«ولگەن مالدارعا ۆەتەريناريالىق زەرتحانامەن «لەپتوسپيروز» اۋرۋىنا قورىتىندى بەرىلگەن جاعدايدا بيۋدجەت ەسەبىنەن وتەماقى تولەنەتىن بولادى». بۇل تۋرالى وبلىستىق ءماسليحاتتىڭ وتكەن سەسسياسىندا وبلىس اكىمى قىرىمبەك كوشەربايەۆ مالىمدەدى.

ەستەرىڭىزگە سالا كەتەيىك، 10 قاراشا كۇنى جاڭاقورعان اۋدانى، بايكەنجە اۋىلدىق وكرۋگى اۋماعىنداعى ۋاق مال (قوي) قىرىلۋ دەرەگى تىركەلگەن. مال يەسى احمەت راحيموۆتىڭ ايتۋىنشا، كەلگەن  - 116 باس قوي. الايدا، اۋرۋ وشاعىن زەرتتەۋ بارىسىندا وبلىستىق كوميسسيا 40 باس قويدىڭ ولگەنىن ناقتىلادى.

–اۋداندىق ۆەتەريناريالىق زەرتحاناسىنا «لەپتوسپيروز» اۋرۋىنا جانە ازىقتان ۋلانۋعا كۇماندى دەپ، پاتولوگيالىق ماتەريال وتكىزىلگەن. ەگەر دياگنوز راستالسا، مال يەسىنە بيۋدجەتتەن وتەماقى تولەنەدى، – دەدى ايماق باسشىسى.

جاڭاقورعان اۋدانى اكىمدىگىنىڭ باسپا ءسوز حاتشىسى نۇربول باكيروۆ ءمالىم ەتكەندەي، «ءقازىر جاعداي تۇراقتى. مال تۇرعان قورا جايلارعا زالالسىزداندىرۋ جۇمىستارى جۇرگىزىلىپ، ءتيىستى ۆەتەريناريالىق شارالار اتقارىلىپ، قاتاڭ باقىلاۋعا الىنعان. ولەكسەلەر ورتەلىپ، ارنايى مال قورىمىندا كومىلدى، ماماندار زەرتتەۋ جۇمىستارىن جالعاستىرۋدا. حابارلاما تۇسە سالىسىمەن، اۋرۋ مال وقشاۋلانىپ، سارىسۋ جانە انتيبيوتيكتەرمەن ەمدىك شارالار جۇرگىزىلگەن».