«نۇر وتان» پارتياسى قازاقستان رەسپۋبليكاسىنىڭ يگىلىگى ءۇشىن ءتۇرلى جوبالار جاساپ، قىزۋ جۇمىس ىستەپ جاتىر. سونىمەنبىرگە، قازاقستان رەسپۋبلكاسىنىڭ پرەزيدەنتى نۇرسۇلتان ءابىش ۇلى نازاربايەۆتىڭ قازاقستان حالقىنا ارنالعان جىل سايىنعى جولداۋىندا ايتىلعان كوپتەگەن تاپسىرمالار مەن مىندەتتەردىڭ، ماقساتتاردىڭ جۇزەگە اسىپ، ورىندالۋى ءۇشىن بارىىن سالىپ ءجۇر. "نر وتان" پارتياسى ءوز قىزمەتىن جاڭعىرتۋ بارىسىندا ءبىرقاتار تىڭ جوبالاردى قولعا الىپ، جۇزەگە اسىرۋ جۇمىستارىن جۇيەلى تۇردە جۇرگىزىپ كەلە جاتقانى جاسىرىن ەمەس. سونىڭ ىشىندە ەلباسىنىڭ «رۋحاني جاڭعىرۋ» باعدارلاماسى بويىنشا دا ءبىرقاتار باستامالار بار ەكەنىن ايتا ءوتۋ كەرەك. "نۇر وتان"  پارتياسىنىڭ اتقارىپ جاتقان جۇمىستارى ەل اعالارى، ياعني اقىن-جازۋشىلار تاراپىنان دا قولداۋ تاۋىپ وتىر. سوعان ءتورت بىردەي جوبا قوسىلىپ وتىر ايتا كەتكەن ءجون.«نۇر وتان» پارتياسى ءتورا­عاسىنىڭ ءبىرىنشى ورىنباسارى ماۋلەن اشىمبايەۆ جۇمىس قالاي ءجۇرىپ جاتقانىن جانە جوبا تۋرالى، "نۇر وتان" پارتياسىنىڭ جوسپارى تۋرالى ءبولىستى. 

"بۇگىن كوپتەن بەرى ويىمدا جۇرگەن ءىستىڭ ورايى كەلىپ، تولەن ابدىك، الدان سمايىل، ۇلىقبەك ەسداۋلەت اعالارىم باستاعان قازاقستان جازۋشىلار وداعىنىڭ مۇشەلەرىمەن جانە ەلىمىزدىڭ زيالى قاۋىم وكىلدەرىمەن كەزدەستىم. باسقوسۋدا ەلباسى جولداۋىنداعى باسىمدىقتار، ولاردى حالىققا ءتۇسىندىرۋ بويىنشا بىرلەسكەن جۇمىس باعىتتارى، بۇگىنگى ادەبيەتىمىزدىڭ احۋالى، جاس اقىن-جازۋشىلارىمىزعا قولداۋ كورسەتۋ سياقتى ماسەلەلەردى قوزعاپ، پىكىر الماستىق.

وزدەرىڭىزگە بەلگىلى، جولداۋدا مەملەكەت باسشىسى «رۋحاني جاڭعىرۋ» باعدارلاماسىن ءارى قاراي جالعاستىرىپ، ونىڭ اياسىن جاڭا مازمۇنمەن جانە باعىتتارمەن تولىقتىرۋ قاجەت ەكەنىن ايتقان بولاتىن. بۇل – ارينە، ەلىمىزدىڭ رۋحانياتىنا، سونىڭ ىشىندە ادەبيەتى مەن مادەنيەتىنە جاسالعان ۇلكەن قامقورلىق. سول سەبەپتى دە ەلباسىنىڭ ۇسىنىستارىن اقىن-جازۋشىلار قىزۋ قولداپ وتىر. سوندىقتان جولداۋدا كورسەتىلگەن مىندەتتەردىڭ ماڭىزىن حالىققا ءتۇسىندىرۋ جۇمىستارىنان ولار دا تىس قالمايدى دەپ سەنەمىز.

