ماقسات ۇسەنوۆتىڭ كولىك جۇرگىزۋ قۇقىعىنان شەكتەۋ مەرزىمى اياقتالدى دەپ حابارلايدى Qamshy.kz اقپارات اگەنتتىگى. الايدا ول جاڭا جۇرگىزۋشى كۋالىگىن الۋعا ءوتىنىش بەرگەن جوق. بۇل تۋرالى ق ر ءىىم حابارلادى.
اتىشۋلى ۇسەنوۆتىڭ كولىك جۇرگىزۋ كۋالىگىن قايتا جاساتپاي جۇرۋىنە نە سەبەپ بولعانى تۇسىنىكسىز. كولىك جۇرگىزۋدەن قورقاقتاپ قالدى ما ەكەن، كىم ءبىلسىن؟!
♦ماقسات ۇسەنوۆ ولگەن كۇندى ۇلتتىق مەرەكە ەتۋ ۇسىنىلدى
ەسكە سالاتىن بولساق، سوت ماقسات ۇسەنوۆتى بيىلعى جىلدىڭ جەلتوقسان ايىنا دەيىن 3 جىل 9 ايعا كولىك جۇرگىزۋ قۇقىعىنان ايىرعان.
«ماقسات ۇسەنوۆ جول ءجۇرۋ ەرەجەلەرىن بۇزعاننان كەيىن ول كولىك جۇرگىزۋ قۇقىعىنان ايىرىلدى. ءبىراق ونىڭ جازا مەرزىمى اياقتالدى. ءبىراق ول كولىك جۇرگىزۋ كۋالىگىنىڭ قولدانۋ مەرزىمى اياقتالسا دا جاڭا كۋالىك جاساتپادى"، دەيدى ق ر ءىىم وكىلى.
♦«ات جاقسىسى – كەرمەدە، ەر جاقسىسى – تۇرمەدە». تار قاپاستاعى تانىمالدار
ماقسات ۇسەنوۆ وسىعان دەيىن نە ءبۇلدىردى؟
- 2013 جىلى BMW X6 اۆتوكولىگىن تىزگىندەگەن ماقسات ۇسەنوۆ 6 ادامدى قاعىپ كەتتى. زارداپ شەگۋشىلەردىڭ بىرەۋى قايتىس بولدى. سوت ونى 45 كۇن تۇرمەگە جاپتى. كەيىن ەكى تاراپتىڭ كەلىسىمىمەن بۇل ءىس جابىلعان بولاتىن.
- 2014 جىلى ول تاعى ءبىر جول اپاتىن جاسادى. Mercedes كولىگىندەگى ماقسات ۇسەنوۆ قارسى بەتكە شىعىپ كەتىپ 38 جاستاعى ايەلدىڭ Toyota RAV4 كولىگىنە سوعىسادى. ورتا جاستاعى ايەل باس جاراقاتىن العان. سوت ماقسات ۇسەنوۆتى 20 كۇن قاماۋدا ۇستادى.
- 2017 جىلى ماقسات ۇسەنوۆ «ەير استانا» ۇشاعىندا شۋ شىعاردى. كەيىن 15 تاۋلىككە قاماۋ ورنىندا جازاسىن وتەدى.
- 2017 جىلدىڭ قىركۇيەك ايىندا ماقسات ۇسەنوۆ ماريحۋانامەن ۇستالدى. كەيىن ول 453 800 تەڭگە ايىپپۇلمەن قۇتىلدى.
بۇل بىزگە بەلگىلىسى عانا، بەيمالىمى قانشاما؟! ەندى ونىڭ كولىك جۇرگىزۋىنە ەشقانداي شەكتەۋ جوق. جولدا اباي بولىڭىز!
