ەندى ولار دوس، جولداس جانە باۋىر ەمەس. 2014 جىلدان بەرى ەكى ەل اراسىنداعى شيەلەنىسكەن جاعداي ءقازىر شىرقاۋ بيىگىنە جەتىپ تۇر. كەرچ بۇعازىنداعى ۇستالعان ءۇش كەمەدەن سوڭ ەكى ەل اراسىنداعى قارىم-قاتىناس ءتىپتى كۇردەلەنە ءتۇستى.

مۇنىڭ ايعاعى رەتىندە كەشە ەل پرەزيدەنتى پەتر پوروشەنكو ۋكراينانىڭ جوعارى راداسىنا رەسەيمەن ىنتىماقتاستىق پەن دوستىق تۋرالى كەلىسىمدى جويۋ جونىندە جاڭا  جوباسىن ۇسىندى. بۇل تۋرالى پرەزيدەنتتىڭ پارلامەنتتەگى رەسمي وكىلى يرينا لۋسەنكو ءمالىم ەتتى.جۋرناليستەرگە بەرگەن سۇحباتىندا يرينا لۋسەنكو «مۇنى پارلامەنت ءسوزسىز قابىلداۋى ءتيىس» حابارلادى.

راسىندا دا كەرچ بۇعازىنداعى وقيعادان كەيىن ۋكراينا رەسەيمەن ارادا قول قويىلعان ونداعان كەلىسىمدى بۇزدى، ەندى ونىڭ زاڭدىق كۇشى جوق.

تاريحقا جۇگىنەر بولساق، رەسەي مەن ۋكريانا اراسىندا 1997 جىلى دوستىق، ىنتىماقتاستىق جانە ارىپتەستىك تۋرالى كەلىسىمگە قول قويىلعانى بەلگىلى. ەندى مىنە كەلىسىمدى بۇزۋعا ەشكىم دە كەدەرگى ەمەس. ونى ءبىرجاقتى جويا بەرۋگە دە بولادى. ەڭ باستى كىلتيپان مىنادا: 2014 جىلدان باستاپ مايدان الاڭىندا بولعان مەملەكەتتىك توڭكەرىستىڭ ناتيجەسىندە بيلىككە اقش پەن باتىس تاراپى قولداعان وپپوزيسيالىق توپ كەلدى. سوسىن...

رەسەي جاعى قىرىم رەسپۋبليكاسىن اننەكسيالادى، دونەسك مەن لۋگانسك ايماعىنا اسكەر كىرگىزدى. «نورماند تورتتىگى»  مينسكىدە بىرنەشە كەزدەسۋ وتكىزىپ، جاعدايدى رەتتەۋگە تىرىسقانىمەن، ءالى قارىم-قاتىناس كۇردەلى كۇيىندە قالىپ وتىر.