«103» قىزمەتىنىڭ 7/31 بريگاداسى شۇعىل مەديسينالىق كومەك كورسەتۋ كەزىندە جەدەل جاردەم جۇرگىزۋشىسىنە شابۋىل جاسالدى، دەپ حابارلايدى Qamshy.kz اقپارات اگەنتتىگى  الماتى دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساي وتىرىپ.

103 نومىرىنە قوڭىراۋ 11 جەلتوقسان كۇنى تۇسكەن. قىزمەت بريگاداسى جەتىسۋ اۋدانى، ۆينتەر كوشەسىندەگى مەكەنجايعا بارعان. فەلدشەر ناۋقاستى ۇيىندە قاراپ جاتقان ۋاقىتتا جۇرگىزۋشى جەدەل جاردەم كولىگىندە بولعان.

«جۇرگىزۋشىنىڭ سوزىنە ساي، 20:00 كەزىندە ونىڭ جانىنا بەيتانىس جاس جىگىت كەلىپ، كولىكتى تۇراقتان الۋىن سۇراعان. ناۋقاس پەن فەلدشەردى كۇتىپ وتىرعان جەجەل جاردەم جۇرگىزۋشىسى كولىكتى ورنىنان قوزعاعىسى كەلمەگەن. ونىڭ ۇستىنە باسقا كولىك قوزعالىسىنا ەش كەدەرگى كەلتىرمەگەنىن العا تارتقان. بەيتانىس جىگىت ۇيگە كىرىپ كەتىپ، سالدەن كەيىن قايتا ورالىپ، بەلگىسىز حيميالىق زاتپەن تىعىندالعان تاپانشادان وق اتادى. وق جەدەل جاردەم جۇرگىزۋشىسىنىڭ بەتىنە تيگەندىكتەن، كۇيىك شالدى»،-دەپ حابارلايدى الماتى قالالىق دەنساۋلىق ساقتاۋ باسقارماسى.

كولىككە قايتا ورالعان فەلدشەر زارداپ شەگۋشىگە العاشقى مەديسينالىق كومەك كورسەتكەن.  103 نومىرىنە حابارلاسىپ، قوسىمشا بريگادا شاقىرتقان. شابۋىل جاساعان جىگىت تە، وقيعا كۋاگەرى دە ەشقانداي كومەك كورسەتپەگەنى بەلگىلى بولدى.

الماتى قالالىق دەنساۋلىق ساقتاۋ باسقارماسىنىڭ باستىعى  قانات توسەكبايەۆ بولعان وقيعانى راستادى جانە مۇنداي جاعداي ءبىرىنشى رەت بولىپ جاتپاعانىن، جەدەل جاردەم قىزمەتكەرلەرىنە قالا تۇرعىندارىنىڭ قۇرمەتپەن قاراۋىن ءوتىنىپ سۇرادى.