بيىل ەلىمىزدە «نۇرلى جەر» باعدارلاماسى بويىنشا شامامەن 8 ملن شارشى مەتر تۇرعىن ءۇي پايدالانۋعا بەرىلدى. بۇل تۋرالى Qamshy.kz اقپارات اگەنتتىگىنىڭ تىلشىسىنە ينۆەستيسيالار جانە دامۋ مينيسترلىگى حابارلادى.
مينيسترلىكتىڭ مالىمدەۋىنشە، 2018 جىلدىڭ سوڭىنا دەيىن بۇل كورسەتكىشتى 12 ميلليونعا دەيىن ارتتىرۋ جوسپارلانىپ وتىر.
ايتا كەتەيىك، مەملەكەتتىك باعدارلاما ەلىمىزدە 2017 جىلدان باستاپ جۇزەگە اسىرىلىپ كەلە جاتىر. جالپى مەرزىمى 15 جىلعا ەسەپتەلگەن. مەملەكە باسشىسى جولداۋىندا باعدارلاما اياسىندا جالعا بەرىلەتىن تۇرعىن ۇيلەردىڭ سانى مەن كولەمىن ءارى ساپاسىن كوتەرۋ قاجەتتىگىن قاتاڭ ەسكەرگەن. سونىمەن قاتار، نۇرسۇلتان نازاربايەۆ ينجەنەرلىك ينفراقۇرىلىمنىڭ قۇرىلىسى ۇلعايتىلاتىنىن دا اتاپ ءوتتى.
بىلتىرعى جىلدان قوسىلعان «نۇرلى جەر» باعدارلاماسىنا وراي قازاقستاندىقتار ءبىلۋى كەرەك شارتتاردى دا بەرىپ ءوتۋدى ءجون سانادىق:
بىرىنشىدەن، باعدارلاما 15 جىل بويى جۇزەگە اسىرىلادى. جوسپار بويىنشا، 2031 جىلعا دەيىن 1،5 ملن وتباسى ءۇيلى بولۋى ءتيىس. باعدارلامانىڭ ارقاسىندا جىل سايىن 100 مىڭ ادام پاتەردىڭ كىلتىن الادى. جالپى جوسپار مىناداي:
جالدامالى تۇرعىن ءۇيدىڭ 45 مىڭ پاتەرى (2،2 ملن م²)؛
كرەديتتىك تۇرعىن ءۇيدىڭ 245 مىڭ پاتەرى (12 ملن م²)؛
سقجمق، بد، قيك 46 مىڭ پاتەرى؛
600 مىڭ جەكە تۇرعىن ءۇي (60 ملن م²)؛
564 مىڭ كوممەرسيالىق پاتەر پايدالانۋعا بەرىلەدى.
«نۇرلى جەر» باعدارلاماسى بىرنەشە باعىتتان تۇرادى. ولار: كرەديتتىك تۇرعىن ءۇي الۋ، ءۇيدى جالعا بەرۋ جانە جەكە تۇرعىن ءۇي قۇرىلىسىن دامىتۋ بويىنشا جەر ۋچاسكەلەرىن ساتۋ.
باعدارلاما بىرنەشە تالاپتان تۇرادى. سالىمشىنىڭ ەسەپشوتىندا كەلىسىلگەن باعانىڭ كەمىندە 30 پروسەنتى جينالۋ كەرەك. مۇندايدا جىلدىق مولشەرلەمە 5 پايىزدى قۇرايدى. ال پاتەر ەسەپشوتىنا قارجىنى ۋاقىتىلى ءارى قوماقتى سومادا سالىپ وتىرعان ازاماتتارعا بەرىلەدى.
باسپانالى بولامىن دەگەن ادام سىرتقا شىقپاي-اق پروسەستى جۇزەگە اسىرا الادى. قادامدارى تومەندەگىدەي:
1.ءوزى قالاعان قالانى تاڭداۋ؛
2.قانداي نىسانداردىڭ قۇرىلىس جۇمىستارى ءجۇرىپ جاتقانىن جانە كليەنتتەردەن تۇسەتىن ءوتىنىش قاشانعا دەيىن قابىلداناتىنىن انىقتاۋ؛
3.ۇناعان پاتەردى تاڭداۋ؛
4.پاتەر ساتىپ الۋشىلار پۋلىنا قاتىسۋ ءۇشىن ءوتىنىش جازۋ.
جالعا الۋ قۇنى 1 شارشى مەترگە 100 تەڭگە. باسپانا الۋ ءۇشىن اكىمدىككە كەزەككە تۇرۋ قاجەت.
