تاقتايشا ازىرگە قالاداعى كوپ قاباتتى التى تۇرعىن ۇيگە ورناتىلعان. بۇل جونىندە اقتاۋ قالاسىنىڭ اكىمدىگىندە «سيفرلى قازاقستان» مەملەكەتتىك باعدارلاماسى اياسىندا اتقارىلعان جۇمىستار جونىندە وتكەن بريفينگتە ايتىلدى.

QR-كودى بار تاقتايشالاردىڭ ەرەكشەلىگى – تۇرعىن ءۇي تۋرالى بارلىق مالىمەتتى بىلۋگە مۇمكىندىك بەرۋىندە. پيك (پاتەر يەلەرى كووپەراتيۆى) تۋرالى اقپارات جانە ديسپەچەرلىك قىزمەت، ەلەكتريك، سانتەحنيك، پوليسيا پۋنكتىنىڭ بايلانىس نومىرلەرى دە قامتىلعان.

ۇيالى تەلەفونىڭىزدا QR-كودتى وقيتىن ءموبيلدى قوسىمشاڭىز بولسا بولعانى. اقپاراتتاردى وسى قوسىمشانىڭ كامەراسىن QR-كودقا باعىتتاۋ ارقىلى كورە الامىز. ال «iphone» ۇيالى تەلەفونىن پايدالاناتىندار قوسىمشانى جۇكتەمەي-اق تەلەفوننىڭ كامەراسىن قولدانۋىنا بولادى.

تاقتايشادا تۇرعىن ءۇي تۋرالى مالىمەتتەن بولەك ءۇيدىڭ پوشتالىق يندەكسى مەن post.kz سايتىنا سىلتەمە كورسەتىلگەن. بۇل كۋرەرلەردىڭ، پوشتا قىزمەتىنىڭ جۇمىسىن جەڭىلدەتۋگە، تۇرعىنداردىڭ عالامتور ارقىلى تاپسىرىس بەرۋىنە جاعداي جاسايدى. سىلتەمە ارقىلى كوممۋنالدىق تولەمدەر مەن ايىپپۇلداردى تولەۋگە مۇمكىندىك بار. ارىز-شاعىمدار مەن ۇسىنىستار دا وسى كودتار ارقىلى قابىلدانباق.

ايتا كەتەيىك، تاقتايشالار الداعى ۋاقىتتا قالاداعى باسقا دا تۇرعىن ۇيلەرگە قويىلماق.