كەشە، 2018 جىلعى 28 قاراشا كۇنى ەلباسىمىز ن.ءا. نازاربايەۆتىڭ استاناداعى تاۋەلسىزدىك سارايىندا قازاقستاننىڭ VIII ازاماتتىق فورۋمىنا قاتىسقانىن ەلىمىزدىڭ بارلىق جەتەكشى بۇقارالىق اقپارات قۇرالدارى جەدەل تۇردە حابارلاپ، جازىپ جاتىر.

قازاقستان رەسپۋبليكاسىنىڭ قوعامدىق دامۋ مينيسترلىگى مەن قازاقستاننىڭ ازاماتتىق اليانسىنىڭ ارنايى شاقىرۋىمەن پرەزيدەنتىمىزدىڭ ازاماتتىق قوعام بەلسەندىلەرىمەن وتكىزگەن ارنايى كەزدەسۋىندە ءبىز دە بولدىق.

وسى ورايدا، ەلباسىمىزبەن وسىناۋ جۇزدەسۋدەن العان اسەرىمىزبەن قىسقاشا بولىسكەندى ءجون كورىپ وتىرمىن.

پرەزيدەنتىمىز نۇرسۇلتان نازاربايەۆتىڭ ازاماتتىق قوعام بەلسەندىلەرىمەن ارنايى كەزدەسۋى كەزىندە ايتقان سوزدەرىنىڭ مەنىڭ ءوز باسىما ايرىقشا ۇناعان تۇستارى مىنالار:

- حالقىمىزدىڭ بىرلىگىن نىعايتۋ جانە ەلىمىزدى ورنىقتى دامىتۋ جولىندا مەملەكەت پەن قوعام اراسىندا اشىق ديالوگ ورناتۋ اسا ماڭىزدى؛

- وسى فورۋم ۇكىمەتتىك ەمەس سەكتورعا تىڭ سەرپىن بەرىپ، ازاماتتىق قوعامنىڭ ودان ءارى دامۋىنا جول اشۋعا ءتيىس؛

- ەلباسىمىز الەۋمەتتىك ماڭىزى بار جوبالاردى ىسكە اسىرۋ ىسىمەن اينالىسىپ جاتقان ۇكىمەتتىك ەمەس ۇيىمدارعا ءوزىنىڭ ريزاشىلىق ءبىلدىردى؛

- مەملەكەت باسشىسى ۇكىمەتتىك ەمەس سەكتوردى الەۋمەتتىك ساياساتتىڭ باستى باعىتتارىنا تارتۋ كەرەكتىگىن ايتتى؛

- ەلباسىمىز ۇكىمەتكە ۇكىمەتتىك ەمەس ۇيىمداردىڭ جوبالارىن قارجىلاندىرۋ ءىسىنىڭ اشىق جۇرگىزىلۋىن قامتاماسىز ەتۋ جونىندە شارالار قابىلداۋدى مىندەتتەدى؛

- پرەزيدەنتىمىز وسى باعىتتا ۇكىمەتكە سيفرلاندىرۋ ۇدەرىسىنىڭ اياسىندا ۇكىمەتتىك ەمەس ۇيىمداردى تەكسەرۋدىڭ ءبىرىڭعاي ەلەكتروندى رەەسترىن جاساۋدى تاپسىردى؛

- ءبىرىڭعاي ەلەكتروندى رەەستردە ۇكىمەتتىك ەمەس ۇيىمدار ءوز ەركىمەن تىركەلىپ، ءتيىستى ماتەريالدارىن ورنالاستىرا الادى؛

- بۇل ءبىرىڭعاي ەلەكتروندى رەەستر ۇكىمەتتىك ەمەس ۇيىمداردىڭ رەيتينگىن قالىپتاستىرىپ، ولاردىڭ قارجىلاندىرۋ كوزىنە قول جەتكىزۋىنە مۇمكىندىك بەرەدى؛

