2018 جىلدىڭ 5 جەلتوقسان كۇنى استانا قالاسىنداعى «Qazaqstan» ورتالىق كونسەرت زالىندا جىل سايىنعى رەسپۋبليكالىق پاتريوتتار فورۋمى وتەدى. اۋقىمدى شارا قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا ۇيىمداستىرىلىپ وتىر.

فورۋمنىڭ ماقساتى – حالىقتىڭ پاتريوتتىق رۋحىن نىعايتىپ، مەملەكەتتىك رامىزدەرگە قۇرمەتپەن قاراۋعا تاربيەلەۋ بولىپ تابىلادى.

سونداي-اق، شارانىڭ ماڭىزدى بولىگىنىڭ ءبىرى، قازاقستان رەسپۋبليكاسى مەملەكەتتىك ەلتاڭباسىنداعى «قازاقستان» جازۋىنىڭ لاتىن گرافيكاسىنا اۋىستىرىلۋى.

سالتاناتتى شاراعا قازاقستاننىڭ بارلىق وڭىرىنەن 200 دەلەگات قاتىسادى. ولاردىڭ ىشىندە ءوز كاسىبىنىڭ ۇزدىك وكىلدەرى، ەل ءۇشىن قالتقىسىز قىزمەت ەتىپ جۇرگەن: ءار سالاداعى بىرلەستىكتەردىڭ وكىلدەرى، ەتنو-مادەني ورتالىقتاردىڭ جەتەكشىلەرى، ۇكىمەتتىك ەمەس جانە جاستار ۇيىمدارىنىڭ جەتەكشىلەرى، ەڭبەك ارداگەرلەرى، زيالى قاۋىم جانە ب ا ق وكىلدەرى بار.

فورۋم بارىسىندا ەرەكشە ەڭبەك ەتىپ، كۇندەلىكتى ەڭبەگىمەن جانە ۇلگىلى ىسىمەن جۇرت نازارىنا ىلىنگەن، مەملەكەتتىك رامىزدەردى ناسيحاتتاۋدا شىنايى سۇيىسپەنشىلىگىن كورسەتكەن ازاماتتار «جىل پاتريوتى» نوميناسياسىمەن ماراپاتتالىپ، باعالى سىيلىقتار تاپسىرىلاتىن بولادى.

باستالۋى: 5 جەلتوقسان، ۋاقىتى 11:00

مەكەن-جايى: استانا قالاسى، ماڭگىلىك ەل داڭعىلى 10/1،

«Qazaqstan» ورتالىق كونسەرت زالى