اقتوبەدە العاش رەت جەكە بالاباقشالار اراسىندا «جىل تاربيەشىسى» بايقاۋى ءوتتى. بايقاۋ «اتامەكەن» كاسىپكەرلەر پالاتاسى جانە «قازاقستانداعى مەكتەپكە دەيىنگى مەكەمەلەر قاۋىمداستىعى» اقتوبە فيليالى ۇيىمداستىردى.

شاراعا قالاداعى جەكەمەنشىك مەكتەپكە دەيىنگى ۇيىمداردىڭ 15 تاربيەشىسى قاتىستى. ولار تانىستىرۋ، كورنەكى ساباق جانە ونەر كورسەتۋ سايىستارى بويىنشا ب ا ق سىناستى.

* جەكەمەنشىك بالاباقشالار وبلىستا وتكىزىلەتىن بايقاۋلاردان تىس قالىپ جاتادى. ءبىزدىڭ بالاباقشالاردا دا بىلىكتى ماماندار قىزمەت ەتەتىنىن كورسەتكىمىز كەلەدى. سونىمەن قاتار مۇنداي شارالار مەكتەپكە دەيىنگى ءبىلىم ساپاسىن ارتتىرۋعا جانە ءوزارا تاجىريبە الماسۋعا كومەكتەسەدى. بۇگىن مەنىڭ ويىمشا جەكە بالاباقشالاردىڭ كاسىبي دەڭگەيىن انىقتايتىن بولامىز،-دەيدى «اقتوبە وبلىسىنىڭ جەكەمەنشىك مەكتەپكە دەيىنگى مەكەمەلەر قاۋىمداستىعىنىڭ» ءتورايىمى ناتاليا كايۋدينا.

سايىسقا قاتىسۋشىلار ءان ايتىپ، بي بيلەدى، ۇسىنىلعان تاپسىرمالاردى ورىنداۋدا بەلسەندىلىگىمەن ەرەكشەلەندى. سونىمەن قاتار ولار وقۋ-ادىستەمەلىك باعدارلامالار تۋرالى سۇراقتارعا جاۋاپ بەردى. تاربيەشى اپايلارىنا كىشكەنتاي بۇلدىرشىندەر دە كومەكتەسىپ، ءوز ونەرلەرىن ورتاعا سالدى. بايقاۋ شارتىنا ساي ولاردىڭ تاربيەلەنۋشىلەرمەن قارىم-قاتىناس ورناتا ءبىلۋ شەبەرلىكتەرى دە ەسەپكە الىندى. سونىمەن بايقاۋ قورىتىندىسى بويىنشا

1ء-شى ورىندى – قارتبايەۆا جۇلدىز باقىتجان قىزى – «اق ەركەش» جەكە بالاباقشاسىنىڭ تاربيەشىسى

2ء-شى ورىن – تىشيموۆا اينۇر تىنىمبەرگەن قىزى – «دوني» جەكەمەنشىك باقشاسىنىڭ تاربيەشىسى

3ء-شى ورىن – رەيح الەكساندرا ەرۆينوۆنا - «كەن ي باربي» بالاباقشاسىنىڭ تاربيەشىسى يەلەندى.

«مۇنداي بايقاۋلار شىعارماشىلىقتى شىڭداۋعا، كاسىبىڭدى قۇرمەتتەۋگە جانە العا ۇمتىلۋعا ىنتالاندىرۋ ءۇشىن وتە قاجەت. بالا تاربيەسى – ورتاق جۇمىس بولعاندىقتان، تاربيەشىلەردىڭ ەڭبەگىنە وسىنداي جولمەن بولسا دا نازار اۋدارۋ-قۇپتارلىق ءىس. بۇگىنگى قاتىسۋشىلاردىڭ دەڭگەيىنە كوڭىلىم تولدى. الداعى ۋاقىتتا بايقاۋدىڭ كولەمىن ۇلعايتىپ، وبلىس كولەمىندە وتكىزۋدى ۇسىنامىن»،-دەيدى بايقاۋعا قازىلىق ەتكەن وڭىرلىك كاسىپكەرلەر پالاتاسىنىڭ ءبولىم باسشىسى نۇرلان ماحامبەتوۆ.

ايتا كەتسەك، اقتوبە قالاسىندا بارلىعى 86 جەكە مەكتەپكە دەيىنگى ۇيىم جۇمىس ىستەيدى. ولاردىڭ 30-ى «قازاقستانداعى مەكتەپكە دەيىنگى مەكەمەلەر قاۋىمداستىعىنا» مۇشەلىك ەتەدى. قاۋىمداستىق بالاباقشالاردى قارجىلاندىرۋ، ماتەريالدىق-تەحنيكالىق بازانى جاقسارتۋ، تاربيە سالاسىنداعى جاڭا باعدارلامالار بويىنشا دوڭگەلەك ۇستەلدەر، پىكىرتالاس الاڭدارى، سايىستار ۇيىمداستىرادى.