19-23 جەلتوقساندا دوحادا (كاتار) اۋىر اتلەتيكادان حالىقارالىق Qatar Cup جارىسى وتەدى. بۇل تۋرنيردە 2020 جىلى توكيودا وتەتىن وليمپياداعا ليسەنزيا الۋ ءۇشىن ۇپاي بەرىلەدى دەپ جازادى Qamshy.kz اقپارات اگەنتتىگى ازاتتىقتىڭ دەرەگىنە سۇيەنىپ.
كاتارداعى جارىسقا قازاقستاننان توعىز سپورتشى قاتىسادى. بۇل تۋرالى قازاقستان اۋىر اتلەتيكا فەدەراسياسى حابارلادى.
دوحاعا بيىلعى الەم چەمپيوناتىنىڭ كۇمىس جۇلدەگەرى ارلي چونتەي (61 كگ)، يگور سون (61 كگ)، ريو وليمپياداسىنىڭ قولا جۇلدەگەرى فارحاد حاركي (67 كگ)، ريو وليمپياداسىنىڭ چەمپيونى نيجات راحيموۆ (73 كگ)، ايدار كازوۆ ( 81 كگ)، رۇستەم سىباي (96 كگ)، دوپينگ داۋىنان كەيىن سپورتقا قايتا ورالعان يليا يلين (109 كگ)، كارينا گوريچيەۆا (64 كگ) جانە راۋشان مەشىتحانوۆا (87 كگ) اتتانعان.
يليا يلين پەكين جانە لوندون وليمپيادالارىندا دوپينگ قولداندى دەپ ايىپتالىپ، ەكى جىلعا سپورتتان شەتتەتىلگەن. سپورتشىنىڭ جازا ۋاقىتى جازدا اياقتالعان. يلين قاراشادا اشعاباتتا وتكەن الەم چەمپيوناتىنا قاتىسۋى ءتيىس بولعان. ءبىراق سپورتشى جاراقاتىنا بايلانىستى جارىسقا شىقپاعان. دوپينگ جازاسىنان كەيىن سپورتقا قايتا ورالعان يلين توكيو وليمپياداسىنا قاتىسۋدى جوسپارلايدى. «دوپينگ داۋىنا» كوپ ىلىنگەن قازاقستان 2020 جىلى وتەتىن وليمپيادا ءبىر ەر، ءبىر ايەل اۋىر اتلەت قانا اپارا الادى.
پىكىر قالدىرۋ