«قازاقستان-2050» دەموكراتيالىق كۇشتەردىڭ ۇلتتىق كواليسياسىنىڭ وتىرىسى بارىسىندا «اق جول» پارتياسىنىڭ ءتوراعاسى ازات پەرۋاشيەۆتىڭ ايتۋىنشا، قازاقستان پرەزيدەنتىنىڭ جولداۋى حالىقتىڭ كوزىن تاعى ءبىر اشتى، وي-سانانى وزگەرتتى. مەملەكەت باسشىسى دامۋدىڭ باستى قۇندىلىعىن اتاپ ءوتتى، مۇنى ەكونوميكا ەمەس، ساياسات ەمەس، قاراپايىم ادام ەكەنىن تاعى ايتتى.
«مەن ءوزىمنىڭ ارىپتەستەرىمنىڭ نازارىن وسى جولداۋدىڭ ەرەكشەلىكتەرىنە اۋدارعىم كەلەدى، ءبىز ەلباسىمىزدىڭ جولداۋىنان ۇسىنىستار مەن باستامالاردان بۇرىنعى جاعدايدى تاعى ءبىر وزەكتەندىرۋدى كۇتىپ جۇرگەن بولاتىنبىز، ءبىراق العاش رەت مىناعان كوزىمىز جەتتى، ءبىزدىڭ دامۋىمىزدىڭ تۇپكى ماقساتى مەن نەگىزگى قۇندىلىعى دەگەنىمىز - بۇل ەكونوميكا نەمەسە ساياسات ەمەس، قاراپايىم ادام، الەۋمەتتىك قىزمەتتەرگە قولجەتىمدىلىك، ءومىر ساپاسى، كونستيتۋسيامەن قامتاماسىز ەتىلگەن جەكە قادىر-قاسيەت قۇقىعى، ءومىر ءسۇرۋ مۇمكىندىگى، سونىڭ ىشىندە قالاعان جەردە جانە ءوزى ءۇشىن قاجەتتى دەڭگەيدە ءومىر ءسۇرۋ»، - دەدى پەرۋاشيەۆ.
ول مۇنىڭ جاي عانا ءسوز ەمەس، بۇل كونستيتۋسيادا بەكىتىلگەن ماڭىزدى، باعالى دۇنيە ەكەنىن تاعى ءبىر ەسكە سالدى.
«پرەزيدەنت وسى تۇرعىدان العاندا، ءوزىمىزدىڭ كونستيتۋسيامىزدىڭ شىنايى كەپىلى ەكەندىگىن تاعى دا دالەلدەدى.سونىمەن قاتار، ەكونوميكا، بيزنەس جانە ساياسات، اسىرەسە الەمدە بولىپ جاتقان وقيعالار – مۇنىڭ ءبارى ەكىنشى ورىندا. وزگەلەرى ساۋدا سانكسيالارىنىڭ ادىسىمەن، كەز-كەلگەن جەردە شابۋىل، داۋ-دامايمەن، قارۋ-جاراقپەن قيىندىقتاردى شەشۋگە تىرىسىپ جاتسا، شالقىعان، اسىپ-تاسقان بايلىعى بولماسا دا، ەلباسىمىز ەلىمىزدىڭ ءاربىر ازاماتى ءۇشىن قالىپتى لايىقتى ءومىردى قامتاماسىز ەتۋ ءۇشىن مۇمكىندىكتەر تاپتى جانە قاراجات جىبەردى. مەنىڭ ويىمشا، مۇنى استە باعالاي بىلگەنىمىز دۇرىس »، - فراكسيا باسشىسى.
بۇدان باسقا، ول سالىق امنيستياسىن جۇرگىزۋ تۋرالى ۇسىنىس بيزنەس ءۇشىن وتە ماڭىزدى ەكەنىن اتاپ ءوتتى.
«ءبىزدىڭ فراكسيا ۇكىمەتكە بىرنەشە رەت سالىق سالۋدى شەكتەۋ تۋرالى ەرەجەنى ازايتۋ تۋرالى ۇسىنىسپەن بىرنەشە رەت ءوتىنىش ءبىلدىردى، كەم دەگەندە، رەسەيدەگى سەكىلدى بەس جىلدان ءۇش جىلعا دەيىن ازايتۋدى ۇسىندىق. ال ءقازىر بىزدە مەملەكەت باسشىسىنىڭ ساياساتى ارقاسىندا بۇل تاقىرىپتى جاڭاشا جاڭارتىپ وتىرۋدىڭ وتە جاقسى مۇمكىندىگى بار. ءقازىر مەن دەموكراتيالىق كۇشتەردىڭ ۇلتتىق كواليسياسىنىڭ ارىپتەستەرىنە ۇندەۋ جاسايمىن، ءبىز ۇكىمەتكە ءوتىنىش جاسايمىز جانە كاسىپكەرلەرگە قاتىستى وسىنداي ماڭىزدى قادامداردى جاساي الامىز، سالىقتى شەكتەۋ مەرزىمىن قىسقارتۋ ءۇشىن بىزگە قولداۋ كورسەتۋدى سۇرايمىز»، - دەپ ءسوزىن قورىتىندىلادى ازات پەرۋاشيەۆ.
