بۇگىن ەلباسى اقوردادا وتكەن جيىندا 2018 جىلعى ادەبيەت پەن ونەر سالاسىنداعى مەملەكەتتىك سىيلىقتىڭ يەگەرلەرىن ءوز قولىمەن ماراپاتتادى دەپ حابارلايدى Qamshy.kz اقپارات اگەنتتىگى. مەملەكەتتىك سىيلىقتىڭ يەگەرلەرىنىڭ قاتارىندا ەلباسىنىڭ كەنجە قىزى ءاليا نازاربايەۆا دا بار.
ءاليا نازاربايەۆا مەن اقان ساتايەۆ "اناعا اپارار جول" ءفيلمى ءۇشىن مەملەكەتتىك سىيلىققا يە بولدى. ەلباسى كەنجە قىزىنىڭ بەتىنەن ءسۇيىپ، مەملەكەتتىك سىيلىقتى تابىستادى.
سونداي-اق مەملەكەتتىك سىيلىققا ءفيلمنىڭ قويۋشى رەجيسسەرى اقان ساتايەۆ، سەناريي اۆتورى تيمۋر جاقسىقىلوۆ، انا ءرولىن سومداعان التىناي نوگەربەك، ءىلياس ءرولىن سومداعان ءادىل احمەتوۆ يە بولدى.
