ۇستىمىزدەگى  جىلدىڭ   قازان  ايىنىڭ  25ء-شى   جۇلدىزىندا   ءال – فارابي   اتىنداعى   ءقازۇۋ-نىڭ  جوعارى وقۋ  ورنىنا دەيىنگى  ءبىلىم  بەرۋ فاكۋلتەتىندە   جوعارى وقۋ  ورنىنا  دەيىنگى دايىندىق  كافەدراسىندا   «التىن   كۇز»  تاقىرىبىمەن     مەرەكەلى  ءىس – شارا  ءوتتى.  

بۇل  ءىس – شاراعا  جۇڭگو  حالىق رەسپۋبليكاسىنان،  وزبەكستان  رەسپۋبليكاسىنان،  مونعوليادان،  يراننان   كەلگەن  قانداس باۋىرلارىمىز   قاتىستى. 

زال  تاقىرىپقا،  مەرەكەگە  ساي  ءتۇرلى  گۇلدەرمەن،   التىنداي  سارى  شارلارمەن  بەزەندىرلگەن.   قاتىسۋشى  تىڭداۋشىلار  ءىس – شاراعا  ءوز قولدارىمەن  تابيعي  ماتەريالداردى  پايدالانىپ،  ءتۇرلى   بۇيىمدار،  ماكەتتەر،  قابىرعا  گازەتتەرىن،  گۇل  سالاتىن  قۇمىرالار،  لاشىق  ۇيلەر،  قۇس    ۇياسىن  جاساپ    كوركەم  دە  اسەم  شەبەرلىگىمەن  كوپشىلىكتى  تامساندىردى.  تىڭداۋشىلاردىڭ  قولونەرى  مەن  ءان – بي  ونەرىن،  تاپقىرلىعى  مەن  شەشەندىك  ونەرىن  باعالاۋعا   كافەدرامىزدىڭ   قازاق  ءتىلى   ءپانىنىڭ  اعا  وقىتۋشىسى   راحيلا تۇرسىن قىزى،  تاريح  ءپانىنى  وقىتۋشىسى  باۋىرجان  ەسىمحان ۇلى،  ۋنيۆەرسيتەتىمىزدەگى  بەيىندى  مەكتەپتىڭ قازاق  ءتىلى ءپانى  ءمۇعالىمى – ۇلپان    سابەن قىزى  تورەلىك  ەتتى.

 اتالمىش  كەشىمىز   توپ  قىزدارىمىزدىڭ  ورىنداۋىندا ءانى  نۇرعيسا  تىلەندييەۆ،  ءسوزى  تۇمانباي  مولداعالييەۆ  اعالارىمىدىڭ  « قۇستار  قايتىپ  بارادى»  ءانىن  شىرقاۋمەن   باستالدى.  ءان  بىتە  سالىسىمەن  ساحنا  تورىنە   كەتىپ  بارا جاتقان  «جاز»  حانشايىمى  مەن  كەلىپ  جەتكەن  «كۇز»  حانشايمىن   دۋ  قول  شاپالاقپەن  شاقىرىلدى.   ولار  ايتىسقا  ءتۇسىپ،  سوڭىندا  «جاز»  حانشايمىن  «كەلەسى  كەزدەسكەنشە!» - دەپ  شىعارىپ  سالىستى.

تىڭداۋشىلار   كوڭىلدى  كەشتى    جالعاستىرىپ،    اننەن،  بيدەن  ونەرلەرىن  ايامادى.   جۇمباق  شەشۋ   سايسىنان  دا  سۇرىنبەي  ءوتىپ  جاتتى.  ايتا  كەتۋ  كەرەك،  ءوز ونەرلەرىمەن  2ء-شى  توپتان  وركەن،  7ء-شى  توپتان  كۇنسۇلۋ،  10-شى  توپتان  تىلەك  ەسىمدى  تىڭداۋشىلار  وزا  شىقتى.   ءادىل – قازىلار  دا  ۇپايلارىن  ايتا  وتىرىپ،  مەرەكەنىڭ  ءسانىن  كەلتىردى.

تىڭداۋشىلاردى  ءوز  انا  تىلىندە   ەركن  سويلەۋگە،  ءسوز  بايلىقتارىن  جەتىلدىرۋگە   باۋلىپ،  «شەشەندىك  ونەر»  سايىسىندا  باقتارى  سىنالدى،  10  توپ  ىشىنەن  ەرەكشە  تاپقىرلىعىمەن   كۇنسۇلۋ،  ەركەجان، قاينار سىندى  بالالار   كوزگە  ءتۇسىپ،  رازى  بولدىق.   ءادىل  قازىلار   تىڭداۋشىلاردىڭ   ءوز قولدارىمەن  تابيعي  ماتەريالدارداردان   جاساعان   ءتۇرلى   بۇيىمدار،  ماكەتتەر،  قابىرعا  گازەتتەرى،  گۇل  سالاتىن  قۇمىرالار،  لاشىق  ۇيلەر،  قۇس    ۇياسىن  كوزدەن  تاسا  قالدىرماي  باعالارىن  بەرىپ  ۇپايلارمەن  باعالادى.

كوڭىلدى  التىن  كۇز  كەشى  دە  مارەسىنە  جەتىپ،   ناتيجەسىندە  8 – ءشى،  7ء-شى، 5ء-شى  توپتار  جۇلدەلى  ورىندارعا  قول  جەتكىزدى.  تىڭداۋشىلار مەن  وقىتۋشىلار  كوتەرىڭكى كوڭىل  كۇيمەن تاراپ جاتتى.

ۇسەنبەكوۆا  ايناگۇل ەرمەكباي قىزى،

ءال-فارابي اتىنداعى قازاق  ۇلتتىق  ۋنيۆەرسيتەتى ،

جوعارى وقۋ  ورنىنا دەيىنگى  ءبىلىم  بەرۋ   فاكۋلتەتى،

جوعارى وقۋ  ورنىنا  دەيىنگى دايىندىق  كافەدراسىنىڭ

 اعا وقىتۋشىسى