اقتوبە وبلىسىندا ق ر تاۋەلسىزدىگى كۇنىنە وراي قارعالى اۋدانىنىڭ بادامشا اۋىلىندا «نۇرلى جەر» باعدارلاماسىمەن سالىنعان الپىس پاتەرلى جاڭا بەس قاباتتى تۇرعىن ءۇي پايدالانۋعا بەرىلدى.

مەملەكەتتىك تۇرعىن ءۇي قورىنان باسپانا الۋعا كەزەكتە تۇرعان جەتىم بالالار مەن الەۋمەتتىك جاعىنان ءالجۋاز توپتاعى وتباسىلار، بيۋدجەت سالاسىنىڭ قىزمەتكەرلەرى قونىس تويىن تويلادى.

اۋىل تۇرعىندارىن كوپتەن كۇتكەن جاڭالىقتارىمەن وبلىس اكىمى بەردىبەك ساپاربايەۆ قۇتتىقتادى.

* ەلباسى ساياساتى ءارقاشان ەڭ الدىمەن حالىقتىڭ ءال-اۋقاتىن كوتەرۋگە، سونىڭ ىشىندە ءاربىر قازاقستاندىقتى باسپانامەن قامتاماسىز ەتۋگە باعىتتالعانىن بىلەسىزدەر. سونىڭ ارقاسىندا اقتوبە وبلىسىندا تەك وبلىس ورتالىعىندا عانا ەمەس، وبلىس اۋداندارىندا دا ۇيلەر سالىنىپ جاتىر. تەك وسى جىلدىڭ قورىتىندىسى بويىنشا وبلىستا كەم دەگەندە 900 م2 تۇرعىن ءۇي سالىنادى جانە حالىقتى ساپالى قول جەتىمدى باسپانامەن قامتۋ جۇمىسى جالعاسادى،- دەدى ءوڭىر باسشىسى قۇتتىقتاۋ سوزىندە.

تۇرعىن ءۇيدىڭ قۇرىلىسىنا 430 ملن تەڭگە بولىنگەن. جاڭا قۇرىلىستىڭ اۋلاسى دا تولىقتاي اباتتاندىرىلعان – ويىن، سپورتتىق، فۋتبول وينايتىن الاڭدار ورناتىلعان.

* پرەزيدەنتىمىزدىڭ ساياساتى ارقاسىندا ءوز پاتەرلەرىمىزدىڭ كىلتىن الىپ جاتىرمىز. قۋانىپ تۇرمىن. مەن ەكى بالانىڭ اناسىمىن، ۇزاق ۋاقىت بويى «تولىق ەمەس وتباسى» رەتىندە ءۇي كەزەگىندە تۇردىم. بۇگىن ءبىزدىڭ ارمانىمىز ورىندالدى،-دەدى جۋرناليستەرمەن اڭگىمەسىندە جاڭا ۇيدەن پاتەرلى بولعان بادامشا تۇرعىنى ەۆگەنيا كومينسكايا.

سول كۇنى بادامشادا سونداي-اق، مەرەكەلىك اۋىل شارۋاشىلىعى جارمەڭكەسى ءوتىپ، وعان وبلىس اكىمى دە باردى. ءوڭىر باسشىسى ۇسىنىلعان ونىمدەرگە باعاسىن بەرىپ، تاۋار وندىرۋشىلەرمەن اڭگىمەلەستى دە ولاردى جاڭا تەحنولوگيالار مەن اۋىل شارۋاشىلىعىنىڭ ءداستۇرلى ەمەس تۇرلەرىن يگەرۋگە، مەملەكەتتىك قولداۋ شارالارىن پايدالانۋعا شاقىردى. جارمەڭكە كەزىندە قارعالىلىقتار بال، كوكونىس، ارپا، ءسۇت پەن ەت ونىمدەرىن، كونديتەر بۇيىمدارىن، شەكەر مەن ت.ب. تومەن باعامەن ساتىپ الدى.

سونداي-اق، وبلىس اكىمى بەردىبەك ساپاربايەۆ قوس-ەستەك اۋىلىندا بولىپ، ورتالىق سۋمەن قامتۋ جۇيەسىنىڭ ىسكە قوسۋ راسىمىنە قاتىستى. اتالمىش ەلدى مەكەندى سۋمەن قامتاماسىز ەتۋ ءۇشىن 41 شاقىرىم قۇبىر جۇرگىزۋگە، كولەمى 400 تەكشە مەترلىك ەكى رەزەرۆۋار مەن كولەمى 50 تەكشە مەتر بولاتىن سۋ جينايتىن مۇنارا سالۋ قاجەت بولدى.

* مەملەكەت باسشىسىنىڭ حالىقتىڭ ءال-اۋقاتىن كوتەرۋ تۋرالى تاپسىرماسى اياسىندا بيىل ءبىزدىڭ وبلىستاعى اۋىلداردىڭ كوبىسى ورتالىقتاندىرىلعان سۋمەن قامتۋ جۇيەسىمەن قامتاماسىز ەتىلدى.

ناتيجەسىندە، وبلىس ورتالىقتاندىرىلعان اۋىز سۋمەن 93% قامتىلدى. ءبىز اۋدان تۇرعىندارىن تاۋەلسىزدىك كۇنىمەن جانە ماڭىزدى الەۋمەتتىك نىسانداردىڭ اشىلۋىمەن قۇتتىقتاۋ ءۇشىن ارنايى كەلدىك، - دەدى اۋىل تۇرعىندارىمەن اڭگىمەلەسكەن بەردىبەك ساپاربايەۆ.

ول سونداي-اق، اۋىل تۇرعىندارىن كاسىپكەرلىكپەن، اتاپ ايتقاندا، اۋىلدىڭ ءىرى رەسپۋبليكالىق تاس جولدا ورنالاسقانىن ەسكەرە وتىرىپ، جول بويىندا قىزمەت كورسەتۋمەن اينالىسۋعا، مەملەكەتتىك باعدارلامالار اياسىندا قولداۋ قۇرالدارىن قولدانا وتىرا اۋىل شارۋاشىلىعىن بەلسەندى دامىتۋعا شاقىردى.