العاش رەت جەلتوقساننىڭ 21 مەن 22 ارالىعىندا اتىراۋداعى «مۇنايشى» ستاديونىندا اسكەري-پاتريوتتىق كلۋبتار اراسىندا (10-11 سىنىپ وقۋشىلارى مەن 1-2 كۋرس كوللەدج ستۋدەنتتەرى) «Jas Sarbaz» اتتى اسكەري-سپورتتىق ينتەللەكتۋالدى ەستافەتا ءوتتى دەپ حابارلايدى Qamshy.kz اقپارات اگەنتتىگى. 

اتالعان ءىس-شارانى اتىراۋ وبلىسى قورعانىس ىستەرى جونىندەگى دەپارتامەنتى مەن اتىراۋ ايماقتىق دەنە تاربيەسى جانە سپورتتى دامىتۋ ورتالىعى جانىنداعى العاشقى اسكەري دايىندىق كابينەتىمەن بىرلەسە وتىرىپ ۇيىمداستىردى. جارىسقا قالا مەن اۋدانداردان  ىرىكتەلگەن 9 كوماندا قاتىستى (شامامەن 150 ۇل-قىزدار).

كوماندالارعا ساتتىلىك تىلەي كەلگەن دەنە تاربيەسى جانە سپورتتى دامىتۋ ورتالىعىنىڭ ديرەكتورى ءسادىرجان جەكەنوۆ وسىنداي اسكەري-پاتريوتتىق شارالاردى ۇيىمداستىرۋدىڭ جاستار ءۇشىن ماڭىزى زور دەيدى.

«ەلىمىزدە اسكەري سالانى دامىتۋعا، وعان جاستاردى تارتۋعا جەتكىلىكتى كوڭىل ءبولىنىپ كەلەدى. وسكەلەڭ ۇرپاققا وتانشىلدىق تاربيە بەرۋدە، جىگەرلى جاستاردى تاربيەلەۋدە وسى اسكەري-پاتريوتتىق كلۋبتاردىڭ ورنى ەرەكشە دەۋگە بولادى. سىزدەرگە بۇگىنگى سايىستا ساتتىلىك تىلەيمىن. وبلىستىق، رەسپۋبليكالىق، حالىقارالىق سايىستاردا وبلىسىمىزدىڭ ابىرويىن اسقاقتاتا بەرىڭىزدەر»، - دەدى  ءسادىرجان جەكەنوۆ.

اسكەري-سپورتتىق ينتەللەكتۋالدى ەستافەتا كوماندالىق جانە جەكەشە سپورت تۇرلەرىنەن ءوتتى.

ەستافەتا قاتىسۋشىلارى كەلەسى جارىس تۇرلەرىنەن سايىسقا ءتۇستى:

سپورتتىق (سەكىرۋ، جورعالاۋ)؛

ينتەللەكتۋالدى (كومپيۋتەر سۇراعىنا جاۋاپ بەرۋ)

اك-74 اۆتوماتىن بولشەكتەۋ جانە جيناقتاۋ؛

العاشقى مەديسينالىق كومەك كورسەتۋ؛

جالپىاسكەري قورعانىس كيىمى مەن گاز تۇمشالارىن كيۋ.

«ءىس-شارانىڭ باستى ماقساتى – جاستار اراسىندا قارۋلى كۇشتەرىندەگى اسكەري قىزمەتتى ناسيحاتتاۋ، اسكەري قىزمەتكە دەگەن قىزىعۋشىلىعىن ارتتىرۋ، سونداي-اق وسكەلەڭ ۇرپاق اراسىندا سالاۋاتتى ءومىر سالتىن ۇستانۋ»،-دەپ تولىقتىردى اتىراۋ وبلىسىنىڭ ءقىد باسپا ءسوز قىزمەتى. 

ەستافەتا قورىتىندىسى بويىنشا ءبىرىنشى ورىندى يەلەنگەن جىلىوي اۋدانىنان «نامىس» كلۋبى. سونداي-اق، ۇشتىككە ىلىنگەن جەڭىمپازدار قاتارىنا اتىراۋ قالاسى №27 مەكتەبىنىڭ «سارباز» كومانداسى مەن يساتاي اۋدانىنان «قورعانىس» كومانداسى. جەڭىمپازدارعا كۋبوك تاپسىرىلىپ، ءاربىر ويىنشى مەدال جانە گراموتالارمەن ماراپاتتالدى.