كوشەدە ءار جەردە ءىلىنىپ تۇرعان جارنامالارعا كوزسىز سەنبەڭىزدەر! جوعارى جالاقى الاسىڭ، از ۋاقىتتا قارىق قىلامىز دەگەندەردىڭ كوبىنىڭ ءتۇبى شيكى. ءتىپتى، ولارعا يمانداي يلانىپ، اقىر سوڭىندا قۇلدىققا قالاي ءتۇسىپ قالعاندارىن بىلمەي قالعان بويجەتكەندەر دە بار كورىنەدى. مۇنداي جارناما بەرۋشىلەردىڭ كوبىنە ستۋدەنتتەر مەن بويجەتكەن قىزداردى ىزدەيتىندەرى، ول ازداي  دە سۋرەت سۇراتاتىندارى دا كۇمان تۋدىرادى دەيدى ماماندار. بۇل تۋرالى ەۋرازيا ءبىرىنشى ارناسى حابارلايدى.

«ءارتۇرلى جارنامالار بار. ءاربىر اقپاراتتى مىنانداي ءسوز بار عوي. مىڭ ەستىگەنشە، ءجۇز ەستىگەنشە، ءوزىڭ ناقتى ءبىر زەرتتەۋ كەرەكسىڭ».

بازاردىڭ ءار بۇرىشىندا ءتۇرلى جارنامالار ءىلىنىپ تۇر. بارلىعى دا جۇمىس ۇسىنادى. ەۋرازيا ارناسى بىرنەشەۋىنە حابارلاسىپ كورۋدى ءجون كوردى.

- اللو. اللو، سالەمەتسىز بە؟! مەن جۇمىس تۋرالى زۆونداپ تۇر ەدىم حابارلاندىرۋدى كورىپ.

- قانداي جۇمىس؟ وزىڭىزگە ىزدەدىڭىز بە؟

- ءيا وزىمە ىزدەدىم. قانداي جۇمىس؟

- اا، جاسىڭىز نەشەدە؟

- جاسىم 25-تە.

وسىلايشا، تەرگەپ الىپ، بىردەن سويلەسۋگە شاقىرعان جۇمىس بەرۋشى جۇمىستىڭ ءوزى تۋرالى ناقتى مالىمەت بەرمەدى. "قانداي جۇمىس؟" دەپ سان رەت سۇراعانىممەن، جارىتقان جاۋاپ جوق. تەك كەڭسەگە كەلگەندە عانا تولىق اقپارات بەرەتىنىن ايتتى. الايدا، كوشە بويىندا تىزىلگەن جارنامالاردىڭ ەشقايسىسىندا ناقتى مەكەنجاي كورسەتىلمەپتى. تەك انىعى ستۋدەنتتەر مەن جۇمىس ىزدەگەن بويجەتكەندەرگە جوعارى جالاقى تولەنەتىندىگى العا تارتىلعان. بۇنداي، حابارلاندىرۋلاردىڭ كوبى قىزدارعا ارنالعان. تەك كوشەلەردە عانا ەمەس، عالامتوردى اشساڭ دا بۇنداي حابارلاندىرۋلار "مەن مۇندالاپ" تۇر. جالاقىسى 1 ميلليونعا جۋىق. ادام سەنگىسىز بولعان سوڭ، تەلەفون سوقتىق. 

-   زدراۆستۆۋيتە! 
- زدراۆستۋيتە! 
- حوتەلا ۋزنات ناسچەت رابوتى. 
سكولكو ۆام لەت؟ كاك ۆاس زوۆۋت؟
- مەنيا زوۆۋت مارجان. 25.
- س وپىتوم رابوتى؟
- كۋدا پريدتي نۋجنو؟
- نا ۆاساپ فوتوگرافيۋ وتپراۆتە پوجالۋيتۆا.