- ەلباسىمىز ازاماتتىق باقىلاۋ جۇرگىزۋدىڭ ءتيىمدى تەتىگىن قۇرۋ قاجەت ەكەنىن ايتتى؛

- پرەزيدەنتىمىز ۇكىمەتتىك ەمەس ۇيىمدارعا مەملەكەتتىك قىزمەتتەردى بەرۋ جونىندەگى جۇمىستاردى ودان ءارى جالعاستىرعان ءجون دەدى؛

- ەلباسىمىز ۇكىمەتتىك ەمەس ۇيىمدارعا مەملەكەتتىك قىزمەتتەردى بەرۋ باعىتىنىڭ اياسىندا ەكولوگيا، الەۋمەتتىك جۇمىس، بالالاردىڭ قۇقىعىن قورعاۋ جانە باسقا دا سالالار بويىنشا جوبالار جۇزەگە اسىرىلۋى مۇمكىن ەكەنىن جەتكىزدى؛

- مەملەكەت باسشىسى ۇكىمەت پەن قوعامدىق دامۋ مينيسترلىگىنە بارلىق ايتىلعان ۇسىنىستاردى مۇقيات زەرتتەپ، ونىڭ ءىس جۇزىندە جۇزەگە اسىرىلۋىن قاراستىرۋدى ۇسىندى؛

- ەلباسىمىز مەملەكەتتىك باعدارلامالاردىڭ ىسكە اسىرىلۋىن باعالاۋ ۇدەرىسىنە جانە قوعامدىق باقىلاۋدى قامتاماسىز ەتۋگە ۇكىمەتتىك ەمەس ۇيىمداردىڭ بەلسەندى اتسالىسۋى كەرەك ەكەنىن ەرەكشە اتاپ كورسەتتى؛

- ەلباسىمىز ۇكىمەتكە ازاماتتىق قوعامدى دامىتۋدىڭ 2025 جىلعا دەيىنگى تۇجىرىمداماسىن ازىرلەۋدى تاپسىردى؛

- قازاقستان پرەزيدەنتى جاستار ساياساتىن ىسكە اسىرۋ ىسىندە ۇكىمەتتىك ەمەس سەكتوردىڭ ءرولىن كۇشەيتۋ قاجەتتىگىن ايتىپ، 2019 جىلدىڭ جاستار جىلى دەپ جاريالانعانىن ەسكەرەتىن بولساق، بۇل ماسەلە وتە ماڭىزدى دەدى؛

- نۇرسۇلتان نازاربايەۆ ەرىكتىلەر قوزعالىسىنا قولداۋ كورسەتۋ باعدارلاماسىن كەڭەيتۋ ءۇشىن شارالار قابىلداۋدى تاپسىردى؛

- مەملەكەت باسشىسى «رۋحاني جاڭعىرۋ» باعدارلاماسىن ودان ءارى جۇزەگە اسىرىپ، «ۇلى دالانىڭ جەتى قىرى» اتتى جاڭا ماقالادا بەلگىلەنگەن باسىمدىقتار اياسىندا اتقارىلاتىن جۇمىستارعا، مۇندا كورسەتىلگەن باعىتتار مەن جوبالاردى ىسكە اسىرۋ ۇدەرىسىنە ۇكىمەتتىك ەمەس ۇيىمداردى تارتۋ قاجەتتىگىن ايتتى؛

- ەلباسىمىز قالالاردىڭ، اۋدانداردىڭ اكىمدەرىنە سيفرلىق تەحنولوگيانى قولدانا وتىرىپ، ءبىر تەرەزە قاعيداتى بويىنشا حالىققا كەدەرگىسىز اشىق كەڭىستىك قىزمەتىن ۇسىنۋ جۇيەسىن ەنگىزۋ مىندەتىن جۇكتەدى؛

- قازاقستان پرەزيدەنتى ۇكىمەتكە ازاماتتىق فورۋم بارىسىندا ايتىلعان ۇسىنىستار نەگىزىندە ناقتى ءىس-قيمىل جوسپارىن ازىرلەۋدى جانە وندا بارلىق مۇددەلى مەملەكەتتىك ورگانداردى قامتۋ كەرەكتىگىن تاپسىردى.

