قاراشانىڭ 3-ىندە قازپوشتانىڭ روبوپوست كەڭسەسىندە «ونلاين شوپينگكە ارنالعان لايفحاك» ءوتتى. ەلىمىزدە تۇڭعىش رەت ۇيىمداستىرىلعان  ايتۋلى شارا تمد اۋماعىندا دا بۇرىن-سوڭدى بولماعان كورىنەدى. مۇندا ونلاين ساۋدا تۇتىنۋشىلارىنا ارنالعان قۇندى كەڭەستەر ايتىلدى.

سپيكەرلەر ونلاين نارىقتا اجەپتاۋىر جەتىستىككە جەتكەن، وسى سالانىڭ قىرى مەن سىرىن بىلەتىن ماماندار. بۇل باسقوسۋدا تاۋارلاردىڭ 4 كاتەگورياسى ءسوز بولىپ، ونلاين نارىقتاعى ءبىز بىلە بەرمەيتىن قۇپيالاردىڭ باسى اشىلدى. ماسەلەن، اييا جامي  كيىم-كەشەك سالاسى بويىنشا ونلاين جەڭىلدىكتەردى ايتسا، ماكسيم ياكيمەنكو ءتۇرلى گادجەتتەردى قالاي تومەن باعاعا الۋعا بولاتىنىن ايتىپ بەردى. ال ايگەرىم مۇحامەدجانوۆا بالالارعا ارنالعان كيىمدەردى ويلاين ساۋدا ارقىلى الۋدى بايانداپ، ەرۇلان يزمايلوۆ سپورتقا نە قاجەت، نە پايدالى دەگەن سۇراقتارعا جاۋاپ بەردى.

ونلاين ساۋدانىڭ ارتىقشىلىقتارى

«بىرىنشىدەن، بۇل وتە ىڭعايلى ءارى ۋاقىتتى ۇنەمدەيدى. ەكىنشىدەن، ارتىق كۇش جۇمسامايسىز جانە از شىعىندالاسىز. ۇشىنشىدەن، ونلاين شوپينگ ءسىزدىڭ گاردەروبىڭىزدا جوق كيىمدەردى ۇسىنادى. بۇل دەگەنىمىز كيىمنىڭ ولشەمىن تابا المايتىندار ءۇشىن، ۇقساس كيىم الماس ءۇشىن ايتارلىقتاي سەپتىگىن تيگىزەدى. تاپسىرىس كەزىندە مىندەتتى تۇردە پروموكودتى Google-دان تەرىپ، ارنايى قاراڭىز. ويتكەنى، جەتكىزۋ اقىسى تەگىن بولۋى مۇمكىن نەمەسە كەيدە 20-30 پايىز كولەمىندە جەڭىلدىكتەر قاراستىرىلادى. امەريكالىق تاۋارلارعا اسىرەسە جەلتوقسان ايىنىڭ 20-نان كەيىن جەڭىلدىكتەر بولادى. پوستوماتتار ارقىلى تاپسىرىس بەرسەڭىز، ءۇيىڭىزدىڭ جانىنان ءوز تاۋارىڭىزدى الىپ كەتەسىز»، – دەدى ا. جامي.

ساۋدا مەن ەلەكتروندى ساۋدانىڭ ايىرماشىلىقتارى

گادجەتتەر كاتەگورياسى بويىنشا ماكسيم ياكيمەنكو ايتىپ بەردى. ول نارىقتاعى تەلەفوننىڭ باعاسى مەن ونىڭ ينتەرنەت-دۇكەندەگى باعاسىن سالىستىرۋدان باستادى.

«IPhone XSء-تىڭ 64 گب Technodom-دا 540 مىڭ تەڭگە تۇرادى، ال ComputerUniversە دەگەن پورتالدا ونىڭ قۇنى 140 مىڭ تەڭگەگە ارزان، ياعني، 400 مىڭ تەڭگەنى قۇرايدى. مۇنداعى ەرەكشەلىك – 2 اپتادا جەتكىزىلەدى. ال Technodom-داعى ەرەكشەلىك – ءسىز سمارتفوندى نەسيەگە الا الاسىز»، – دەدى م. ياكيمەنكو.

كەڭەستەر

ەگەر دە ينتەرنەت-دۇكەن تۋرالى ەشقانداي پىكىر بولماسا ماماندار تاۋار ساتىپ الماۋعا كەڭەس بەرەدى. سونداي-اق، ونلاين ساۋداگەرگە ءتۇرلى ساۋالدارىڭىزدى قويىپ، جەڭىلدىكتەر تۋرالى سۋراۋلارىڭىزعا مۇمكىندىك بار. جاپپاي ساتىلىمدار ءجيى بولىپ تۇرادى (جەڭىلدىكتەر ءتۇنى، مەرزىمدىك جەڭىلدىكتەر جانە ت.ب.). بۇعان قوسا، ونلاين ساۋداگەرلەردىڭ رەيتينگىن قاراپ تاپسىرىس بەرۋ – كوپ كەلەڭسىزدىكتەر قۇتقارادى. ينتەرنەت-دۇكەندەردىڭ ءموبيلدى قوسىمشالارىن قولدانۋ ءوز كەزەگىندە ءموبيلدى بونۋستاردى جينايدى (ماسەلەن، AliExpress.com).

ءىس-شارانىڭ اياسىندا شوتىندا  25 مىڭ تەڭگەسى بار برەندتىك كارتا ويناتىلدى. ول ءۇشىن قاتىسۋشىلار ءوزىن سۋرەتكە ءتۇسىرىپ (سەلفي) #مەنونلاينساتىپالامىن دەگەن حەشتەگپەن الەۋمەتتىك جەلىگە (Instagram، Facebook) جۇكتەۋى ءتيىس بولعان ەدى. سايكەسىنشە، قازىلار القاسى ەڭ كرەاتيۆتى سۋرەتتى تاڭداپ الىپ ماراپاتتادى.