ماقتاارال اۋدانىنىڭ اپپاراتتىق ماجىلىسىندە «سيفرلىق قازاقستان» مەملەكەتتىك باعدارلاماسىنىڭ جەرگىلىكتى جەردە ورىندالۋى مەن الداعى ۋاقىتتا باعدارلاما بويىنشا ىسكە اسىرىلاتىن جوسپارلار، جوبالار جانە تۇرعىندارعا مەملەكەتتىك ورگاندار تاراپىنان كورسەتىلگەن قىزمەتتەر بويىنشا اتقارىلعان جۇمىستاردىڭ بارىسى تىڭدالدى.

بايانداما جاساعان اۋدان اكىمى اپپاراتىنىڭ اقپاراتتاندىرۋ، مەملەكەتتىك قۇپيالاردى قورعاۋ جانە مەملەكەتتىك قىزمەت كورسەتۋ مونيتورينگى ءبولىمىنىڭ باسشىسى ەرلان تۇرىمبەتوۆ اۋدان اكىمدىگىنىڭ دەربەس بولىمدەرى، كەنتتەر مەن اۋىلدىق وكرۋگتەردە ق ر ۇكىمەتىنىڭ «مەملەكەتتىك كورسەتىلەتىن قىزمەتتەردىڭ تىزىلىمىنە» سايكەس، 97 قىزمەت ءتۇرى كورسەتىلگەنىن اتاپ ءوتتى.

ءبولىم باسشىسى 2018 جىلدىڭ 9 ايىندا 90627 مەملەكەتتىك قىزمەت كورسەتىلگەنىن ايتتى. ونىڭ ىشىندە قاعاز جۇزىندە، تىكەلەي – 19075 قىزمەت، حالىققا قىزمەت كورسەتۋ ارقىلى – 29400 قىزمەت كورسەتىلگەن. سونداي-اق، ەلەكتروندى ۇكىمەتتىڭ پورتالى ارقىلى جالپى سانى 42152 قىزمەت كورسەتىلىپ، اۋداندا ەلەكتروندى قىزمەت كورسەتۋ ۇلەسى 46،5%-دى عانا قۇراعان.

اۋدان اكىمدىگىنە قاراستى دەربەس بولىمدەر، كەنتتەر مەن اۋىلدىق وكرۋگتەرى اكىمدەرى اپپاراتتارىنىڭ عيماراتتارىندا تۇرعىنداردىڭ «وزىنە-وزى قىزمەت كورسەتۋ» بۇرىشتارى اشىلعان. وسى بۇرىشتاردا ازاماتتار وزىنە قاجەتتى قىزمەتتى الۋ مۇمكىندىكتەرى بار. جەرگىلىكتى اتقارۋشى ورگاندار تاراپىنان ۇسىنىلاتىن قىزمەتتەردى «سيفرلىق قازاقستان» مەملەكەتتىك باعدارلاماسى اياسىندا ەلەكتروندى فورماتقا كوشىرۋ ماقساتىندا، مەملەكەتتىك كورسەتىلەتىن قىزمەتتەردىڭ ەلەكتروندى تۇردە كورسەتۋ مۇمكىندىكتەرىن ەلدى مەكەندەردە تۇرعىندارعا اقپاراتتىق-ناسيحاتتاپ، ءتۇسىندىرۋ جۇمىستارىن جۇرگىزۋ قاجەتتىگىن دە ءبولىم باسشىسى ەسكە سالدى.

«ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى حالىققا ارناعان جولداۋىندا «جالپى، 2019 جىلى كورسەتىلەتىن مەمەكەتتىك قىزمەتتەردىڭ 80 پايىزى، ال 2020 جىلى كەمىندە 90 پايىزى ەلەكتروندى فورماتقا كوشىرىلۋگە ءتيىس» دەپ ايقىنداعان. ماقتاارال اۋدانىندا بۇل مەجەنى ورىنداۋ ءۇشىن كوپتەگەن جۇمىستاردى اتقارۋ كەرەك» - دەدى ە.تۇرىمبەتوۆ.

اۋدان اكىمىنىڭ اپپاراتى اقپاراتتاندىرۋ، مەملەكەتتىك قۇپيالاردى قورعاۋ جانە مەملەكەتتىك قىزمەت كورسەتۋ مونيتورينگى ءبولىمىنىڭ باس ينسپەكتورى – اۋدان اكىمىنىڭ باسپا ءسوز حاتشىسى د.ايازبەكوۆ ب ا ق پەن الەۋىمەتتىك جەلىلەردە جاريالانعان سىني ماتەريالدار تۋرالى باياندادى.

اۋدان اكىمدىگى جانە ونىڭ قۇرىلىمدىق بولىمدەرى تۋرالى باق-تا، الەۋمەتتىك جەلىلەردە جاريالانعان سىني ماتەريالدارعا زەردەلەۋ جۇمىستارى جۇرگىزىلىپ، دەر كەزىندە اقپاراتتىق انىقتاما بەرىلۋدە. مونيتورينگ جۇرگىزۋ بارىسىندا شىلدە ايىنان بەرى 24 سىني ماتەريال انىقتالىپ، ولار بويىنشا ءتيىستى جۇمىستار جۇرگىزىلگەن. سىني ماتەريالداردىڭ باسىم بولىگى اۋداندىق تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى بولىمىنە، اۋداندىق ءبىلىم بولىمىنە جانە اۋداندىق ۆەتەريناريا بولىمىنە قاتىستى.

«جاڭادان قۇرىلعان ماقتاارال اۋدانى اكىمدىگىنىڭ WhatsApp (87075896785) قىزمەتى ىسكە قوسىلىپ، سەرۆيسكە تۇسكەن ارىز-شاعىمدار مەن وتىنىشتەرگە دە شۇعىل جاۋاپتار بەرىلۋدە. قازىرگى تاڭعا دەيىن تۇرعىندار تاراپىنان 12 ءتۇرلى ماسەلەلەر قوزعالىپ، ونىڭ 11-نە جاۋاپ بەرىلگەن» - دەدى د.ايازبەكوۆ.

ايتا كەتەيىك، ماقتاارال اۋدانى بويىنشا «سيفرلىق قازاقستان» مەملەكەتتىك باعدارلاماسىن ورىنداۋ ءۇشىن اۋدان اكىمىمەن جۇمىس جوسپارى بەكىتىلىپ، بىرنەشە جوبالار ىسكە اسپاقشى. «Smart Maktaaral» دەپ اتالاتىن جوبا بويىنشا اۋدانداعى بازارلار مەن ساۋدا نۇكتەلەرىنىڭ، قىزمەت كورسەتۋ ورىندارىنىڭ جۇمىسىن اۆتوماتتاندىرۋ، ءبىلىم بەرۋ ۇيىمدارىندا IT سىنىپتارىن اشۋ، اۋدان بويىنشا تەگىن Wi-fi جەلىلەرىن قۇرۋ، كوممۋنالدىق تولەمدەردى تەرمينالدار جانە سمارتفون ارقىلى ونلاين تولەۋ، ەلەكتروندى اقشا اينالىمىنا جاعداي تۋعىزۋ، اۋداننىڭ ماڭىزدى جولدارىندا اقىلدى جارىقتاندىرۋ جۇيەلەرىن ورناتۋ، بەينەباقىلاۋ جۇيەلەرىن دامىتۋ، اقىلدى سۋارۋ جۇيەلەرىن ەنگىزۋ سياقتى ت.ب. جۇمىستار اتقارىلاتىن بولادى.