بۇل جونىندە قالالىق اكىمدىكتە وتكەن بريفينگتە ءمالىم بولدى.

Infobus جانە busreport ديسپەچەرلىك باعدارلاماسى اقتاۋ قالاسىندا ءۇش جىلدان بەرى قىزمەت ەتىپ كەلەدى. وندا قالا ىشىندە قاتىنايتىن اۆتوبۋستاردىڭ ءجۇرۋ كەستەسى مەن باعىتتارى ەنگىزىلگەن. ءتىپتى قازىرگى تاڭدا قالا سىرتىنداعى ەلدى مەكەندەرگە قاتىنايتىن اۆتوبۋستار كەستەسى دە قوسىلعان. مىسالى، №103 «اقتاۋ-قىزىلتوبە»، №104 «اقتاۋ-اتامەكەن»، №105 «اقتاۋ-باسقۇدىق»، №106 «اقتاۋ-باياندى» جانە «اقتاۋ-باتىر»، «اقتاۋ-قىزىلتوبە-2»، «اقتاۋ-اۋەجاي» اراسىندا قاتىنايتىن كولىكتەر.

قالالىق جولاۋشىلار تاسىمالداۋ ءبولىمى مەن «كازينتەرسوفت» ج ش س بىرىگۋىمەن جاساقتالعان ءموبيلدى قوسىمشا تۇرعىندارعا كەز كەلگەن ۋاقىتتا قولجەتىمدى.

جولاۋشىلار باعدارلاماعا كىرۋ ارقىلى بارلىق قوعامدىق كولىك جايلى اقپاراتتى تولىق كورە الادى. ءموبيلدى قوسىمشانى رlay market جانە App Store ارقىلى ۇيالى تەلەفونعا جۇكتەۋگە مۇمكىندىك بار. مەكەن-جايدى جازباي-اق اۆتوبۋستىڭ قايدا، قاشان كەلەتىنىن بىلۋگە بولادى.

بۇگىندە Infobus جانە busreport ديسپەچەرلىك باعدارلاماسى قازاقستاننىڭ 11 قالاسىندا جۇمىس ىستەيدى. ال اقتاۋ قالاسى بويىنشا ءموبيلدى قوسىمشانى 30 مىڭعا جۋىق ادام جۇكتەگەن.