ءيا، ەلباسىمىزدىڭ ازاماتتىق قوعام بەلسەندىلەرىمەن وتكىزگەن وسىناۋ ارنايى كەزدەسۋىندەگى وزىمىزگە ەرەكشە اسەر ەتكەن جانە ءبىزدى ايرىقشا جىگەرلەندىرگەن سوزدەرىن قىسقاشا تۇيىندەسەك، مىنە، وسىنداي.

پرەزيدەنتىمىزبەن وتكەن جىلى شىرايلى بۇل كەزدەسۋدەن ەلباسىمىزدىڭ كەيبىر مينيسترلىكتەر مەن جەرگىلىكتى جەرلەردەگى شەنەۋنىكتەر ونشا ۇناتا قويمايتىن ازاماتتىق قوعام بەلسەندىلەرىنە دەگەن ىلتيپات-قۇرمەتى مەن سەنىمى ايقىن اڭعارىلىپ تۇردى.

مەملەكەتىمىزدىڭ باسشىسى مىنبەگە شىعىپ سويلەگەن ۇكىمەتتىك ەمەس ۇيىمداردىڭ ءاربىر مۇشەسىنىڭ ايتقان سوزدەرىن وتە مۇقيات تىڭداپ، ءوزى ماڭىزدى دەپ ساناعان تۇستارىن قاعازعا جازىپ الىپ وتىردى.

ەلباسىمىزبەن كەزدەسۋگە كەلگەن ازاماتتىق قوعام بەلسەندىلەرىنىڭ ءارقايسىسىنا ول ءوزىنىڭ اكەلىك مەيىرىمىن توگىپ، نۇرلى ديدارىمەن شۋاق سىيلاپ وتىرعانىن وسىناۋ جۇزدەسۋگە قاتىسقان ۇكىمەتتىك ەمەس ۇيىمدار باسشىلارىنىڭ بارلىعى ايرىقشا سەزىندى دەسەك، ارتىق ايتقانىمىز ەمەس.

مىنە، ەلباسىمىز ۇكىمەتتىك ەمەس ۇيىمدارعا ءوزىنىڭ ۇلكەن سەنىمىن كورسەتىپ، قۇرمەتىن ءبىلدىرىپ وتىر!

ەندى ۇكىمەت پەن جەرگىلىكتى جەرلەردەگى بيلىك، ياعني وبلىستاردىڭ، اۋداندار مەن قالالاردىڭ اكىمدەرى دە پرەزيدەنتىمىزدەن ۇلگى-ونەگە الىپ، ازاماتتىق قوعام بەلسەندىلەرىن كەۋدەلەرىنەن يتەرىپ، سىرتقا تەپپەي، كەرىسىنشە، جاقىن تارتىپ، بىرگە جۇمىس ىستەۋى ءتيىس.

ءسوزىمىزدى تۇيىندەسەك، قازاقستان رەسپۋبليكاسىنىڭ قوعامدىق دامۋ مينيسترلىگى مەن قازاقستاننىڭ ازاماتتىق اليانسىنىڭ ارنايى شاقىرۋىمەن ءوزىمىز قاتىسقان پرەزيدەنتىمىزدىڭ ازاماتتىق قوعام بەلسەندىلەرىمەن وتكىزگەن وسىناۋ ارنايى كەزدەسۋىنەن العان اسەرىمىز، قىسقاشا ايتساق، وسىنداي.

مىرزانتاي قوجاباي ۇلى جاقىپ،

ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتى تەلەراديو جانە قوعاممەن بايلانىس كافەدراسىنىڭ دوسەنتى (of Associate Professor)، فيلولوگيا عىلىمدارىنىڭ كانديداتى (PhD)، «زەرتتەۋشى» رەسپۋبليكالىق ءعىلىمي-بىلىم بەرۋ ورتالىعى» مەكەمەسىنىڭ ديرەكتورى.