جۇمىس تۋرالى سويلەسۋگە شاقىرماس بۇرىن سۋرەتتى سۇراۋ كۇمان تۋدىرادى. ال، زاڭگەرلەردىڭ سوزىنشە، مۇنداي جارنامالاردىڭ بارشاسى جالعان. ويتكەنى، رەسمي اقپارات بەرمەي سەزىكتى قادامدارعا بارادى. ءتىپتى، بۇل ادام ساۋداسىنا سايادى. مامانننىڭ سوزىنشە، سوڭعى جىلدارى جالعان جارنامانىڭ جەتەگىندە كەتەمىن دەپ شەتەل اسقان قىزدار جەتەرلىك. قۇلدىققا قالاي ساتىلعانىن سەزبەي قالعان. سوندىقتان، اسا ساق بولعان ءجون.

«الاياقتىق تۇردە جارنامالار جاسالسا ولاردىڭ اتى مەن زاتى   ساي بولماسا، ياعني ول قر-نىڭ قۇقىقتىق ورگاندارىنا شاعىمدانىپ، جەكەشە تۇردە نەمەسە   ونداي فاكتىلەر كوپ بولىپ جاتسا شاعىمدانا وتىرىپ، ءوزىنىڭ قۇقىقتارى بۇزىلعانى جايلى جازۋعا مىندەتتى، قۇقىلى» - دەيدى زاڭگەر ارمان دۇيسەنباي. 

ال، باس قالاعا باسقا ايماقتاردان اعىلاتىن ارۋلاردىڭ كوبىسى جۇمىسپەن قامتىلعان. ىزدەپ كەلگەننىڭ قولىن قايتارمايمىز دەيدى جۇمىسپەن قامتۋ ورتالىعىنىڭ وكىلى.

«ەگەر ءبىلىمى جوق بولسا، ءبىز قايتا دايارلاۋ وقۋعا وقۋدى ۇسىنامىز. ولار ءارتۇرلى ماماندىعى بويىنشا وزەكتى ماماندىق بويىنشا وقۋدى ۇسىنامىز. ول قىسقا مەرزىمدى 3 ايعا دەيىن ستەپەنديا تولەنەتىن وقۋ. ادامدارعا ءبىز اقپاراتتى ءار جۇيەلەرمەن جەتكىزەمىز»، - دەيدى استانا قالاسى اكىمدىگى حالىقتى جۇمىسپەن قامتۋ ورتالىعىنىڭ ديرەكتورى ولجاس ومار.

الاياقتار دا كۇن كورۋلەرى كەرەك. ال ولار ءۇشىن ەڭ باعالى بيزنەس – ادام ساۋداسى. سوندىقتان، ولار قولدان كەلگەندى جاساپ، قارمانادى دەيدى الەۋمەتتانۋشىلار. سوندىقتان، كۇمان تۋدىراتىن حابارلاندىرۋلاردى تەكسەرمەي جاتىپ، الدانىپ قالۋعا جول بەرمەۋ كەرەك -دەيدى.

«كەز-كەلگەن ۋاقىتتا حالىقتىڭ سەنىمىن پايدالاناتىن الاياقتار تابىلادى. سوندىقتان، ءمان-ماعىناسى ادام ميىنا قونبايتىن حابارلاندىرۋلاردان اۋلاق بولعان ءجون. مەنىڭشە، جوعارى جالاقىسى بار جۇمىستاردى ۇسىناتىن حابارلاندىرۋلاردىڭ بارلىعى كۇماندى. ەگەر، ادام نازارىن اۋداراتىن جارناما بولسا ول بەلگىلى ءبىر رەسمي مەكەمەمەن راستالۋى ءتيىس دەپ ويلايمىن» - دەيدى الەۋماتتانۋشى جانىبەك سەيىتباتتالوۆ.

بۇگىندە جالعان جارنامادان كەلەتىن ءتۇرلى ءقاۋىپ كوپ. اسىرەسە، وعان ۇرىناتىندار جاس قىزدار مەن جاسوسپىرىمدەر ەكەن. سوندىقتان، كوشەدەگى جارنامالاردان ارىلۋ مەن عالامتورداعى حابارلاندىرۋلارعا توسقاۋىل قويۋ قاجەت دەيدى ماماندار.