اقتوبەدە العاش رەت پرەزيدەنتتىك پولكى قۇرمەت قاراۋىل روتاسى اسكەري قىزمەتشىلەرىنىڭ سۇيەمەلدەۋىمەن ق ر مەملەكەتتىك كۇزەت قىزمەتىنىڭ پرەزيدەنتتىك وركەسترى ونەر كورسەتتى.

كورەرمەندەر دوسىمجان تاڭاتاروۆ، كلارا تولەنبايەۆا، مەدەت سالىقوۆ، ولجاس سۇلەيمەنوۆ، گۇلنۇر ادىلبەكوۆا، اسىلحان شالقاروۆ، گۇلسىم مىرزابەكوۆا، اسەل مادەكەشوۆا سىندى وركەستردىڭ جەتەكشى ورىنداۋشىلارىنىڭ، «الامان» توبىنىڭ جانە ت.ب. ورىنداۋىندا حالىقتىق جانە دجاز مۋزىكاسىنىڭ، الەمدىك كلاسسيكالىق مۋزىكا كومپوزيسيالارىن تاماشالادى.

ق ر مەملەكەتتىك كۇزەت قىزمەتىنىڭ پرەزيدەنتتىك وركەسترى قازاقستاننىڭ پروتوكولدىق، ديپلوماتيالىق، مەملەكەتتىك جانە وزگە دە سالتاناتتى ءىس-شارالارىنىڭ مۋزىكالىق ءبولىمىن قامتاماسىز ەتۋ ءۇشىن 1992 جىلى قۇرىلعان. شىعارماشىلىق ۇجىم الەمدىك مۋزىكا مادەنيەتىنىڭ بارلىق جانرىن قامتيدى. وركەستردىڭ ارتىستەرى تمد مەملەكەتتەرىنىڭ، ۇلىبريتانيا، يتاليا، اقش، تۇركيا، اۆستريا، بەلگيا، مالازيا، ەگيپەت، ءۇندىستان، گەرمانيا جانە الەمنىڭ باسقا دا ەلدەرىنىڭ ساحنالارىندا ونەر كورسەتتى.

اقتوبە كورەرمەندەرىن مەملەكەت باسشىسىنىڭ قاتىسۋىمەن وتەتىن مەملەكەتتىك پروتوكولدى، شەتەل مەملەكەت باسشىلارىن كۇتىپ الۋ جانە شىعارىپ سالۋ جورالعىلارى مەن باسقا دا مەملەكەتتىك ءمانى بار ءىس-شارالاردى قامتاماسىز ەتۋ جونىندەگى مىندەتتەر جۇكتەلگەن ق ر مەملەكەتتىك كۇزەت قىزمەتى «ايبىن» پرەزيدەنتتىك پولكى قۇرمەت قاراۋىل روتاسى اسكەري قىزمەتشىلەرىنىڭ شەبەرلىگى نەمقۇرايدى قالدىرمايتىنى ءسوزسىز. قۇرمەت قاراۋىل روتاسىنىڭ جەكە قۇرامى قازاقستاننىڭ ءارتۇرلى قالالارىندا جانە شەتەلدەردە ساپتىق امالداردى شەبەر ورىندايتىندارىن بىرنەشە رەت پاش ەتتى.

مەرەكەلىك كونسەرت قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسىنىڭ «ن.نازاربايەۆ: ءداۋىر، تۇلعا، قوعام» اتتى جىلجىمالى كورمە جوباسىنىڭ اياسىندا وتكىزىلىپ جاتقانىن اتاپ ءوتۋ كەرەك. 14 قاراشادان باستاپ كورمە اقتوبە وبلىستىق تاريحي-ولكەتانۋ مۇراجايىندا ەكسپوناتتالادى. اقتوبە تۇرعىندارى مەن قوناقتارى كورمەمەن 2019 جىلعى قاڭتار ايىنىڭ سوڭىنا دەيىن تانىسا الادى.