن ءبىرىنشى توقساندا جاڭارتىلىپ تۇرۋى ءتيىس.

قازىرگى ۋاقىتتا وبلىس بويىنشا 20 اۋماقتىق پارتيالىق باقىلاۋ كوميسسياسى قىزمەت ەتىپ تۇر. ولار بيىلعى جىلى 60-تان استام جيىن وتكىزدى.

وبلىستا كراسنايا شەمونايحا دەگەن اۋىل بار. اتالمىش اۋىلدا سۋ الۋ عيماراتى مەن سۋ جەتكىزۋ جەلىسى تراسساسى سالىنىپ جاتىر. تۇرعىندار ءۇشىن اسا ماڭىزدى جوبا «نۇرلى جول» باعدارلاماسى اياسىندا بوي كوتەرۋدە. ايتا كەتۋ كەرەك، قۇرىلىس جۇمىسى وتكەن جىلدىڭ جەلتوقسانىندا ءبىتۋى ءتيىس ەدى. الايدا اۋىل تۇرعىندارىنىڭ ۇيلەرىنە سول كۇيى سۋ جەتكىزىلمەدى. وعان سەبەپشى – جۇمىستى مەرزىمىندە اياقتاماعان مەردىگەر مەكەمە. شەمونايحا اۋدانىنداعى كراسنايا شەمونايحا اۋىلىندا كوميسسيا قاتارىنان بىرنەشە رەيد جۇرگىزىپ، ونداعى جاعدايدى باقىلاپ وتىر.

جوسپارلانعان جۇمىس ۋاقىتى اتقارىلماعان سوڭ مەردىگەردىڭ كەلىسىمشارت مىندەتىن  ورىنداماۋى تۋرالى سوتقا ارىز ءتۇسىرىلدى. سوتتىڭ شەشىمىنە ساي، «وسكەمەن قۇرىلىس» پسك ج ش س 2018 جىلدىڭ قاڭتارىنا دەيىن ءىستى اياقتاۋى ءتيىس ەدى. الايدا جوبانى جۇزەگە اسىرۋ بارىسىندا تاستى جەردىڭ ەرەكشەلىگىن ەسەپكە الۋ جانە ەكى سۋ قويماسىن سۋ ايداۋىش مۇناراعا اۋىستىرۋ قاجەتتىلىگىنەن جوبالىق-سمەتالىق قۇجاتتاماعا تۇزەتۋلەر ەنگىزۋ قۇپتالعان. پارتيانىڭ شەمونايحا اۋداندىق فيليالىنىڭ ءبىرىنشى ورىنباسارى ەلەنا شابانوۆا ەگەر العاشقى نۇسقانى قالدىرسا، اۋىلدىقتارعا سۋدىڭ قۇنى التىنمەن تەڭ بولماق دەپ، جاعدايدىڭ جاي-جاپسارىن جەتكىزدى. قازىرگى تاڭدا جسق تۇزەتۋ مەن مەملەكەتتىك ساراپتاما ناتيجەسى الىندى. سونىڭ اياسىندا وبلىستىق بيۋدجەتتەن قارجىلاندىرۋ ماسەلەسى قاراستىرىلۋدا. سەبەبى بۇعان دەيىن يگەرىلمەي قالعان 68 ميلليون تەڭگە رەسپۋبليكا قازىناسىنا قايتارىلعان.

وسىعان ۇقساس جايتتار كۇندە بولماسا دا كەي كەزدە كەزدەسىپ تۇراتىنى بەلگىلى. سەبەبى بارلىعى بىردەي كەمشىلىكسىز، كەرەمەت دەڭگەيدە جۇرمەيدى عوي. الايدا زاڭسىز جايتتاردىڭ سوڭى ادىلەتتىلىكپەن شەشىلىپ زاڭدى بۇزعان ازاماتتار جاۋاپكەرشىلىككە دەر كەزىندە تارتىلىپ ءجۇر.

وسى باعىتتاعى جۇمىستار وبلىس كولەمىندە ءوز جالعاسىن تاباتىن بولادى. سەبەبى «نۇر وتان» پارتياسى – حالىقتىڭ پارتياسى. سول سەبەپتى پارتيانىڭ نەگىزگى ماقساتتار تىزىمىندە حالىقتىڭ يگىلىگى مەن مۇددەسى اركەز الدىڭعى قاتاردا تۇر.

سۇلتان ءابىش