«ۇردى، مازاق قىلدى، نامىسقا ءتيدى جانە بۇل اتالعان مەكەمە قىزمەتكەرلەرىنىڭ ابىرويى. مەنىڭ ولىمىمە لا155/12 مەكەمەسىنىڭ اكىمشىلگى كىنالى» - دەگەن سوزدەردى كەۋدەلەرىنە كەسىپ جازىپ، ونى تاراتىپ ۇلگەرگەن سوتتالۋشىلار ءقازىر قاپشاعاي قالالىق اۋرۋحاناسىندا جاتىر. تۇرمەدەگى الىمجەتتىككە شىداماي، ءوزىمىزدى ولتىرمەكشى بولدىق دەگەن دميتريي ارتيۋشەنكو، جانىبەك بايبوسىن مەن داۋرەن رىسحاننىڭ ارەكەتى 16 جەلتوقسان كۇنى كۇندىز ورىن العان.

«تۇرمەنىڭ اكىمشىلىگى سوتتالۋشىلاردى ۇرادى. سوندىقتان مەن پروكۋراتۋراعا، پوليسياعا بىرنەشە رەت ارىز جازعانمىن. ءبىراق ەشقانداي شارا قولدانباعاندىقتان مەنىڭ ازاماتتىق نەكەدەگى كۇيەۋىم وسىنداي اۋىر ارەكەتكە بارىپ وتىر»، - دەيدى سوتتالۋشى د.ارتيۋشەنكونىڭ ازاماتتىق نەكەدەگى جۇبايى كسەنيا.

ءقازىر تىيىم سالىنعان زاتتاردىڭ قاپاستاعىلاردىڭ قولىنا قالاي تۇسكەنى انىقتالىپ جاتىر. ال تۇرمە باسشىلارىنىڭ مالىمەتىنشە، ۇرىپ-سوعۋ، كۇش كورسەتۋ سىندى الىمجەتتىك مەكەمە قابىرعاسىندا بۇعان دەيىن مۇلدەم بولماعان. سوتتالۋشىلار سوراقى ارەكەتكە تەك قىستىق جىلى كيىمنىڭ بەرىلمەۋىنە بولا باردى دەيدى تۇرمە قىزمەتكەرلەرى.

«ولارعا ەسكى قىستىق كيىمدەر بەرىلگەن. ويتكەنى سىرت كيىمدەرى توزباعاندىقتان ءبىز جاڭاسىن بەرە المايمىز. جالپى، سوتتالۋشىلارعا كيىمنىڭ جەتىسپەۋشىلىگى بار. ول پروبلەما ءقازىر شەشىلىپ جاتىر»، - دەيدى الماتى وبلىسى بويىنشا قىلمىستىق اتقارۋ جۇيەسى دەپارتامەنتى لا155/12 مەكەمەسى باسشىسىنىڭ مىندەتىن ۋاقىتشا اتقارۋشى الەكسەي وريششەنكو.

ادام ءولتىرىپ، 16 جىلعا سوتتالعان جىگىتتىڭ ءبىرى – ماقسات تۇرعانجان ۇلى. ول جازاسىنىڭ 8 جىلىن وتەگەن.

«ەلدەگى تالاي تۇرمەنىڭ تەمىرىنەن تەلمىرىپ قارادىم. ءۇيىم تالعاردىڭ تۇزدىباستاۋ اۋىلىندا. انام مەن ەكى بالام كۇتىپ وتىر. بولمە جىلى، تازا. تەك تۇرمە اكىمشىلىگى تىنىشتىق بەرسە، باسقاسىنا توزەمىز عوي»، دەيدى ول.

جازاسىنىڭ ءالى جارتىسى قالعان جىگىتتىڭ ايتۋىنشا، تۇرمەدەگى تاعى ءبىر پروبلەما – تاماق ساپاسىنىڭ تىم ناشارلىعى. ايتۋىنشا، تۋىستارى ۇيلەرىنەن اكەلگەن تاماق وزدەرىنە تولىق تيمەيتىن كورىنەدى.

«ءبارى ناشار. تاماقتى از بەرەدى. ۇرىپ-سوعۋ، جۇگىرتۋ دەگەن زاڭدا جوق قوي. بارلىعى زاڭ اياسىندا جۇرگىزىلسە دەيمىز. مىنەزىمىز سايكەس كەلمەي قالادى، ەرەگىسىپ قالامىز، توبەلەسىپ قالامىز. ونداي جاعدايلار بوپ تۇرادى. ونداي تۇرمە تۇگىلى، بوستاندىقتا دا بولادى ەمەس پە؟»، - دەيدى جازاسىن وتەۋشى ماقسات حاپيزوۆ.

«تاماق بەرۋى راسىمەن دە ۇلكەن پروبلەما. ماعان بۇل جەردىڭ تاماقتاندىرۋى مۇلدەم ۇنامايدى. ارينە، بۇل جەر دەمالىس ورنى ەمەس. ءبىراق جالعا الۋشىلاردى اۋىستىرۋ ماسەلەسىمەن اينالىسىپ جاتىرمىز. ويتكەنى، تاۋلىگىنە ءبىر سوتتالۋشىعا 680 تەڭگەنىڭ تاماعى بەرىلەدى. الايدا، ول ءتيىستى دەڭگەيدە ورىندالمايدى»، - دەيدى قاماۋعا الىنعانداردىڭ قۇقىقتارىن قورعاۋ ماسەلەلەرى بويىنشا كواليسياسىنىڭ قۇقىق قورعاۋشىسى مارياننا گۋرينا.

اۋىر جازا ارقالاعاندار تۇزەتۋ مەكەمەسىنىڭ وسىدان 2 اي بۇرىن تاعايىندالعان جاڭا باسشىسى جاعدايدى جاقسارتار دەگەن ۇمىتتە. ال 6 ديامەترلىك تەمىردى اسقازاندارىنا تىققان جىگىتتەردىڭ جاعدايى ءقازىر قالىپتى. جالپى، الماتى وبلىسىندا التى تۇرمە بولسا، سولاردىڭ تورتەۋى وسى زارەچنىي اۋىلىندا ورنالاسقان. ال 1500 ادامعا ارنالىپ سالىنعان لا155/12 مەكەمەسىندە ءقازىر 846 سوتتالۋشى جازاسىن وتەپ جاتىر. ولاردىڭ 173ء-ى تۇرمە ىشىندە جۇمىس ىستەيدى. جالپى، الماتى وبلىسىندا 3200-دەن استام ادام جازاسىن وتەپ جاتىر. بيىل ءارتۇرلى سەبەپتەرمەن 7 سوتتالۋشى كوز جۇمعان.