اقش-تىڭ سىرتقى ساۋداسىنا قاتىستى تانىمال Business Insider باسىلىمى تىڭ دەرەكتەردى جاريالادى، دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىنە سۇيەنە وتىرىپ. امەريكا جۇڭگو نارىعىنداعى ورنىن رەسەيگە سىيلادى.

امەريكالىق كومپانيالار قازان ايىندا تەك باج سالىعى مەن شەكتەۋلەر ءۇشىن 6،2 ميلليارد دوللار شىعىندالىپتى.  بۇل كورسەتكىش – اقش-تىڭ تاريحىندا بولماعان ەڭ ۇلكەن شىعىن. وسىعان ۇقساس شىعىنداردى بولدىرماۋ ءۇشىن بەيجىڭ بيلىگى قانداي شارالار قولدانىپ جاتىر؟ قىتايدىڭ ىشكى نارىعىنداعى "بوس ورىنعا" رەسەي يەلىك ەتە الا ما بۇل سۇراقتارعا  ريا نوۆوستي سايتى جاۋاپ ىزدەدى. 

بيىلعى جىلدىڭ مامىر ايى اقش-تىڭ ىشكى ساۋداسىندا ورىن العان داعدارىستىڭ شارىقتاۋ شەگىنە جەتكەن ۋاقىت بولدى. جۇڭگو مەن اقش اراسىندا ەكسپورت پەن يمپورتقا جۇمسالعان باج-دىڭ جالپى سوماسى جىل باستالعان العاشقى ءتورت ايدا 10،8 ميلليارد دوللاردى قۇراسا، مامىر-تامىز ارالىعىنداعى شىعىنى ۇشتەن ءبىر ەسەگە ءوسىپ، 15،1 ميللياردقا جەتكەن.

2017 جىلى قازان ايىندا باج سالىعى مەن يمپورت پەن ەكسپورتقا قويىلعان شەكتەۋلەرگە 3 ميلليارد دوللار قاراجات جۇمسالسا، وسى جىلى بۇل سوما 2 ەسەگە ءوسىپ 6،2 ميللياردتى قۇراعان. ال، قحر يمپورتتىق تولەمدەرگە وتكەن جىلى 0،4 ميلليارد جۇمساپ، وسى جىلى 2،6 ميللياردقا جۋىق تولەم جاساعان. بۇل تۋرالى رامبلەر حابارلايدى. مۇنداي شىعىندار اقش بيزنەسى مەن امەريكانىڭ ىشكى ساۋداسىنا ايتارلىقتاي اسەرىن تيگىزگەنى بەلگىلى. دەگەنمەن، دونالد ترامپ Twitter-دەگى پاراقشاسىندا مۇنداي وزگەرىستەر ول ءۇشىن ەش قيىندىق تۋدىرمايتىنىن جازعان:

«ءبىز ءوز تاريفتەرىمىزدەن-اق ميللياردتار تاۋىپ جاتىرمىز. امەريكانى قايتادان باي ءارى قۋاتتى ەتەمىز»،-دەيدى اقش-تىڭ تاۋەكەلشىل باسشىسى.

اۋدارعان: بالجان حالىق