جامبىل وبلىسى اكىمدىگى ىشكى ساياسات باسقارماسى «وڭىرلىك كوممۋنيكاسيالار قىزمەتىنىڭ» الاڭىندا «ULYS» سيفرلىق جۋرنالىنىڭ باس رەداكتورى ەرجان قالىمباي ۇلىنىڭ قاتىسۋىمەن باسپا ءسوز كونفەرەنسياسى ءوتتى. سپيكەرلەر «ULYS» سيفرلىق جۋرنالى تۋرالى بايانداپ، جۋرناليستەردىڭ سۇراقتارىنا جاۋاپ بەردى.
5-قىركۇيەك كۇنى الاشتىڭ ارداقتىسى، قازاقتىڭ تاۋ تۇلعاسى — احمەت بايتۇرسىن ۇلىنىڭ تۋعان كۇنى قارساڭىندا «ULYS» اتتى قازاقستاننىڭ تۇڭعىش سيفرلىق جۋرنالىنىڭ تانىستىرىلىمى وتكەن بولاتىن. باعىتى — ساراپتامالىق، تانىمدىق. زاماناۋي، جوعارى ەستەتيكالىق تالعاممەن جاسالعان جوبانى iOS جانە اndroid جۇيەلەرىندەگى قوسىمشا ارقىلى تەلەفونعا نەمەسە Ipadتارعا تەگىن جۇكتەپ الىپ، وقۋعا بولادى. مۋلتيمەديالىق جۋرنال زامان تالابىنا ساي سيفرلىق نەگىزدە جاسالعان. بۇگىنگى وقىرمانداردىڭ تالعامىنا ساي زاماناۋي تەحنولوگياعا نەگىزدەلىپ جوعارى ەستەتيكالىق تۇرعىدا كوركەم بەزەندىرىلگەن. كوپتەگەن تاقىرىپتارعا ۇتىمدى سپەسەففەكتىلەر قولدانىلعان. ماقالالاردى تەك وقىپ قانا قويماي، تىڭداۋعا ءھام سۇحباتتاردى كورۋگە دە بولادى. قازاقستاننىڭ اقپاراتتىق نارىعىن ساپالى كونتەنتپەن قامتاماسىز ەتۋگە ۇلەس قوساتىن جوبا. مۇنداعى ساراپتامالىق، تانىمدىق ماقالالار سان سالانى قامتيدى. گەوستراتەگيا، گەوەكونوميكا، گەوساياسات، حالىقارالىق قاتىناستار مەن ەلدىڭ ىشكى-سىرتقى ساياساتى، ەكونوميكا، جاھاندا بولىپ جاتقان تەكتونيكالىق وزگەرىستەر مەن ترەند تاقىرىپتار ۇلتتىق مۇددە تۇرعىسىنان تەرەڭ تالدانىپ قازاق وقىرماندارىنا جەتكىزىلەدى.
ورتالىق ازيا مەن تۇركى الەمىنە ەرەكشە كوڭىل بولىنەدى. ايىنا ءبىر رەت تەك قازاق تىلىندە عانا شىعاتىن جۋرنالدىڭ ءبىرىنشى بەتىنە وزىندىك ايتار ويى بار، جەتى ەلدىڭ ءتىلىن، جەتى ءتۇرلى ءبىلىم بىلەتىن جالىندى جاندار، اسىرەسە جاستار شىعادى. ءبىر جاعى ويلى، ءبىلىمدى ءھام اقىلدى جاستاردى «سانگە» اينالدىرۋ. سونىمەن قاتار، جۋرنال اياسىندا ءقازاقتىلدى جاس ساراپشىلاردىڭ جاڭا تولقىنىن قالىپتاستىرۋعا ىقپال ەتۋ. «ULYS» ساراپتامالىق، تانىمدىق جۋرنالىن ورتالىق ازيا جانە تۇركى الەمى ساراپشىلارىنىڭ اقىل-وي الاڭىنا اينالدىرۋ دا ماقساتتا بار. قىرعىزشا ماقالانى قىرعىزشا، وزبەكشەنى وزبەكشە بەرۋ ارقىلى باۋىرلاس ەلدەر اراسىنداعى رۋحاني ينتەگراسيانى كۇشەيتۋ دە نەگىزگى ويلارىمىزدىڭ ءبىرى.
