اقتوبە سوتىندا ەلەنا رۋتۋشنايا جاۋاپكەر، ال قالالىق ءماسليحات دەپۋتاتى يسكاندەر نازاربايەۆ تالاپكەر رەتىندە قاتىسىپ جاتىر. اكەسى بالانى اناسىنان الىپ، ءوزى تاربيەلەمەك، دەپ حابارلايدى Aktobenews.kz.

الماتى قالاسىندا تۇراتىن ەلەنا راتۋشنايا بالاسىنىڭ وتە بەلسەندى ەكەنىن ايتادى. بالا 2013 جىلى كارىز قۇبىرىنا ارنالعان حيميالىق ەرىتىندىنى ءىشىپ قويىپ، ءىش قۇرىلىسىنا زاقىم كەلىپ، وتا جاسالعان. بالا تۋرالى ونىڭ اكەسىنە جاق اشپاعان ەلەنا راتۋشنايا ونىڭ اكەسىنە حابار بەرىپ، كومەك سۇراعان.

«اكەسى 100 مىڭ تەڭگە بەردى، ءبىراق بۇل قارجى وتە از. مەن بالانى ەمدەۋگە 2،3 ميلليون تەڭگە جۇمسادىم. بالانى باعۋ ءۇشىن بىرنەشە جەردە جۇمىس ىستەدىم. ەندى اكەسى "بالاعا قاراي المايدى" دەپ مەنەن ونى تارتىپ الماق»، — دەيدى ەلەنا راتۋشنايا.

سوت وتىرىسىنا پسيحولوگ تا شاقىرىلدى. ماماننىڭ ايتۋىنشا، بالانىڭ سالعان سۋرەتىنەن-اق اناسىنان قاشىق ەكەنىن بايقاۋعا بولادى. بالا  اناسىن مۇلدە سالمايدى ەكەن.  ءارى بالا پسيحولوگ، نيەۆروپاتولوگتىڭ باقىلاۋىنا الىنۋى كەرەك. بالانىڭ  ءتىلى دە دۇرىس شىقپاعان.

سوت وتىرىسى جالعاسىپ جاتىر. سوتقا دەپۋتات يسكاندەر نازاربايەۆتىڭ وكىلى عانا قاتىسۋدا.