ق ر ۇلتتىق ەكونوميكا ءمينيسترى تيمۋر سۇلەيمەنوۆ «سامۇرىق-قازىنا» اق ديرەكتورلار كەڭەسىنىڭ جانىنداعى ستراتەگيا كوميتەتىنىڭ ءتوراعاسى بولىپ سايلاندى دەپ جازادى Qamshy.kz اقپارات اگەنتتىگى economy.gov.kz سايتىنىڭ دەرەگىن نەگىزگە الىپ. 

«سامۇرىق-قازىنا» اق ديرەكتورلار كەڭەسىنىڭ جانىنداعى ستراتەگيا كوميتەتى مەملەكەتتىك ستراتەگيالىق تاپسىرمالاردى جوسپارلاۋ جانە ىسكە قوسۋ ماسەلەلەرىن قاراۋ ءۇشىن قۇرىلعان.

ستراتەگيا كوميتەتىنىڭ نەگىزگى مىندەتى ماڭىزدى ستراتەگيالىق تاپسىرمالاردى جىكتەۋدى مىناداي جولمەن قامتاماسىز ەتۋ بولىپ تابىلادى: «قوردىڭ ديرەكتورلار كەڭەسىندە قوردىڭ دامۋ ستراتەگياسىن 10 جىلدىق كەزەڭگە الدىن الا ماقۇلداۋ جانە قوردىڭ دامۋ جوسپارىن 5 جىلدىق كەزەڭگە ودان ءارى قاراۋ ءۇشىن؛ قوردىڭ ديرەكتورلار كەڭەسىندە قوردىڭ دامۋ ستراتەگياسى مەن دامۋ جوسپارىن ىسكە اسىرۋدى مونيتورينگىلەۋ جانە باقىلاۋ ماقساتىندا دامۋ ستراتەگياسىنىڭ، قوردىڭ دامۋ جوسپارىنىڭ ىسكە اسىرىلۋ بارىسى تۋرالى ەسەپتەردى قاراۋ؛ قوردىڭ ۇلتتىق كومپانيالاردىڭ دامۋ ستراتەگياسىنىڭ ۇلتتىق ستراتەگيالار، مىندەتتەر جانە مەملەكەتتىك باعدارلامالاردىڭ دەكومپوزيسيالىق ستراتەگيالىق كورسەتكىشتەرىمەن سايكەستىگى تۋرالى اقپاراتىن قاراۋ». 

كوميتەت قوردىڭ ديرەكتورلار كەڭەسىنىڭ تۇراقتى ارەكەت ەتەتىن كونسۋلتاتيۆتىك-كەڭەستىك ورگانى بولىپ تابىلادى.