ەل تاريحىندا العاش رەت حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) ستۋدەنتتىك IT كومانداسى جەتى دۇركىن الەم چەمپيونى سانكت-پەتەربۋرگ قالاسىنداعى ۇلتتىق زەرتتەۋ اقپاراتتىق تەحنولوگيالار، مەحانيكا جانە وپتيكا ۋنيۆەرسيتەتىنەن (يتمو) وزىپ، حالىقارالىق دارەجەدە ۇزدىكتەر قاتارىنان كورىندى.
ۇستىمىزدەگى جىلعى 2 جەلتوقساندا سانكت-پەتەربۋرگ، بارناۋل، الماتى، تبيليسي قالالارىندا ءبىر ۋاقىتتا Northern Eurasia (سولتۇستىك ەۆرازيا) وڭىرىندەگى ستۋدەنتتىك كوماندالار اراسىندا باعدارلامالاۋ بويىنشا حالىقارالىق وليمپيادانىڭ قورىتىندى كەزەڭى ءوتتى. فينالعا تمد ەلدەرىنىڭ 318 كومانداسى قاتىستى. قۇرامىنا تەمىرلان ساتىلحانوۆ، اباي بايمۇقانوۆا، ايبار كۋانىشباي كىرگەن حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) كومانداسى 13 ەسەپتىڭ 8ء-ىن شىعارىپ، تمد ەلدەرى اراسىندا جۇلدەلى 4 ورىندى، قازاقستان بويىنشا 1 ورىندى يەلەنىپ، التىن مەدالعا قول جەتكىزدى. ەندىگى كەزەكتە قازاقستاندىق كوماندا 2019 جىلعى ءساۋىر ايىندا وتەتىن الەمدىك فينالعا جولداما الدى.
«بۇل ۋنيۆەرسيتەتىمىزدىڭ 2018 جىلعى ەڭ ۇلكەن جەڭىسى. ءبىز مۇنداي كورسەتكىشكە 6 جىل كولەمىندە قول جەتكىزە الماپ ەدىك. ەندىگى كەزەكتە ەل تاريحىندا العاش رەت الەمدىك چەمپيوناتتا ۇزدىكتەر قاتارىنان كورىنەمىز دەگەن ءۇمىت بار بىزدە. بۇل جولى حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) ستۋدەنتتىك IT كومانداسى جەتى دۇركىن الەم چەمپيونى سانكت-پەتەربۋرگ قالاسىنداعى ۇلتتىق زەرتتەۋ اقپاراتتىق تەحنولوگيالار، مەحانيكا جانە وپتيكا ۋنيۆەرسيتەتىنەن (يتمو) وزىپ، حالىقارالىق دارەجەدە ۇزدىكتەر قاتارىنان كورىندى. بۇل وتە جاقسى كورسەتكىش» - دەيدى حالىقارالىق اقپاراتتىق تەحنولوگيالار ۋنيۆەرسيتەتىنىڭ رەكتورى دامير شىنىبەكوۆ. قورىتىندى جەكپە جەكتە 7 ەسەپتى شىعارعان قبتۋ كومانداسى دا جاقسى ونەر كورسەتىپ، تمد ەلدەرى بويىنشا 14 ورىندى يەلەنىپ، قازاقستان بويىنشا 2 ورىندا تۇراقتادى. ال، 4 ەسەپتى شەشكەن نازاربايەۆ ۋنيۆەرسيتەتىنىڭ كومانداسى تمد ەلدەرى بويىنشا 81 ورىندى، قازاقستان بويىنشا 3 ورىندى يەلەندى.
ەندىگى كەزەكتە مۋيت كومانداسىنىڭ كورسەتكىشتەرى تمد وڭىرىندە سوڭعى 5 جىلداعى ەڭ ۇزدىك دەپ تانىلىپ وتىر. جوو جەڭىسى – قازاقستان ءۇشىن ۇلكەن جەتىستىك، ويتكەنى ەل تاريحىندا بىردە ءبىر كوماندا سولتۇستىك ەۋرازيا وڭىرىندە مۇنداي كورسەتكىشكە قول جەتكىزبەگەن بولاتىن. ۋنيۆەرسيتەت رەكتورىنىڭ پايمداۋىنشا، «وليمپيادالىق قوزعالىس – دارىندى جاستار ءۇشىن باعدارلامالاۋ بويىنشا وتە ماڭىزدى باعىت. وليپيادا الەمنىڭ ۇزدىك كومپانيالارىنا جۇمىسقا تۇرۋ بارىسىندا ستۋدەنتتەر ءۇشىن تاپتىرماس مۇمكىندىك. Olympic Training Center تۇەكتەرى مەن ACM ICPC قاتىسۋشىلارى بۇگىنگى تاڭدا Google، Facebook، Booking كومپانيالارىندا جۇمىس ىستەيدى».
وليمپيادالىق قوزعالىس قازاقستاندا 2000 جىلدارى باستالعان بولاتىن. سول ۋاقىتتان بەرى ەلىمىز جاقسى كورسەتكىشتەر كورسەتىپ، جارتىلاي فينالداردان كورىنىپ ءجۇردى. مۋيت، قبتۋ، سدۋ، نۋ سىندى وقۋ ورىندارىندا كوماندالاردى حالىقارالىق وليمپيادالارعا دايىندايتىن ارنايى ورتالىقتار اشىلا باستادى. 2012 جىلى قازاقستان-بريتان تەحنيكالىق ۋنيۆەرسيتەتى حالىقارالىق وليمپيادادا 16 ورىندى يەلەنگەن كەزدە ەلىمىزدىڭ جەڭىسكە دەگەن العاشقى قادامدارى جاسالدى. قبتۋ سول جىلدارى Princeton University (26 ورىن) ي Carnegie Mellon University (33 ورىن) سىندى الەمنىڭ ۇزدىك ۋنيۆەرسيتەتتەرىنەن اسىپ تۇسكەن بولاتىن. 2014 جىلى حالىقارالىق اقپاراتتىق تەحنولوگيالار ۋنيۆەرسيتەتىنىڭ (مۋيت) كومانداسى 19 ورىندا تۇراقتاپ، الەمنىڭ الدىڭعى قاتارلى Massachusetts Institute of Technology، University of Cambridge، ماسكەۋلىك فيزيكا-تەحنيكالىق ينستيتۋت، Carnegie Mellon University سىندى IT ۋنيۆەرسيتەتتەرىنەن وزىپ، 20 ۇزدىك كوماندالار قاتارىنان كورىنگەن بولاتىن.
