قازاقستاندىق 25 ونلاين-باسىلىمعا وقىرماندار اۋديتورياسىن تالداۋعا ارنالعان Chartbeat قۇرالىن تەگىن ەندىرىپ، وتاندىق نارىقتا ءبىرىنشى بولىپ قولدانۋعا مۇمكىندىك بەرىلمەك دەپ حابارلايدى Qamshy.kz اقپارات اگەنتتىگى "قازاقستان باسپا ءسوز كلۋبىنا" سىلتەمە جاساي وتىرىپ.
بايقاۋ اياسىندا ىرىكتەۋ كەزىندە رەسپۋبليكالىق جانە وڭىرلىك باق-تان 50-دەن اسا ءوتىنىم كەلىپ ءتۇستى. قازاقستاندىق مەديا ساراپشىلارىنان تۇراتىن قامقورشىلار كەڭەسى وتىنىمدەردى باعالاپ، ەڭ لايىقتى دەگەن ۇمىتكەرلەردى ىرىكتەپ شىقتى. نارىقتاعى جۇمىس تاجىريبەسى، سايتتاعى كۇندەلىكتى جاريالانىمدار سانى، جاريالانىمداردا ءدىني جانە قىلمىستىق تاقىرىپتاردىڭ بولماۋى سىندى ولشەمدەر بويىنشا باعالاۋ جۇرگىزىلدى.
«ۇزاق ۋاقىتقا سوزىلعان قىزۋ تالقىلاۋدان سوڭ، قامقورشىلار كەڭەسىنىڭ مۇشەلەرى داۋىس بەرۋ ارقىلى جوباعا قاتىساتىن 25 ونلاين-باسىلىمدى انىقتادى. بۇل باسىلىمدار تەك استانا مەن الماتىداعى عانا ەمەس، سونىمەن بىرگە وڭىرلەردەگى ءارتۇرلى تاقىرىپتا، باعىتتا، ءارتۇرلى تىلدە شىعاتىن، ءارتۇرلى اۋديتوريامەن جۇمىس جاسايتىن ب ا ق بولىپ تابىلادى. تاڭداپ الىنعان ب ا ق قازنەتتىڭ جاعدايىن كورۋگە مۇمكىندىك بەرەتىن قازاقستاندىق ونلاين-مەديانىڭ كەسىندىسى بولىپ تابىلادى. جوباعا قاتىسۋ ارقاسىندا ولار ءوز اۋديتورياسىن جاقسى ءتۇسىنىپ، ونىمەن جاقسىراق ءوزارا ارەكەتتەسىپ، سايكەسىنشە جارناما بەرۋشىلەردى كەڭىنەن تارتىپ، كىرىس كوزىن ارتتىرۋعا مۇمكىندىك الاتىندىعىنا سەنىمدىمىن»، - دەپ اتاپ ءوتتى جوبانىڭ قامقورشىلار كەڭەسىنىڭ ءتوراعاسى ميحايل دوروفەيەۆ.
21 قاراشا كۇنى الماتىدا قازاقستاندىق ب ا ق نارىعىن دامىتۋ ماسەلەلەرىنە ارنالعان XI «Media قۇرىلتاي 2018» رەسپۋبليكالىق كونفەرەنسياسى اياسىندا مەديا قاۋىمنىڭ Chartbeat وكىلدەرىمەن كەزدەسۋى وتەدى.
- Atameken Business Channel
- Informburo
- Tengrinews.kz
- Massaget.kz
- Kazinform
- Qazaqstan
- 24.kz
- Baq.kz
- Baribar.kz
- Bnews.kz
- Qamshy.kz
- Astana TV
- Aikyn.kz
- Steppe
- Egemen.kz
- Kursiv.kz
- Vlast.kz
- ليتەر
- الاش ايناسى
- الاۋ تۆ
- دياپازون
- Ult.kz
- Exclusive.kz
- Vesti.kz
- ەكسپرەسس ك
ىرىكتەۋدەن وتكەن 25 ونلاين-باسىلىم ەندى ورتاق ەسەپتەگىشتى (پانەل) قۇرىپ، وسىنىڭ ارقاسىندا جارناما بەرۋشىلەر سايتتىڭ تانىمالدىعى جايلى سەنىمدى اقپارات الاتىن بولادى. جوبا قاتىسۋشىلارى ورتاق ەسەپتەگىشتە قانداي كورسەتكىشتەردىڭ كورسەتىلەتىنىن داۋىس بەرۋ ارقىلى وزدەرى شەشەدى.
ءبىر ايتا كەتەتىنى، وزىق ونلاين-مەتريكالاردى قولدانۋعا ارنالعان جوبا قازاقستاندا 2018 جىلدىڭ قازانىندا ىسكە قوسىلدى. جوبا وپەراتورى – قازاقستان باسپا ءسوز كلۋبى. جوبا قازاقستانداعى اقش ەلشىلىگى ارقىلى يننوۆاسيالار قورى ەسەبىنەن قارجىلاندىرىلادى. جوبا ىرىكتەۋدەن وتكەن 25 باق-قا ءبىر كۇنتىزبەلىك جىل ىشىندە Chartbeat قۇرالدارىن تەگىن قولدانۋعا مۇمكىندىك بەرەدى. ەكىنشى جىلى Chartbeat جوبانىڭ ءبىرىنشى جىلىنا قاتىسقان 25 باق-قا 70%-دىق شەگەرىم ۇسىنادى. ونىڭ ۇستىنە، جوبا قاتىسۋشىلارى كومپانيا وكىلدەرىنەن كەڭەس الىپ، وقۋدان وتە الادى.