باياعدارلاما اياسىندا سوعىس ارداگەرلەرىنە، جەتىمدەرگە، الەۋمەتتىك جاعىنان از قامتىلعاندارعا جانە مەملەكەتتىك قىزمەتكەرلەرگە باسىمدىق بەرىلەدى. ولار دا ءوتىنىش جازىپ، كەزەككە تۇرۋى ءتيىس.
اتالعان ساناتتاعى ادامعا جاتساڭىز دا، «نۇرلى جەر» باعدارلاماسىمەن باسپانا الۋ ءۇشىن بىرنەشە تالاپقا ساي كەلۋىڭىز شارت.
بىرىنشىدەن، سوڭعى بەس جىلدا اتىڭىزدا باسپانا بولماۋى كەرەك. ەكىنشىدەن، استانا مەن الماتىدا ەڭ كەمى ەكى-ۇش جىل تىركەۋدە تۇرعان بولۋىڭىز قاجەت.
«نۇرلى جەر» باعدارلاماسى بويىنشا يپوتەكالىق تۇرعىن ءۇي جىلدىق مولشەرلەمەسى 10 پايىز جەڭىلدىكپەن بەرىلەدى. ول ءۇشىن مىناداي كەزەڭدەردەن وتەسىز:
ءبىرىنشى قادام: بانككە قارىز جونىندەگى قۇجاتتى جانە سۋبسيديا الۋ ءۇشىن جازعان ارىزىڭىزدى كورسەتەسىز. قاجەتتى قۇجات ءتىزىمىن بانكتەن بىلە الاسىز.
ەكىنشى قادام: بانك كەپىلدەمەڭىز مەن تولەم جۇرگىزۋ قابىلەتىڭىزدى تەكسەرەدى.
ءۇشىنشى قادام: ەگەر بانك ءسىزدىڭ ءوتىنىشىڭىزدى قابىل ەتسە، 3 جۇمىس كۇنى ىشىندە قازاقستان يپوتەكالىق كومپانياسىنا سۋبسيديانى بەرۋ تۋرالى قولداۋحاتىن (حوداتايستۆو) جىبەرەدى.
ءتورتىنشى قادام: قازاقستان يپوتەكالىق كومپانياسى 5 جۇمىس كۇنى ىشىندە قۇجاتتارىڭىزدى تەكسەرەدى.
بەسىنشى قادام: قازاقستان يپوتەكالىق كومپانياسى 5 جۇمىس كۇنى ىشىندە بانككە قابىلداعان شەشىمى جونىندە جازباشا جاۋاپ جىبەرەدى.
التىنشى قادام: بانك قازاقستان يپوتەكالىق كومپانياسىنىڭ قابىلداعان شەشىمى نەگىزىندە سىزبەن كەلىسىمشارتقا وتىرادى، يپوتەكالىق كەلىسىم، تولەم كەستەسى قۇرىلادى، ەكى تاراپ سۋبسيديالاۋ كەلىسىمىنە قول قويادى دا، ونى قازاقستان يپوتەكالىق كومپانياسىنا جونەلتەدى. كەلىسىمشارتقا قول قويعاننان كەيىن قازاقستان يپوتەكالىق كومپانياسى 2 جۇمىس كۇنى ىشىندە بانككە كەلىسىمشارتتىڭ ەكى داناسىن جىبەرەدى. ونىڭ ءبىرىن بانك سىزگە بەرەدى.
جەتىنشى قادام: كەلىسىمشارت قول قويعان كۇننەن باستاپ كۇشىنە ەنەدى. ءسىز «نۇرلى جەر» باعدارلاماسى بويىنشا جەڭىلدىكپەن يپوتەكا الاسىز.
ايتا كەتەيىك، «نۇرلى جەر» باعدارلاماسى نەگىزگى 5 مىندەتتى ىسكە اسىرۋ ارقىلى حالىقتىڭ تۇرعىن ءۇي ماسەلەسىن كەشەندى شەشۋگە باعىتتالعان:
حالىقتىڭ الەۋمەتتىك جاعىنان وسال توپتارى ءۇشىن جالعا بەرىلەتىن تۇرعىن ءۇي قورىن قۇرۋ.
جەكە تۇرعىن ءۇي قۇرىلىسىن دامىتۋ.
تۇرعىن ءۇي قۇرىلىس جيناقتارى جۇيەسى ارقىلى وتكىزىلەتىن كرەديتتىك تۇرعىن ءۇي سالۋ.
جەكە قۇرىلىس سالۋشىلاردى تۇرعىن ءۇي سالۋعا ىنتالاندىرۋ.
يپوتەكالىق كرەديت بەرۋدىڭ قولجەتىمدىگىن ارتتىرۋ.
پىكىر قالدىرۋ