اۋىر اتلەتيكادان ءتورت دۇركىن الەم چەمپيونى يليا يلين قازاقستاندىقتارعا ۇندەۋ جاسادى دەپ جازادى Qamshy.kz اقپارات اگەنتتىگى Sputniknews.kz سايتىنىڭ دەرەگىن نەگىزگە الىپ.
سپورتشى وتانداستارىنان اۋىر دەرتكە شالدىققان سپورت ءتىلشىسى گالينا پوليەۆاياعا كومەكتەسۋدى سۇرايدى.
«تاماشا ءبىر جانعا كومەكتەسۋدى سۇراعىم كەلەدى. الماتىدا 22 جەلتوقساندا تاڭعى ساعات 10:00-نان كەشكى 22:00-عا دەيىن MAXIMA ساۋدا ورتالىعىندا قايىرىمدىلىق جارمەڭكەسى بولادى. تۇسكەن قاراجاتتى تۇگەل گالينانىڭ ەمىنە بەرەمىز. ءبىز بۇكىل سپورت الەمى بولىپ، قازاقستان بولىپ وعان كومەكتەسكىمىز كەلەدى»، — دەدى ءقازىر حالىقارالىق كاتار كۋبوگىنا دايىندالىپ جاتقان يلين.
20 جىل بويى «حابار» ارناسىندا سپورت كوممەنتاتورى بولىپ قىزمەت ەتكەن جۋرناليست گالينا پوليەۆايا كەمىك مايىن الماستىرۋى ءتيىس. قازاقستاندا مۇنداي وتانى 50 جاسقا دەيىنگى ناۋقاستارعا جاسايدى، گالينانىڭ جاسى 60-تا. ەمدى وڭتۇستىك كورەيا دارىگەرلەرى جۇرگىزبەك، الايدا بۇعان 286 مىڭ 350 دوللار قاجەت.
سپورت تىلشىسىنە وليمپيادا جۇلدەگەرى يۋليا گالىشيەۆا، وليمپيادا چەمپيونى نيجات راحيموۆ، ءتورت دۇركىن الەم چەمپيونى يليا يلين، ءۇش دۇركىن ەۋروپا چەمپيونى ەلەنا حرۋستاليەۆا جانە تاعى باسقا سپورتشىلار قول ۇشىن بەرىپ جاتىر.
