قازاقستان قىتايدىڭ ەڭ جاقىن كورشىسى ءارى ەشقانداي قىسىم كورىپ جاتقان جوق. بۇل تۋرالى مەملەكەت باسشىسى نۇرسۇلتان نازاربايەۆ Astana Club وتىرىسىندا مالىمدەدى.

«مۇنداي تەكەتىرەستىڭ قايدان شىققانى ماعان تۇسىنىكسىز. بىرەۋلەر جۇڭگو ءوزىن مەملەكەت رەتىندە تانىتقىسى كەلىپ جۇرگەن كونتينەنت دەپ اتايدى. ەندى ءبىرى حالىق رەتىندە تانىتقىسى كەلەتىن سيۆيليزاسيا دەپ جاتادى. ءيا، راسىندا سولاي. قازاقستان قىتايدىڭ ەڭ جاقىن كورشىسى، شەكارامىز 1700 شاقىرىم عانا. ءارى ءبىز جۇڭگو تاراپىنان ەشقانداي قىسىم، قورلاۋ ارەكەتتەرىن كورىپ تۇرعان جوقپىز»، - دەدى نازاربايەۆ وتىرىس بارىسىندا.

بۇعان قوسا ەلباسىنىڭ ايتۋىنشا، قىتايدىڭ وزىندە ماسەلە دەگەن جەتىپ ارتىلادى – جۇمىسسىزدىق، ميگراسيا جانە تاعى باسقالارى. «مەن جۇڭگو ءتوراعاسى سي سزينپينمەن ءجيى كەزدەسى تۇرامىن، ءبىز بۇل ماسەلەدە بىر-بىرىمىزبەن اشىق سويلەسەمىز. وزگە اۋداندارعا شابۋىلداۋ جايلى قىتايدىڭ ويىنا دا كىرىپ شىقپاعان. كەرىسىنشە، ولاردىڭ وزدەرىنە دامۋ كەرەك، تىنىشتىقتى قاجەت ەتەدى»، - دەدى پرەزيدەنت.

ءارى جۇڭگو قازاقستانمەن تىعىز بايلانىس ورناتۋدا بەلسەندىلىك تانىتىپ جاتىر.

«جىبەك جولىندا» جاھاندانۋ دامىپ كەلەدى، باعدارلاماعا الەمنىڭ 60-تان اسا  مەملەكەتى قاتىسۋدا. ال جۇڭگو سول ەلدەرگە كومەكتەسۋدەن الدىنا جان سالمايدى. بۇدان جاۋلاپ الۋدىڭ ۇشىن دا كورمەيسىز»، - دەدى ءوز سوزىندە.

«جۇڭگو تەڭىز ايماقتارى ماسەلەسىندە ۆەتناممەن، جاپونيامەن ۇنەمى قاقتىعىسقا ۇشىراپ جاتتى. الايدا جۇرت ءىستىڭ بايىبىنا بارماي قىتايدى كىنالاي باستادى. مەن ساراپشى ەمەسپىن، ەشكىمدى جاقتاعىم دا، قورعاعىم دا كەلمەيدى. مۇنىڭ ءبارى – ەلدەر اراسىنداعى سەنىمدىلىكتى جويادى جانە ادامزاتقا ءتيىمسىز تەكەتىرەستىڭ بولۋىنا اكەپ سوعادى»، - دەدى ءسوزىن قورىتىندىلاعان نۇرسۇلتان نازاربايەۆ.