جالپى سوڭعى ايلاردا «نۇر وتان» پارتياسى ءوز قىزمەتىن جاڭعىرتۋ اياسىندا كوپتەگەن جاڭا جوبالاردى قولعا الىپ، جۇزەگە اسىرۋ جۇمىستارىن جۇيەلى تۇردە جۇرگىزىپ كەلەدى. سونىڭ ىشىندە ەلباسىنىڭ «رۋحاني جاڭعىرۋ» باعدارلاماسى بويىنشا دا ءبىرقاتار باستامالارىمىز بار. ەندى سول جۇمىستارىمىزعا اقىن-جازۋشىلاردى قولداۋعا باعىتتالعان ءتورت بىردەي جوبا قوسىلىپ وتىر.

اتاپ ايتقاندا، پارتيا جاس اقىن-جازۋشىلارىمىزدى ىنتالاندىرۋ ماقساتىندا «رۋحاني جاڭعىرۋ» باعدارلاماسى اياسىندا ادەبي بايقاۋ وتكىزبەك. سونىڭ ناتيجەسىندە 5 نوميناسيا بويىنشا 15 قاتىسۋشىعا جۇلدە تاپسىرۋدى كوزدەپ وتىرمىز. سونداي-اق جازۋشىلار وداعىمەن بىرلەسىپ «استانا» تەلەارناسىنان كورسەتىلەتىن ارنايى تەلەباعدارلاما دايىنداۋ ءىسىن قولعا الماقپىز. بۇل تەلەجوبا فورماتى مەن مازمۇنى جاعىنان اقىن-جازۋشىلارىمىزدىڭ زامانعا لايىق جاڭا مىنبەرى بولماق. ءۇشىنشى جوبا – YouTube-تە ارنايى كانال اشىپ، كورەرمەندەرگە يدەولوگيالىق، تاربيەلىك سيپاتتاعى كوركەم دۇنيەلەر ۇسىنۋ. ال ءتورتىنشى جوبا پارتيالىق باستامالار اياسىندا قايتا جاڭعىرتىلعان كىتاپحانالاردا اقىن-جازۋشىلارمەن كەزدەسۋلەر، ءتۇرلى شىعارماشىلىق كەشتەر وتكىزەتىن ارنايى كلۋبتار قۇرۋ. مۇنىڭ بارلىعى رۋحاني جاڭعىرۋدىڭ قۇندىلىقتارىن دارىپتەپ، ەلدى ورتاق مۇددەگە ۇيىتۋعا باعىتتالعان باستامالار. ولاردى جۇزەگە اسىرۋ كەزىندە بۇگىنگى باسقوسۋدا ايتىلعان پىكىرلەردىڭ ەسكەرىلەتىنىن اتاپ وتكەن ءجون.

بۇگىن وسى جوبالاردى بىرلەسىپ جۇزەگە اسىرۋ ءۇشىن جانە ءارى قاراي دا قويان-قولتىق جۇمىس ىستەۋ ماقساتىندا «نۇر وتان» پارتياسى مەن جازۋشىلار وداعى اراسىنداعى ءوزارا ىنتىماقتاستىق تۋرالى مەموراندۋمعا قول قويدىق. بۇل قۇجاتتى ەلباسىنىڭ زيالى قاۋىمعا، جالپى قازاق ادەبيەتىنە كورسەتىپ وتىرعان قولداۋىنىڭ ناقتى ناتيجەسى دەپ قابىلداۋىمىزعا ابدەن بولادى. سوندىقتان بارشا جاس اقىن-جازۋشىلارىمىزدى وسىنداي مۇمكىندىكتەردى ءمۇلت جىبەرمەي، اتالعان جوبالاردى جۇزەگە اسىرۋعا بەلسەندى تۇردە قاتىسۋعا شاقىرامىن" دەيدى «نۇر وتان» پارتياسى ءتورا­عاسىنىڭ ءبىرىنشى ورىنباسارى ماۋلەن اشىمبايەۆ.